Shiva Ashtakam – śrī śivāṣṭakam

prabhuṁ prāṇanāthaṁ vibhuṁ viśvanāthaṁ
jagannāthanāthaṁ sadānandabhājām |
bhavadbhavyabhūtēśvaraṁ bhūtanāthaṁ
śivaṁ śaṅkaraṁ śambhumīśānamīḍē || 1 ||

galē ruṇḍamālaṁ tanau sarpajālaṁ
mahākālakālaṁ gaṇēśādipālam |
jaṭājūṭagaṅgōttaraṅgairviśālaṁ
śivaṁ śaṅkaraṁ śambhumīśānamīḍē || 2 ||

mudāmākaraṁ maṇḍanaṁ maṇḍayantaṁ
mahāmaṇḍalaṁ bhasmabhūṣādharaṁ tam |
anādiṁ hyapāraṁ mahāmōhamāraṁ
śivaṁ śaṅkaraṁ śambhumīśānamīḍē || 3 ||

vaṭādhōnivāsaṁ mahāṭ-ṭāṭ-ṭahāsaṁ
mahāpāpanāśaṁ sadāsuprakāśam |
girīśaṁ gaṇēśaṁ surēśaṁ mahēśaṁ
śivaṁ śaṅkaraṁ śambhumīśānamīḍē || 4 ||

girindrātmajāsaṅgr̥hītārdhadēhaṁ
girausaṁsthitaṁ sarvadā pannagēham |
parabrahmabrahmādibhirvandyamānaṁ
śivaṁ śaṅkaraṁ śambhumīśānamīḍē || 5 ||

kapālaṁ triśūlaṁ karābhyāṁ dadhānaṁ
padāmbhōjanamrāya kāmaṁ dadānam |
balīvardayānaṁ surāṇāṁ pradhānaṁ
śivaṁ śaṅkaraṁ śambhumīśānamīḍē || 6 ||

śaraccandragātraṁ gaṇānandapātraṁ
trinētraṁ pavitraṁ dhanēśasya mitram |
aparṇākalatraṁ sadāsaccaritraṁ
śivaṁ śaṅkaraṁ śambhumīśānamīḍē || 7 ||

haraṁ sarpahāraṁ citābhūvihāraṁ
bhavaṁ vēdasāraṁ sadā nirvikāram |
śmaśānē vasantaṁ manōjaṁ dahantaṁ
śivaṁ śaṅkaraṁ śambhumīśānamīḍē || 8 ||

stavaṁ yaḥ prabhātē naraśśūlapāṇēḥ
paṭhēt stōtraratnaṁ tvihaprāpyaratnam |
suputraṁ sudhānyaṁ sumitraṁ kalatraṁ
vicitraissamārādhya mōkṣaṁ prayāti || 9 ||

iti śrī kr̥ṣṇajanmakhaṇḍē śivāṣṭaka stōtram |


See more śrī śiva stotras for chanting.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

Leave a Reply

Your email address will not be published.

error: Not allowed
%d bloggers like this: