Read in తెలుగు / ಕನ್ನಡ / தமிழ் / देवनागरी / English (IAST)
hē candracūḍa madanāntaka śūlapāṇē
sthāṇō girīśa girijēśa mahēśa śambhō |
bhūtēśa bhītabhayasūdana māmanāthaṁ
saṁsāraduḥkhagahanājjagadīśa rakṣa || 1 ||
hē pārvatīhr̥dayavallabha candramaulē
bhūtādhipa pramathanātha girīśacāpa |
hē vāmadēva bhava rudra pinākapāṇē
saṁsāraduḥkhagahanājjagadīśa rakṣa || 2 ||
hē nīlakaṇṭha vr̥ṣabhadhvaja pañcavaktra
lōkēśa śēṣavalaya pramathēśa śarva |
hē dhūrjaṭē paśupatē girijāpatē māṁ
saṁsāraduḥkhagahanājjagadīśa rakṣa || 3 ||
hē viśvanātha śiva śaṅkara dēvadēva
gaṅgādhara pramathanāyaka nandikēśa |
bāṇēśvarāndhakaripō hara lōkanātha
saṁsāraduḥkhagahanājjagadīśa rakṣa || 4 ||
vārāṇasīpurapatē maṇikarṇikēśa
vīrēśa dakṣamakhakāla vibhō gaṇēśa |
sarvajña sarvahr̥dayaikanivāsa nātha
saṁsāraduḥkhagahanājjagadīśa rakṣa || 5 ||
śrīmanmahēśvara kr̥pāmaya hē dayālō
hē vyōmakēśa śitikaṇṭha gaṇādhinātha |
bhasmāṅgarāga nr̥kapālakalāpamāla
saṁsāraduḥkhagahanājjagadīśa rakṣa || 6 ||
kailāsaśailavinivāsa vr̥ṣākapē hē
mr̥tyuñjaya trinayana trijagannivāsa |
nārāyaṇapriya madāpaha śaktinātha
saṁsāraduḥkhagahanājjagadīśa rakṣa || 7 ||
viśvēśa viśvabhavanāśaka viśvarūpa
viśvātmaka tribhuvanaikaguṇādhikēśa |
hē viśvanātha karuṇāmaya dīnabandhō
saṁsāraduḥkhagahanājjagadīśa rakṣa || 8 ||
gaurīvilāsabhavanāya mahēśvarāya
pañcānanāya śaraṇāgatakalpakāya |
śarvāya sarvajagatāmadhipāya tasmai
dāridryaduḥkhadahanāya namaḥ śivāya || 9 ||
iti śrīmatparamahaṁsaparivrājakācāryasya śrīgōvindabhagavatpūjyapādaśiṣyasya śrīmacchaṅkarabhagavataḥ kr̥tau śrīśivanāmāvalyaṣṭakaṁ sampūrṇam ||
See more śrī śiva stotras for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
