Read in తెలుగు / ಕನ್ನಡ / தமிழ் / देवनागरी / English (IAST)
mārkaṇḍēya uvāca |
āgnēyaścaiva skandaśca dīptakīrtiranāmayaḥ |
mayūrakēturdharmātmā bhūtēśō mahiṣārdanaḥ || 1 ||
kāmajitkāmadaḥ kāntaḥ satyavāgbhuvanēśvaraḥ |
śiśuḥ śīghraḥ śuciścaṇḍō dīptavarṇaḥ śubhānanaḥ || 2 ||
amōghastvanaghō raudraḥ priyaścandrānanastathā |
dīptaśaktiḥ praśāntātmā bhadrakukkuṭamōhanaḥ || 3 ||
ṣaṣṭhīpriyaśca dharmātmā pavitrō mātr̥vatsalaḥ |
kanyābhartā vibhaktaśca svāhēyō rēvatīsutaḥ || 4 ||
prabhurnētā viśākhaśca naigamēyaḥ suduścaraḥ |
suvratō lalitaścaiva bālakrīḍanakapriyaḥ || 5 ||
khacārī brahmacārī ca śūraḥ śaravaṇōdbhavaḥ |
viśvāmitrapriyaścaiva dēvasēnāpriyastathā |
vāsudēvapriyaścaiva priyaḥ priyakr̥dēva tu || 6 ||
nāmānyētāni divyāni kārtikēyasya yaḥ paṭhēt |
svargaṁ kīrtiṁ dhanaṁ caiva sa labhēnnātra saṁśayaḥ || 7 ||
stōṣyāmi dēvairr̥ṣibhiśca juṣṭaṁ
śaktyā guhaṁ nāmabhirapramēyam |
ṣaḍānanaṁ śaktidharaṁ suvīraṁ
nibōdha caitāni kurupravīra || 8 ||
brahmaṇyō vai brahmajō brahmavicca
brahmēśayō brahmavatāṁ variṣṭhaḥ |
brahmapriyō brāhmaṇasarvamantrī tvaṁ
brahmaṇāṁ brāhmaṇānāṁ ca nētā || 9 ||
svāhā svadhā tvaṁ paramaṁ pavitraṁ
mantrastutastvaṁ prathitaḥ ṣaḍarciḥ |
saṁvatsarastvamr̥tavaśca ṣaḍvai
māsārdhamāsāśca dinaṁ diśaśca || 10 ||
tvaṁ puṣkarākṣastvaravindavaktraḥ
sahasracakṣō:’si sahasrabāhuḥ |
tvaṁ lōkapālaḥ paramaṁ haviśca
tvaṁ bhāvanaḥ sarvasurāsurāṇām || 11 ||
tvamēva sēnādhipatiḥ pracaṇḍaḥ
prabhurvibhuścāpyatha śakrajētā |
sahasrabhūstvaṁ dharaṇī tvamēva
sahasratuṣṭiśca sahasrabhukca || 12 ||
sahasraśīrṣastvamanantarūpaḥ
sahasrapāttvaṁ daśaśaktidhārī |
gaṅgāsutastvaṁ svamatēna dēva
svāhāmahīkr̥ttikānāṁ tathaiva || 13 ||
tvaṁ krīḍasē ṣaṇmukha kukkuṭēna
yathēṣṭanānāvidhakāmarūpī |
dīkṣā:’si sōmō marutaḥ sadaiva
dharmō:’si vāyuracalēndra indraḥ || 14 ||
sanātanānāmapi śāśvatastvaṁ
prabhuḥ prabhūṇāmapi cōgradhanvā |
r̥tasya kartā ditijāntakastvaṁ
jētā ripūṇāṁ pravaraḥ surāṇām || 15 ||
sūkṣmaṁ tapastatparamaṁ tvamēva
parāvarajñō:’si parāvarastvam |
dharmasya kāmasya parasya caiva
tvattējasā kr̥tsnamidaṁ mahātman || 16 ||
vyāptaṁ jagatsarvasurapravīra
śaktyā mayā saṁstuta lōkanātha |
namō:’stu tē dvādaśanētrabāhō
ataḥ paraṁ vēdmi gatiṁ na tē:’ham || 17 ||
skandasya ya idaṁ vipraḥ paṭhējjanma samāhitaḥ |
śrāvayēdbrāhmaṇēbhyō yaḥ śr̥ṇuyādvā dvijēritam || 18 ||
dhanamāyuryaśō dīptaṁ putrān śatrujayaṁ tathā |
sa puṣṭituṣṭī samprāpya skandasālōkyamāpnuyāt || 19 ||
iti śrīmanmahābhāratē araṇyaparvaṇi trayastriṁśadadhikadviśatatamō:’dhyāyē skanda stōtram |
See more śrī subrahmaṇya stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
