Read in తెలుగు / ಕನ್ನಡ / தமிழ் / देवनागरी / English (IAST)
r̥ṣaya ūcuḥ |
kathaṁ sārasvataprāptiḥ kēna dhyānēna suvrata |
mahāsarasvatī yēna tuṣṭā bhavati tadvada || 1 ||
aśvalāyana uvāca |
śr̥ṇvantu r̥ṣayaḥ sarvē guhyādguhyatamaṁ mahat |
daśaślōkīstutimimāṁ vadāmi dhyānapūrvakam || 2 ||
dhyānam –
aṅkuśaṁ cākṣasūtraṁ ca pāśaṁ pustaṁ ca dhāriṇīm |
muktāhāraiḥ samāyuktāṁ dēvīṁ dhyāyēccaturbhujām || 3 ||
sitēna darpaṇābhēna vaktrēṇa paribhūṣitām |
sustanīṁ vēdimadhyāṁ tāṁ candrārdhakr̥taśēkharām || 4 ||
jaṭākalāpasamyuktāṁ pūrṇacandranibhānanām |
trilōcanīṁ mahādēvīṁ svarṇanūpuradhāriṇīm || 5 ||
kaṭakasvarṇaratnāḍhyamahāvalayabhūṣitām |
kambukaṇṭhīṁ sutāmrōṣṭīṁ sarvābharaṇabhūṣitām || 6 ||
kēyūrairmēkhalādyaiśca dyōtayantīṁ jagattrayam |
śabdabrahmāraṇiṁ dhyāyēddhyānakāmaḥ samāhitaḥ || 7 ||
vakṣyē sārasvataṁ stōtraṁ vākpravr̥ttikaraṁ śubham |
lakṣmīvivardhanaṁ caiva vivādē vijayapradam || 8 ||
parabrahmātmikāṁ dēvīṁ bhuktimuktiphalapradām |
praṇamya staumi tāmēva jñānaśaktiṁ sarasvatīm || 9 ||
stutiḥ –
yā vēdāntōktatattvaikasvarūpā paramārthataḥ |
nāmarūpātmikā vyaktā sā māṁ pātu sarasvatī || 10 ||
yā sāṅgōpāṅgavēdēṣu caturṣvēkaiva gīyatē |
advaitā brahmaṇaḥ śaktiḥ sā māṁ pātu sarasvatī || 11 ||
yā varṇapadavākyārthasvarūpēṇaiva vartatē |
anādinidhanānantā sā māṁ pātu sarasvatī || 12 ||
adhyātmamadhidēvaṁ ca dēvānāṁ samyagīśvarī |
pratyagātmēva santī yā sā māṁ pātu sarasvatī || 13 ||
antaryāmyātmanā viśvaṁ trailōkyaṁ yā niyacchati |
rudrādityādirūpasthā sā māṁ pātu sarasvatī || 14 ||
yā pratyagdr̥ṣṭibhirjñānairvyajyamānānubhūyatē |
vyāpinī jñaptirūpaikā sā māṁ pātu sarasvatī || 15 ||
nāmajātyādibhirbhēdairaṣṭadhā yā vikalpitā |
nirvikalpātmikā caiva sā māṁ pātu sarasvatī || 16 ||
vyaktāvyaktagiraḥ sarvē dēvādyā vyāharanti yām |
sarvakāmadughā dhēnuḥ sā māṁ pātu sarasvatī || 17 ||
yāṁ viditvākhilaṁ bandhaṁ nirmathyāmalavartmanā |
yōgī yāti paraṁ sthānaṁ sā māṁ pātu sarasvatī || 18 ||
nāmajātyādikaṁ sarvaṁ yasyāmāviśya tāṁ punaḥ |
dhyāyantī brahmarūpaikā sā māṁ pātu sarasvatī || 19 ||
phalaśrutiḥ –
yaḥ kavitvaṁ nirātaṅkaṁ bhuktiṁ muktiṁ ca vāñchati |
sō:’bhyarcyaināṁ daśaślōkyā bhaktyā stautu sarasvatīm || 20 ||
tasyaivaṁ stuvatō nityaṁ samabhyarcya sarasvatīm |
bhaktiśraddhābhiyuktasya ṣaṇmāsāt pratyayō bhavēt || 21 ||
tataḥ pravartatē vāṇī svēcchayā lalitākṣarā |
gadyapadyātmikā vidyā pramēyaiśca vivartatē || 22 ||
aśrutō budhyatē granthaḥ prāyaḥ sārasvataḥ kaviḥ |
śrutaṁ ca dhārayēdāśu skhaladvāk spaṣṭavāgbhavēt || 23 ||
prakhyātaḥ sarvalōkēṣu vāgmī bhavati pūjitaḥ |
ajitaḥ pratipakṣāṇāṁ svayaṁ jētā:’dhijāyatē || 24 ||
ayōdhyairvēdabāhyairvā vivādē prastutē sati |
ahaṁ vācaspatirviṣṇuḥ śivō vāsmīti bhāvayēt || 25 ||
ēvaṁ bhāvayatā tēna br̥haspatirapi svayam |
na śaknōti paraṁ vaktuṁ narēṣvanyēṣu kā kathā || 26 ||
na kāñcana striyaṁ nindēt na dēvānnāpi ca dvijān |
anāryairnābhibhāṣēta sarvatraiva kṣamī bhavēt || 27 ||
sarvatraiva priyaṁ brūyāt yathēcchālabdhamātmanaḥ |
ślōkairēva tiraskr̥tya dviṣantaṁ prativādinam || 28 ||
prativādigajānāṁ tu siṁhō bhavati tadvacaḥ |
yadvāgitidvyr̥cēnaiva dēvīṁ yō:’rcati suvrataḥ |
tasya nāsaṁskr̥tā vāṇī mukhāduccāritā kvacit || 29 ||
prathamaṁ bhāratī nāma dvitīyaṁ ca sarasvatī |
tr̥tīyaṁ śāradā dēvī caturthaṁ kaṁsamardanī || 30 ||
pañcamaṁ tu jaganmātā ṣaṣṭhaṁ caiva tu pārvatī |
saptamaṁ caiva kāmakṣī hyaṣṭamaṁ brahmacāriṇī || 31 ||
navamaṁ caiva vārāhī daśamaṁ brahmaputrikā |
ēkādaśaṁ ca vāgdēvī dvādaśaṁ varadāmbikā || 32 ||
dvādaśaitāni nāmāni trisandhyaṁ yaḥ paṭhēnnaraḥ |
tasya sārasvataṁ caiva ṣaṇmāsēnaiva sidhyati || 33 ||
yasyāḥ smaraṇamātrēṇa vāgvibhūtirvijr̥mbhatē |
sā bhāratī prasannākṣī ramatāṁ manmukhāmbujē || 34 ||
ityāśvalāyanamunirnijagāda dēvyāḥ
stōtraṁ samastaphalabhōganidhānabhūtam |
ētat paṭhan dvijavaraḥ śucitāmupaiti
sandhyāsu vāñchitamupaitina saṁśayō:’tra || 35 ||
iti aśvalāyana prōkta śrī sarasvatī daśaślōkī stutiḥ ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
