Read in తెలుగు / English (IAST)
దుడుకు గల నన్నే దొర కొడుకు బ్రోచురా ఎంతో ||
కడు దుర్విషయా కృష్టుడై గడియ గడియకు నిండారు
దుడుకు గల నన్నే దొర కొడుకు బ్రోచురా ||
శ్రీ వనితా హృత్కుముదాబ్జా వాఙ్మానస గోచర
దుడుకు గల నన్నే దొర కొడుకు బ్రోచురా ||
సకల భూతముల యందు నీవై యుండగ మదిలేక పోయిన
దుడుకు గల నన్నే దొర కొడుకు బ్రోచురా ||
చిరుత ప్రాయమున నాడే భజనామృత రసవిహీన కుతర్కుడైన
దుడుకు గల నన్నే దొర కొడుకు బ్రోచురా ||
పర ధనముల కొరకు పరుల మది
కరగ-బలికి కడుపు నింప దిరిగినట్టి
దుడుకు గల నన్నే దొర కొడుకు బ్రోచురా ||
తన మదిని భువిని సౌఖ్యపు జీవనమే
యనుచు సదా దినములు గడిపిన
దుడుకు గల నన్నే దొర కొడుకు బ్రోచురా ||
తెలియని నటవిట క్షుద్రుల వనితలు స్వవశమౌట కుపదెశించి సంతసిల్లి
స్వరలయంబు లెరుంగకని శిలాత్ముడై సుభక్తులకు సమానమను
దుడుకు గల నన్నే దొర కొడుకు బ్రోచురా ||
దృష్టికి సారంబగు లలనా సదనార్భక సేనామిత ధనాదులను దేవది దేవ
నెర నమ్మితిని గాకను పదాబ్జ భజనంబు మరచిన
దుడుకు గల నన్నే దొర కొడుకు బ్రోచురా ||
చక్కని ముఖ కమలంబును సదా నా మిదిలో స్మరణ లేకనే దుర్మదాంధ-
జనుల కోరి పరితాపములచే దగిలి నొగిలి దుర్విషయ దురాశలను రోయలేక
సతత మపరాధినై చపల చిత్తుడనైన
దుడుకు గల నన్నే దొర కొడుకు బ్రోచురా ||
మానవతను దుర్లభ మనుచు నెంచి పరమానంద మందలేక
మద మత్సర కామ లోభ మోహులకు దాసుడై మోసబోతి గాక
మొదటి కులజుడగుచు భువిని శూద్రుల పనులు సల్పుచునుంటినిగాక
నరాధములను చేరి సారహీన మతములను సాధింప దారుమారు
దుడుకు గల నన్నే దొర కొడుకు బ్రోచురా ||
సతులకై కొన్నాళ్ళాస్థికై సుతులకై కొన్నాళ్ళు ధన తతులకై
తిరిగితి నయ్య త్యాగరాజాప్త ఇటువంటి
దుడుకు గల నన్నే దొర కొడుకు బ్రోచురా ఎంతో
దుడుకు గల నన్నే దొర కొడుకు బ్రోచురా ||
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
