Read in తెలుగు / ಕನ್ನಡ / தமிழ் / देवनागरी / English (IAST)
śrīkaṇṭhaprēmaputrāya gaurīvāmāṅkavāsinē |
dvātriṁśadrūpayuktāya śrīgaṇēśāya maṅgalam || 1 ||
ādipūjyāya dēvāya dantamōdakadhāriṇē |
vallabhāprāṇakāntāya śrīgaṇēśāya maṅgalam || 2 ||
lambōdarāya śāntāya candragarvāpahāriṇē |
gajānanāya prabhavē śrīgaṇēśāya maṅgalam || 3 ||
pañcahastāya vandyāya pāśāṅkuśadharāya ca |
śrīmatē gajakarṇāya śrīgaṇēśāya maṅgalam || 4 ||
dvaimāturāya bālāya hērambāya mahātmanē |
vikaṭāyākhuvāhāya śrīgaṇēśāya maṅgalam || 5 ||
pr̥śniśr̥ṅgāyājitāya kṣiprābhīṣṭārthadāyinē |
siddhibuddhi pramōdāya śrīgaṇēśāya maṅgalam || 6 ||
vilambiyajñasūtrāya sarvavighnanivāriṇē |
dūrvādalasupūjyāya śrīgaṇēśāya maṅgalam || 7 ||
mahākāyāya bhīmāya mahāsēnāgrajanmanē |
tripurārivarōddhātrē śrīgaṇēśāya maṅgalam || 8 ||
sindūraramyavarṇāya nāgabaddhōdarāya ca |
āmōdāya pramōdāya śrīgaṇēśāya maṅgalam || 9 ||
vighnakartrē durmukhāya vighnahartrē śivātmanē |
sumukhāyaikadantāya śrīgaṇēśāya maṅgalam || 10 ||
samastagaṇanāthāya viṣṇavē dhūmakētavē |
tryakṣāya phālacandrāya śrīgaṇēśāya maṅgalam || 11 ||
caturthīśāya mānyāya sarvavidyāpradāyinē |
vakratuṇḍāya kubjāya śrīgaṇēśāya maṅgalam || 12 ||
tuṇḍinē kapilākhyāya śrēṣṭhāya r̥ṇahāriṇē |
uddaṇḍōddaṇḍarūpāya śrīgaṇēśāya maṅgalam || 13 ||
kaṣṭahartrē dvidēhāya bhaktēṣṭajayadāyinē |
vināyakāya vibhavē śrīgaṇēśāya maṅgalam || 14 ||
saccidānandarūpāya nirguṇāya guṇātmanē |
vaṭavē lōkaguravē śrīgaṇēśāya maṅgalam || 15 ||
śrīcāmuṇḍāsuputrāya prasannavadanāya ca |
śrīrājarājasēvyāya śrīgaṇēśāya maṅgalam || 16 ||
śrīcāmuṇḍākr̥pāpātra śrīkr̥ṣṇēndravinirmitām |
vibhūtimātr̥kāramyāṁ kalyāṇaiśvaryadāyinīm || 17 ||
śrīmahāgaṇanāthasya śūbhāṁ maṅgalamālikām |
yaḥ paṭhētsatataṁ vāṇīṁ lakṣmīṁ siddhimavāpnuyāt || 18 ||
iti śrīkr̥ṣṇarājēndrakr̥ta śrīmahāgaṇapati maṅgalamālikā stōtram |
See more śrī gaṇēśa stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
