Read in తెలుగు / ಕನ್ನಡ / தமிழ் / देवनागरी / English (IAST)
śrīmadātmanē guṇaikasindhavē namaḥ śivāya
dhāmalēśadhūtakōkabandhavē namaḥ śivāya |
nāmaśēṣitānamadbhavāndhavē namaḥ śivāya
pāmarētarapradhānabandhavē namaḥ śivāya || 1 ||
kālabhītaviprabālapāla tē namaḥ śivāya
śūlabhinnaduṣṭadakṣaphāla tē namaḥ śivāya |
mūlakāraṇāya kālakāla tē namaḥ śivāya
pālayādhunā dayālavāla tē namaḥ śivāya || 2 ||
iṣṭavastumukhyadānahētavē namaḥ śivāya
duṣṭadaityavaṁśadhūmakētavē namaḥ śivāya |
sr̥ṣṭirakṣaṇāya dharmasētavē namaḥ śivāya
aṣṭamūrtayē vr̥ṣēndrakētavē namaḥ śivāya || 3 ||
āpadadribhēdaṭaṅkahasta tē namaḥ śivāya
pāpahāridivyasindhumasta tē namaḥ śivāya |
pāpadāriṇē lasannamasta tē namaḥ śivāya
śāpadōṣakhaṇḍanapraśasta tē namaḥ śivāya || 4 ||
vyōmakēśa divyabhavyarūpa tē namaḥ śivāya
hēmamēdinīdharēndracāpa tē namaḥ śivāya |
nāmamātradagdhasarvapāpa tē namaḥ śivāya
kāmanaikatānahr̥ddurāpa tē namaḥ śivāya || 5 ||
brahmamastakāvalīnibaddha tē namaḥ śivāya
jihmagēndrakuṇḍalaprasiddha tē namaḥ śivāya |
brahmaṇē praṇītavēdapaddhatē namaḥ śivāya
jihmakāladēhadattapaddhatē namaḥ śivāya || 6 ||
kāmanāśanāya śuddhakarmaṇē namaḥ śivāya
sāmagānajāyamānaśarmaṇē namaḥ śivāya |
hēmakānticākacakyavarmaṇē namaḥ śivāya
sāmajāsurāṅgalabdhacarmaṇē namaḥ śivāya || 7 ||
janmamr̥tyughōraduḥkhahāriṇē namaḥ śivāya
cinmayaikarūpadēhadhāriṇē namaḥ śivāya |
manmanōrathāvapūrtikāriṇē namaḥ śivāya
sanmanōgatāya kāmavairiṇē namaḥ śivāya || 8 ||
yakṣarājabandhavē dayālavē namaḥ śivāya
dakṣapāṇiśōbhikāñcanālavē namaḥ śivāya |
pakṣirājavāhahr̥cchayālavē namaḥ śivāya
akṣiphālavēdapūtatālavē namaḥ śivāya || 9 ||
dakṣahastaniṣṭhajātavēdasē namaḥ śivāya
akṣarātmanē namadbiḍaujasē namaḥ śivāya |
dīkṣitaprakāśitātmatējasē namaḥ śivāya
ukṣarājavāha tē satāṁ gatē namaḥ śivāya || 10 ||
rājatācalēndrasānuvāsinē namaḥ śivāya
rājamānanityamandahāsinē namaḥ śivāya |
rājakōrakāvataṁsabhāsinē namaḥ śivāya
rājarājamitratāprakāśinē namaḥ śivāya || 11 ||
dīnamānavālikāmadhēnavē namaḥ śivāya
sūnabāṇadāhakr̥tkr̥śānavē namaḥ śivāya |
svānurāgabhaktaratnasānavē namaḥ śivāya
dānavāndhakāracaṇḍabhānavē namaḥ śivāya || 12 ||
sarvamaṅgalākucāgraśāyinē namaḥ śivāya
sarvadēvatāgaṇātiśāyinē namaḥ śivāya |
pūrvadēvanāśasaṁvidhāyinē namaḥ śivāya
sarvamanmanōjabhaṅgadāyinē namaḥ śivāya || 13 ||
stōkabhaktitō:’pi bhaktapōṣiṇē namaḥ śivāya
mākarandasāravarṣibhāṣiṇē namaḥ śivāya |
ēkabilvadānatō:’pi tōṣiṇē namaḥ śivāya
naikajanmapāpajālaśōṣiṇē namaḥ śivāya || 14 ||
sarvajīvarakṣaṇaikaśīlinē namaḥ śivāya
pārvatīpriyāya bhaktapālinē namaḥ śivāya |
durvidagdhadaityasainyadāriṇē namaḥ śivāya
śarvarīśadhāriṇē kapālinē namaḥ śivāya || 15 ||
pāhi māmumāmanōjña dēha tē namaḥ śivāya
dēhi mē varaṁ sitādrigēha tē namaḥ śivāya |
mōhitarṣikāminīsamūha tē namaḥ śivāya
svēhitaprasanna kāmadōha tē namaḥ śivāya || 16 ||
maṅgalapradāya gōturaṅga tē namaḥ śivāya
gaṅgayā taraṅgitōttamāṅga tē namaḥ śivāya |
saṅgarapravr̥ttavairibhaṅga tē namaḥ śivāya
aṅgajārayē karēkuraṅga tē namaḥ śivāya || 17 ||
īhitakṣaṇapradānahētavē namaḥ śivāya
āhitāgnipālakōkṣakētavē namaḥ śivāya |
dēhakāntidhūtaraupyadhātavē namaḥ śivāya
gēhaduḥkhapuñjadhūmakētavē namaḥ śivāya || 18 ||
tryakṣa dīnasatkr̥pākaṭākṣa tē namaḥ śivāya
dakṣasaptatantunāśadakṣa tē namaḥ śivāya |
r̥kṣarājabhānupāvakākṣa tē namaḥ śivāya
rakṣa māṁ prapannamātrarakṣa tē namaḥ śivāya || 19 ||
nyaṅkupāṇayē śivaṅkarāya tē namaḥ śivāya
saṅkaṭābdhitīrṇakiṅkarāya tē namaḥ śivāya |
paṅkabhīṣitābhayaṅkarāya tē namaḥ śivāya
paṅkajāsanāya śaṅkarāya tē namaḥ śivāya || 20 ||
karmapāśanāśa nīlakaṇṭha tē namaḥ śivāya
śarmadāya naryabhasmakaṇṭha tē namaḥ śivāya |
nirmamarṣisēvitōpakaṇṭha tē namaḥ śivāya
kurmahē natīrnamadvikuṇṭha tē namaḥ śivāya || 21 ||
viṣṭapādhipāya namraviṣṇavē namaḥ śivāya
śiṣṭaviprahr̥dguhācariṣṇavē namaḥ śivāya |
iṣṭavastunityatuṣṭajiṣṇavē namaḥ śivāya
kaṣṭanāśanāya lōkajiṣṇavē namaḥ śivāya || 22 ||
apramēyadivyasuprabhāva tē namaḥ śivāya
satprapannarakṣaṇasvabhāva tē namaḥ śivāya |
svaprakāśa nistulānubhāva tē namaḥ śivāya
vipraḍimbhadarśitārdrabhāva tē namaḥ śivāya || 23 ||
sēvakāya mē mr̥ḍa prasīda tē namaḥ śivāya
bhāvalabhyatāvakaprasāda tē namaḥ śivāya |
pāvakākṣa dēvapūjyapāda tē namaḥ śivāya
tavakāṅghribhaktadattamōda tē namaḥ śivāya || 24 ||
bhuktimuktidivyabhōgadāyinē namaḥ śivāya
śaktikalpitaprapañcabhāginē namaḥ śivāya |
bhaktasaṅkaṭāpahārayōginē namaḥ śivāya
yuktasanmanaḥsarōjayōginē namaḥ śivāya || 25 ||
antakāntakāya pāpahāriṇē namaḥ śivāya
śantamāya danticarmadhāriṇē namaḥ śivāya |
santatāśritavyathāvidāriṇē namaḥ śivāya
jantujātanityasaukhyakāriṇē namaḥ śivāya || 26 ||
śūlinē namō namaḥ kapālinē namaḥ śivāya
pālinē viriñcimuṇḍamālinē namaḥ śivāya |
līlinē viśēṣaruṇḍamālinē namaḥ śivāya
śīlinē namaḥ prapuṇyaśālinē namaḥ śivāya || 27 ||
śivapañcākṣaramudrāṁ catuṣpadōllāsapadyamaṇi ghaṭitām |
nakṣatramālikāmiha dadhadupakaṇṭhaṁ narō bhavētsōmaḥ || 28 ||
iti śrīmacchaṅkarācārya kr̥taṁ śrī śiva pañcākṣaranakṣatramālā stōtram ||
See more śrī śiva stotras for chanting.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
