Read in తెలుగు / ಕನ್ನಡ / தமிழ் / देवनागरी / English (IAST)
śrīśuka uvāca |
saṁsāravr̥kṣamāruhya dvandvapāśaśatairdr̥ḍhaiḥ |
badhyamānaḥ sutaiśvaryaiḥ patitō yōnisāgarē || 1 ||
yaḥ kāmakrōdhalōbhaistu viṣayaiḥ paripīḍitaḥ |
baddhaḥ svakarmabhirgauṇaiḥ putradāraiṣaṇādibhiḥ || 2 ||
sa kēna nistaratyāśu dustaraṁ bhavasāgaram |
pr̥cchāmyākhyāhi mē tāta tasya muktiḥ kathaṁ bhavēt || 3 ||
śrīvyāsa uvāca |
śr̥ṇu vatsa mahāprājña yajjñātvā muktimāpnuyāt |
tacca vakṣyāmi tē divyaṁ nāradēna śrutaṁ purā || 4 ||
narakē rauravē ghōrē dharmajñānavivarjitāḥ |
svakarmabhirmahāduḥkhaṁ prāptā yatra yamālayē || 5 ||
mahāpāpakr̥taṁ ghōraṁ samprāptāḥ pāpakr̥jjanāḥ |
ālōkya nāradaḥ śīghraṁ gatvā yatra trilōcanaḥ || 6 ||
gaṅgādharaṁ mahādēvaṁ śaṅkaraṁ śūlapāṇinam |
praṇamya vidhivaddēvaṁ nāradaḥ paripr̥cchati || 7 ||
nārada uvāca |
yaḥ saṁsārē mahādvandvaiḥ kāmabhōgaiḥ śubhāśubhaiḥ |
śabdādiviṣayairbaddhaḥ pīḍyamānaḥ ṣaḍūrmibhiḥ || 8 ||
kathaṁ nu mucyatē kṣipraṁ mr̥tyusaṁsārasāgarāt |
bhagavan brūhi mē tattvaṁ śrōtumicchāmi śaṅkara || 9 ||
tasya tadvacanaṁ śrutvā nāradasya trilōcanaḥ |
uvāca tamr̥ṣiṁ śambhuḥ prasannavadanō haraḥ || 10 ||
mahēśvara uvāca |
jñānāmr̥taṁ ca guhyaṁ ca rahasyamr̥ṣisattama |
vakṣyāmi śr̥ṇu duḥkhaghnaṁ sarvabandhabhayāpaham || 11 ||
tr̥ṇādi caturāsyāntaṁ bhūtagrāmaṁ caturvidham |
carācaraṁ jagatsarvaṁ prasuptaṁ yasya māyayā || 12 ||
tasya viṣṇōḥ prasādēna yadi kaścit prabudhyatē |
sa nistarati saṁsāraṁ dēvānāmapi dustaram || 13 ||
bhōgaiśvaryamadōnmattastattvajñānaparāṅmukhaḥ |
saṁsārasumahāpaṅkē jīrṇā gauriva majjati || 14 ||
yastvātmānaṁ nibadhnāti karmabhiḥ kōśakāravat |
tasya muktiṁ na paśyāmi janmakōṭiśatairapi || 15 ||
tasmānnārada sarvēśaṁ dēvānāṁ dēvamavyayam |
ārādhayēt sadā samyagdhyāyēdviṣṇuṁ samāhitaḥ || 16 ||
yastaṁ viśvamanādyantamādyaṁ svātmani saṁsthitam |
sarvajñamamalaṁ viṣṇuṁ sadā dhyāyan vimucyatē || 17 ||
nirvikalpaṁ nirākāśaṁ niṣprapañcaṁ nirāmayam |
vāsudēvamajaṁ viṣṇuṁ sadā dhyāyan vimucyatē || 18 ||
nirañjanaṁ paraṁ śāntamacyutaṁ bhūtabhāvanam |
dēvagarbhaṁ vibhuṁ viṣṇuṁ sadā dhyāyan vimucyatē || 19 ||
sarvapāpavinirmuktamapramēyamalakṣaṇam |
nirvāṇamanaghaṁ viṣṇuṁ sadā dhyāyan vimucyatē || 20 ||
amr̥taṁ paramānandaṁ sarvapāpavivarjitam |
brahmaṇyaṁ śaṅkaraṁ viṣṇuṁ sadā saṅkīrtya mucyatē || 21 ||
yōgēśvaraṁ purāṇākhyamaśarīraṁ guhāśayam |
amātramavyayaṁ viṣṇuṁ sadā dhyāyan vimucyatē || 22 ||
śubhāśubhavinirmuktamūrmiṣaṭkaparaṁ vibhum |
acintyamamalaṁ viṣṇuṁ sadā dhyāyan vimucyatē || 23 ||
sarvadvandvavinirmuktaṁ sarvaduḥkhavivarjitam |
apratarkyamajaṁ viṣṇuṁ sadā dhyāyan vimucyatē || 24 ||
anāmagōtramadvaitaṁ caturthaṁ paramaṁ padam |
taṁ sarvahr̥dgataṁ viṣṇuṁ sadā dhyāyan vimucyatē || 25 ||
arūpaṁ satyasaṅkalpaṁ śuddhamākāśavatparam |
ēkāgramanasā viṣṇuṁ sadā dhyāyan vimucyatē || 26 ||
sarvātmakaṁ svabhāvasthamātmacaitanyarūpakam |
śubhramēkākṣaraṁ viṣṇuṁ sadā dhyāyan vimucyatē || 27 ||
anirvācyamavijñēyamakṣarādimasambhavam |
ēkaṁ nūtnaṁ sadā viṣṇuṁ sadā dhyāyan vimucyatē || 28 ||
viśvādyaṁ viśvagōptāraṁ viśvādaṁ sarvakāmadam |
sthānatrayātigaṁ viṣṇuṁ sadā dhyāyan vimucyatē || 29 ||
sarvaduḥkhakṣayakaraṁ sarvaśāntikaraṁ harim |
sarvapāpaharaṁ viṣṇuṁ sadā dhyāyan vimucyatē || 30 ||
brahmādidēvagandharvairmunibhiḥ siddhacāraṇaiḥ |
yōgibhiḥ sēvitaṁ viṣṇuṁ sadā dhyāyan vimucyatē || 31 ||
viṣṇau pratiṣṭhitaṁ viśvaṁ viṣṇurviśvē pratiṣṭhitaḥ |
viśvēśvaramajaṁ viṣṇuṁ kīrtayannēva mucyatē || 32 ||
saṁsārabandhanānmuktimicchan kāmamaśēṣataḥ |
bhaktyaiva varadaṁ viṣṇuṁ sadā dhyāyan vimucyatē || 33 ||
vyāsa uvāca |
nāradēna purā pr̥ṣṭa ēvaṁ sa vr̥ṣabhadhvajaḥ |
yaduvāca tadā tasmai tanmayā kathitaṁ tava || 34 ||
tamēva satataṁ dhyāhi nirbījaṁ brahma kēvalam |
avāpsyasi dhruvaṁ tāta śāśvataṁ padamavyayam || 35 ||
śrutvā surar̥ṣirviṣṇōḥ prādhānyamidamīśvarāt |
sa viṣṇuṁ samyagārādhya parāṁ siddhimavāptavān || 36 ||
yaścainaṁ paṭhatē caiva nr̥siṁhakr̥tamānasaḥ |
śatajanmakr̥taṁ pāpamapi tasya praṇaśyati || 37 ||
viṣṇōḥ stavamidaṁ puṇyaṁ mahādēvēna kīrtitam |
prātaḥ snātvā paṭhēnnityamamr̥tatvaṁ sa gacchati || 38 ||
dhyāyanti yē nityamanantamacyutaṁ
hr̥tpadmamadhyēṣvatha kīrtayanti yē |
upāsakānāṁ prabhumīśvaraṁ paraṁ
tē yānti siddhiṁ paramāṁ tu vaiṣṇavīm || 39 ||
iti śrīnarasiṁhapurāṇē ṣōḍaśō:’dhyāyē śrī viṣṇōḥ stavarājaḥ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
