Sri Manasa Devi Stotram (Mahendra Krutam) – śrī manasā dēvī stōtram

mahēndra uvāca |
dēvi tvāṁ stōtumicchāmi sādhvīnāṁ pravarāṁ varām |
parātparāṁ ca paramāṁ na hi stōtuṁ kṣamō:’dhunā || 1 ||

stōtrāṇāṁ lakṣaṇaṁ vēdē svabhāvākhyānataḥ param |
na kṣamaḥ prakr̥tiṁ vaktuṁ guṇānāṁ tava suvratē || 2 ||

śuddhasattvasvarūpā tvaṁ kōpahiṁsāvivarjitā |
na ca śaptō munistēna tyaktayā ca tvayā yataḥ || 3 ||

tvaṁ mayā pūjitā sādhvi jananī ca yathā:’ditiḥ |
dayārūpā ca bhaginī kṣamārūpā yathā prasūḥ || 4 ||

tvayā mē rakṣitāḥ prāṇā putradārāḥ surēśvari |
ahaṁ karōmi tvāṁ pūjyāṁ mama prītiśca vardhatē || 5 ||

nityaṁ yadyapi pūjyā tvaṁ bhavē:’tra jagadambikē |
tathā:’pi tava pūjāṁ vai vardhayāmi punaḥ punaḥ || 6 ||

yē tvāmāṣāḍhasaṅkrāntyāṁ pūjayiṣyanti bhaktitaḥ |
pañcamyāṁ manasākhyāyāṁ māsāntē vā dinē dinē || 7 ||

putrapautrādayastēṣāṁ vardhantē ca dhanāni ca |
yaśasvinaḥ kīrtimantō vidyāvantō guṇānvitāḥ || 8 ||

yē tvāṁ na pūjayiṣyanti nindantyajñānatō janāḥ |
lakṣmīhīnā bhaviṣyanti tēṣāṁ nāgabhayaṁ sadā || 9 ||

[ || stōtram || ]
tvaṁ svargalakṣmīḥ svargē ca vaikuṇṭhē kamalā kalā |
nārāyaṇāṁśō bhagavān jaratkārurmunīśvaraḥ || 10 ||

tapasā tējasā tvāṁ ca manasā sasr̥jē pitā |
asmākaṁ rakṣaṇāyaiva tēna tvaṁ manasābhidhā || 11 ||

manasā dēvituṁ śaktā cātmanā siddhayōginī |
tēna tvaṁ manasādēvī pūjitā vanditā bhavē || 12 ||

yāṁ bhaktyā mānasā dēvāḥ pūjayantyaniśaṁ bhr̥śam |
tēna tvāṁ manasādēvīṁ pravadanti purāvidaḥ || 13 ||

sattvarūpā ca dēvī tvaṁ śaśvatsattvaniṣēvayā |
yō hi yadbhāvayēnnityaṁ śataṁ prāpnōti tatsamam || 14 ||

[ || phalaśruti || ]
indraśca manasāṁ stutvā gr̥hītvā bhaginīṁ ca tām |
nirjagāmasva bhavanaṁ bhūṣāvāsa paricchadām || 15 ||

putrēṇa sārdhaṁ sā dēvī ciraṁ tasthau piturgr̥hē |
bhrātr̥bhiḥ pūjitā śaśvanmānyāvandyā ca sarvataḥ || 16 ||

gōlōkātsurabhī brahmaṁstatrāgatya supūjitām |
idaṁ stōtram puṇyabījaṁ tāṁ sampūjya ca yaḥ paṭhēt || 17 ||

tasya nāgabhayaṁ nāsti tasyavaṁśē bhavēcca yaḥ |
viṣaṁ bhavētsudhātulyaṁ siddhastōtram yadā paṭhēt || 18 ||

pañcalakṣajapēnaiva siddhastōtrō bhavēnnaraḥ |
sarpaśāyī bhavētsō:’pi niścitaṁ sarpavāhanaḥ || 19 ||

iti śrībrahmavaivartēmahāpurāṇē dvitīyēprakr̥tikhaṇḍē manasōpākhyānē mahēndra kr̥ta śrīmanasādēvī stōtram sampūrṇam ||


See more nāgadēvata stōtrāṇi for chanting. See more dēvī stōtrāṇi for chanting.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

Leave a Reply

Your email address will not be published.

error: Not allowed
%d bloggers like this: