Read in తెలుగు / ಕನ್ನಡ / தமிழ் / देवनागरी / English (IAST)
īśvara uvāca –
ōṁ dhūmāvatī dhūmravarṇā dhūmrapānaparāyaṇā |
dhūmrākṣamathinī dhanyā dhanyasthānanivāsinī || 1 ||
aghōrācārasantuṣṭā aghōrācāramaṇḍitā |
aghōramantrasamprītā aghōramantrapūjitā || 2 ||
aṭṭāṭṭahāsaniratā malināmbaradhāriṇī |
vr̥ddhā virūpā vidhavā vidyā ca viraladvijā || 3 ||
pravr̥ddhaghōṇā kumukhī kuṭilā kuṭilēkṣaṇā |
karālī ca karālāsyā kaṅkālī śūrpadhāriṇī || 4 ||
kākadhvajarathārūḍhā kēvalā kaṭhinā kuhūḥ |
kṣutpipāsārditā nityā lalajjihvā digambarī || 5 ||
dīrghōdarī dīrgharavā dīrghāṅgī dīrghamastakā |
vimuktakuntalā kīrtyā kailāsasthānavāsinī || 6 ||
krūrā kālasvarūpā ca kālacakrapravartinī |
vivarṇā cañcalā duṣṭā duṣṭavidhvaṁsakāriṇī || 7 ||
caṇḍī caṇḍasvarūpā ca cāmuṇḍā caṇḍaniḥsvanā |
caṇḍavēgā caṇḍagatiścaṇḍamuṇḍavināśinī || 8 ||
cāṇḍālinī citrarēkhā citrāṅgī citrarūpiṇī |
kr̥ṣṇā kapardinī kullā kr̥ṣṇārūpā kriyāvatī || 9 ||
kumbhastanī mahōnmattā madirāpānavihvalā |
caturbhujā lalajjihvā śatrusaṁhārakāriṇī || 10 ||
śavārūḍhā śavagatā śmaśānasthānavāsinī |
durārādhyā durācārā durjanaprītidāyinī || 11 ||
nirmāṁsā ca nirākārā dhūmahastā varānvitā |
kalahā ca kaliprītā kalikalmaṣanāśinī || 12 ||
mahākālasvarūpā ca mahākālaprapūjitā |
mahādēvapriyā mēdhā mahāsaṅkaṭanāśinī || 13 ||
bhaktapriyā bhaktagatirbhaktaśatruvināśinī |
bhairavī bhuvanā bhīmā bhāratī bhuvanātmikā || 14 ||
bhēruṇḍā bhīmanayanā trinētrā bahurūpiṇī |
trilōkēśī trikālajñā trisvarūpā trayītanuḥ || 15 ||
trimūrtiśca tathā tanvī triśaktiśca triśūlinī |
iti dhūmāmahat stōtraṁ nāmnāmaṣṭaśatātmakam || 16 ||
mayā tē kathitaṁ dēvi śatrusaṅghavināśanam |
kārāgārē ripugrastē mahōtpātē mahābhayē || 17 ||
idaṁ stōtraṁ paṭhēnmartyō mucyatē sarvasaṅkaṭaiḥ |
guhyādguhyataraṁ guhyaṁ gōpanīyaṁ prayatnataḥ || 18 ||
catuṣpadārthadaṁ nr̥̄ṇāṁ sarvasampatpradāyakam || 19 ||
iti śrīdhūmāvatyaṣṭōttaraśatanāmastōtram |
See more daśamahāvidyā stōtrāṇi for chanting.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
