Read in తెలుగు / ಕನ್ನಡ / தமிழ் / देवनागरी / English (IAST)
bhāsvān kāśyapagōtrajō:’ruṇaruciryaḥ siṁhapō:’rkaḥ sami-
-tṣaṭtristhō:’daśaśōbhanō guruśaśī bhaumāḥ sumitrāḥ sadā |
śukrō mandaripuḥ kaliṅgajanapaścāgnīśvarau dēvatē
madhyēvartulapūrvadigdinakaraḥ kuryātsadā maṅgalam || 1 ||
candraḥ karkaṭakaprabhuḥ sitanibhaścātrēyagōtrōdbhava-
-ścātrēyaścaturaśravāruṇamukhaścāpē umādhīśvaraḥ |
ṣaṭsaptāgni daśaikaśōbhanaphalō nōrirbudhārkaupriyau
svāmī yāmunajaśca parṇasamidhaḥ kuryātsadā maṅgalam || 2 ||
bhaumō dakṣiṇadiktrikōṇayamadigvindhyēśvaraḥ khādiraḥ
svāmī vr̥ścikamēṣayōstu suguruścārkaḥ śaśī sauhr̥daḥ |
jñō:’riḥ ṣaṭtriphalapradaśca vasudhāskandau kramāddēvatē
bhāradvājakulōdvahō:’ruṇaruciḥ kuryātsadā maṅgalam || 3 ||
saumyaḥ pīta udaṅmukhaḥ samidapāmārgō:’trigōtrōdbhavō
bāṇēśānadiśaḥ suhr̥dravisutaḥ śāntaḥ sutaḥ śītagōḥ |
kanyāyugmapatirdaśāṣṭacaturaḥ ṣaṇṇētragaḥ śōbhanō
viṣṇurdēvyadhidēvatē magadhapaḥ kuryātsadā maṅgalam || 4 ||
jīvaścāṅgiragōtrajōttaramukhō dīrghōttarāśāsthitaḥ
pītō:’śvatthasamicca sindhujanitaścāpō:’tha mīnādhipaḥ |
sūryēndukṣitijāḥ priyā budhasitau śatrū samāścāparē
saptadvē navapañcamē śubhakaraḥ kuryātsadā maṅgalam || 5 ||
śukrō bhārgavagōtrajaḥ sitaruciḥ pūrvāmukhaḥ pūrvadik
pāñcālastha vr̥ṣastulādhipamahārāṣṭrādhipaudumbaraḥ |
indrāṇīmaghavā budhaśca ravijō mitrōrka candrāvarī
ṣaṣṭhatrirdaśavarjitē bhr̥gusutaḥ kuryātsadā maṅgalam || 6 ||
mandaḥ kr̥ṣṇanibhaḥ sapaścimamukhaḥ saurāṣṭrapaḥ kāśyapaḥ
svāmī nakrasukumbhayōrbudhasitau mitrau kujēndū dviṣau |
sthānaṁ paścimadik prajāpatiyamau dēvau dhanurdhārakaḥ
ṣaṭtristhaḥ śubhakr̥cchanī ravisutaḥ kuryātsadā maṅgalam || 7 ||
rāhuḥ siṁhaladēśapō:’pi satamaḥ kr̥ṣṇāṅgaśūrpāsanō
yaḥ paiṭhīnasagōtrasambhavasamiddūrvāmukhō dakṣiṇaḥ |
yaḥ sarpaḥ paśudaivatō:’khilagataḥ sūryagrahē chādakaḥ
ṣaṭtristhaḥ śubhakr̥cca siṁhakasutaḥ kuryātsadā maṅgalam || 8 ||
kēturjaiminigōtrajaḥ kuśasamidvāyavyakōṇēsthita-
-ścitrāṅkadhvajalāñchanō hi bhagavān yō dakṣiṇāśāmukhaḥ |
brahmā caiva tu citraguptapatimān prītyādhidēvaḥ sadā
ṣaṭtristhaḥ śubhakr̥cca barbarapatiḥ kuryātsadā maṅgalam || 9 ||
iti navagraha maṅgala stōtram |
See more navagraha stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
