Read in తెలుగు / ಕನ್ನಡ / தமிழ் / देवनागरी / English (IAST)
rudra uvāca |
saṁsārasāgarādghōrānmucyatē kiṁ japan prabhō |
narastanmē paraṁ japyaṁ kathaya tvaṁ janārdana || 1 ||
hariruvāca |
parēśvaraṁ paraṁ brahma paramātmānamavyayam |
viṣṇuṁ nāmasahasrēṇa stuvanmuktō bhavēnnaraḥ || 2 ||
yatpavitraṁ paraṁ japyaṁ kathayāmi vr̥ṣadhvaja |
śr̥ṇuṣvāvahitō bhūtvā sarvapāpavināśanam || 3 ||
ōm || vāsudēvō mahāviṣṇurvāmanō vāsavō vasuḥ |
bālacandranibhō bālō balabhadrō balādhipaḥ || 4 ||
balibandhanakr̥dvēdhā varēṇyō vēdavit kaviḥ |
vēdakartā vēdarūpō vēdyō vēdapariplutaḥ || 5 ||
vēdāṅgavēttā vēdēśō balādhārō balārdanaḥ |
avikārō varēśaśca varuṇō varuṇādhipaḥ || 6 ||
vīrahā ca br̥hadvīrō vanditaḥ paramēśvaraḥ |
ātmā ca paramātmā ca pratyagātmā viyatparaḥ || 7 ||
padmanābhaḥ padmanidhiḥ padmahastō gadādharaḥ |
paramaḥ parabhūtaśca puruṣōttama īśvaraḥ || 8 ||
padmajaṅghaḥ puṇḍarīkaḥ padmamālādharaḥ priyaḥ |
padmākṣaḥ padmagarbhaśca parjanyaḥ padmasaṁsthitaḥ || 9 ||
apāraḥ paramārthaśca parāṇāṁ ca paraḥ prabhuḥ |
paṇḍitaḥ paṇḍitēḍyaśca pavitraḥ pāpamardakaḥ || 10 ||
śuddhaḥ prakāśarūpaśca pavitraḥ parirakṣakaḥ |
pipāsāvarjitaḥ pādyaḥ puruṣaḥ prakr̥tistathā || 11 ||
pradhānaṁ pr̥thivīpadmaṁ padmanābhaḥ priyapradaḥ |
sarvēśaḥ sarvagaḥ sarvaḥ sarvavit sarvadaḥ suraḥ || 12 ||
sarvasya jagatō dhāma sarvadarśī ca sarvabhr̥t |
sarvānugrahakr̥ddēvaḥ sarvabhūtahr̥disthitaḥ || 13 ||
sarvapūjyaśca sarvādyaḥ sarvadēvanamaskr̥taḥ |
sarvasya jagatō mūlaṁ sakalō niṣkalō:’nalaḥ || 14 ||
sarvagōptā sarvaniṣṭhaḥ sarvakāraṇakāraṇam |
sarvadhyēyaḥ sarvamitraḥ sarvadēvasvarūpadhr̥k || 15 ||
sarvādhyakṣaḥ surādhyakṣaḥ surāsuranamaskr̥taḥ |
duṣṭānāṁ cāsurāṇāṁ ca sarvadā ghātakō:’ntakaḥ || 16 ||
satyapālaśca sannābhaḥ siddhēśaḥ siddhavanditaḥ |
siddhasādhyaḥ siddhasiddhaḥ sādhyasiddhō hr̥dīśvaraḥ || 17 ||
śaraṇaṁ jagataścaiva śrēyaḥ kṣēmastathaiva ca |
śubhakr̥cchōbhanaḥ saumyaḥ satyaḥ satyaparākramaḥ || 18 ||
satyasthaḥ satyasaṅkalpaḥ satyavit satyadastathā |
dharmō dharmī ca karmī ca sarvakarmavivarjitaḥ || 19 ||
karmakartā ca karmaiva kriyā kāryaṁ tathaiva ca |
śrīpatirnr̥patiḥ śrīmān sarvasya patirūrjitaḥ || 20 ||
sadēvānāṁ patiścaiva vr̥ṣṇīnāṁ patirīḍitaḥ |
patirhiraṇyagarbhasya tripurāntapatistathā || 21 ||
paśūnāṁ ca patiḥ prāyō vasūnāṁ patirēva ca |
patirākhaṇḍalasyaiva varuṇasya patistathā || 22 ||
vanaspatīnāṁ ca patiranilasya patistathā |
analasya patiścaiva yamasya patirēva ca || 23 ||
kubērasya patiścaiva nakṣatrāṇāṁ patistathā |
ōṣadhīnāṁ patiścaiva vr̥kṣāṇāṁ ca patistathā || 24 ||
nāgānāṁ patirarkasya dakṣasya patirēva ca |
suhr̥dāṁ ca patiścaiva nr̥pāṇāṁ ca patistathā || 25 ||
gandharvāṇāṁ patiścaiva asūnāṁ patiruttamaḥ |
parvatānāṁ patiścaiva nimnagānāṁ patistathā || 26 ||
surāṇāṁ ca patiḥ śrēṣṭhaḥ kapilasya patistathā |
latānāṁ ca patiścaiva vīrudhāṁ ca patistathā || 27 ||
munīnāṁ ca patiścaiva sūryasya patiruttamaḥ |
patiścandramasaḥ śrēṣṭhaḥ śukrasya patirēva ca || 28 ||
grahāṇāṁ ca patiścaiva rākṣasānāṁ patistathā |
kinnarāṇāṁ patiścaiva dvijānāṁ patiruttamaḥ || 29 ||
saritāṁ ca patiścaiva samudrāṇāṁ patistathā |
sarasāṁ ca patiścaiva bhūtānāṁ ca patistathā || 30 ||
vētālānāṁ patiścaiva kūṣmāṇḍānāṁ patistathā |
pakṣiṇāṁ ca patiḥ śrēṣṭhaḥ paśūnāṁ patirēva ca || 31 ||
mahātmā maṅgalō mēyō mandarō mandarēśvaraḥ |
mērurmātā pramāṇaṁ ca mādhavō malavarjitaḥ || 32 ||
mālādharō mahādēvō mahādēvēna pūjitaḥ |
mahāśāntō mahābhāgō madhusūdana ēva ca || 33 ||
mahāvīryō mahāprāṇō mārkaṇḍēyarṣivanditaḥ |
māyātmā māyayā baddhō māyayā tu vivarjitaḥ || 34 ||
munistutō munirmaitrō mahānāsō mahāhanuḥ |
mahābāhurmahādāntō maraṇēna vivarjitaḥ || 35 ||
mahāvaktrō mahātmā ca mahākāyō mahōdaraḥ |
mahāpādō mahāgrīvō mahāmānī mahāmanāḥ || 36 ||
mahāgatirmahākīrtirmahārūpō mahāsuraḥ |
madhuśca mādhavaścaiva mahādēvō mahēśvaraḥ || 37 ||
makhējyō makharūpī ca mānanīyō makhēśvaraḥ |
mahāvātō mahābhāgō mahēśō:’tītamānuṣaḥ || 38 ||
mānavaśca manuścaiva mānavānāṁ priyaṅkaraḥ |
mr̥gaśca mr̥gapūjyaśca mr̥gāṇāṁ ca patistathā || 39 ||
budhasya ca patiścaiva patiścaiva br̥haspatēḥ |
patiḥ śanaiścarasyaiva rāhōḥ kētōḥ patistathā || 40 ||
lakṣmaṇō lakṣaṇaścaiva lambōṣṭhō lalitastathā |
nānālaṅkārasamyuktō nānācandanacarcitaḥ || 41 ||
nānārasōjjvaladvaktrō nānāpuṣpōpaśōbhitaḥ |
rāmō ramāpatiścaiva sabhāryaḥ paramēśvaraḥ || 42 ||
ratnadō ratnahartā ca rūpī rūpavivarjitaḥ |
mahārūpōgrarūpaśca saumyarūpastathaiva ca || 43 ||
nīlamēghanibhaḥ śuddhaḥ kālamēghanibhastathā |
dhūmavarṇaḥ pītavarṇō nānārūpō hyavarṇakaḥ || 44 ||
virūpō rūpadaścaiva śuklavarṇastathaiva ca |
sarvavarṇō mahāyōgī yajñō yajñakr̥dēva ca || 45 ||
suvarṇavarṇavāṁścaiva suvarṇākhyastathaiva ca |
suvarṇāvayavaścaiva suvarṇaḥ svarṇamēkhalaḥ || 46 ||
suvarṇasya pradātā ca suvarṇēśastathaiva ca |
suvarṇasya priyaścaiva suvarṇāḍhyastathaiva ca || 47 ||
suparṇī ca mahāparṇī suparṇasya ca kāraṇam |
vainatēyastathāditya ādirādikaraḥ śivaḥ || 48 ||
kāraṇaṁ mahataścaiva pradhānasya ca kāraṇam |
buddhīnāṁ kāraṇaṁ caiva kāraṇaṁ manasastathā || 49 ||
kāraṇaṁ cētasaścaiva ahaṅkārasya kāraṇam |
bhūtānāṁ kāraṇaṁ tadvatkāraṇaṁ ca vibhāvasōḥ || 50 ||
ākāśakāraṇaṁ tadvatpr̥thivyāḥ kāraṇaṁ param |
aṇḍasya kāraṇaṁ caiva prakr̥tēḥ kāraṇaṁ tathā || 51 ||
dēhasya kāraṇaṁ caiva cakṣuṣaścaiva kāraṇam |
śrōtrasya kāraṇaṁ tadvatkāraṇaṁ ca tvacastathā || 52 ||
jihvāyāḥ kāraṇaṁ caiva prāṇasyaiva ca kāraṇam |
hastayōḥ kāraṇaṁ tadvatpādayōḥ kāraṇaṁ tathā || 53 ||
vācaśca kāraṇaṁ tadvatpāyōścaiva tu kāraṇam |
indrasya kāraṇaṁ caiva kubērasya ca kāraṇam || 54 ||
yamasya kāraṇaṁ caiva īśānasya ca kāraṇam |
yakṣāṇāṁ kāraṇaṁ caiva rakṣasāṁ kāraṇaṁ param || 55 ||
nr̥pāṇāṁ kāraṇaṁ śrēṣṭhaṁ dharmasyaiva tu kāraṇam |
jantūnāṁ kāraṇaṁ caiva vasūnāṁ kāraṇaṁ param || 56 ||
manūnāṁ kāraṇaṁ caiva pakṣiṇāṁ kāraṇaṁ param |
munīnāṁ kāraṇaṁ śrēṣṭha yōgināṁ kāraṇaṁ param || 57 ||
siddhānāṁ kāraṇaṁ caiva yakṣāṇāṁ kāraṇaṁ param |
kāraṇaṁ kinnarāṇāṁ ca gandharvāṇāṁ ca kāraṇam || 58 ||
nadānāṁ kāraṇaṁ caiva nadīnāṁ kāraṇaṁ param |
kāraṇaṁ ca samudrāṇāṁ vr̥kṣāṇāṁ kāraṇaṁ tathā || 59 ||
kāraṇaṁ vīrudhāṁ caiva lōkānāṁ kāraṇaṁ tathā |
pātāla kāraṇaṁ caiva dēvānāṁ kāraṇaṁ tathā || 60 ||
sarpāṇāṁ kāraṇaṁ caiva śrēyasāṁ kāraṇaṁ tathā |
paśūnāṁ kāraṇaṁ caiva sarvēṣāṁ kāraṇaṁ tathā || 61 ||
dēhātmā cēndriyātmā ca ātmā buddhēstathaiva ca |
manasaśca tathaivātmā cātmāhaṅkāracētasaḥ || 62 ||
jāgrataḥ svapataścātmā mahadātmā parastathā |
pradhānasya parātmā ca ākāśātmā hyapāṁ tathā || 63 ||
pr̥thivyāḥ paramātmā ca rasasyātmā tathaiva ca |
gandhasya paramātmā ca rūpasyātmā parastathā || 64 ||
śabdātmā caiva vāgātmā sparśātmā puruṣastathā |
śrōtrātmā ca tvagātmā ca jihvātmā paramastathā || 65 ||
ghrāṇātmā caiva hastātmā pādātmā paramastathā |
upasthasya tathaivātmā pāyvātmā paramastathā || 66 ||
indrātmā caiva brahmātmā rudrātmā ca manōstathā |
dakṣaprajāpatērātmā satyātmā paramastathā || 67 ||
īśātmā paramātmā ca raudrātmā mōkṣavidyatiḥ |
yatnavāṁśca tathā yatnaścarmī khaḍgī murāntakaḥ || 68 ||
hrīpravartanaśīlaśca yatīnāṁ ca hitē rataḥ |
yatirūpī ca yōgī ca yōgidhyēyō hariḥ śitiḥ || 69 ||
saṁvinmēdhā ca kālaśca ūṣmā varṣā matistathā |
saṁvatsarō mōkṣakarō mōhapradhvaṁsakastathā || 70 ||
mōhakartā ca duṣṭānāṁ māṇḍavyō vaḍavāmukhaḥ |
saṁvartaḥ kālakartā ca gautamō bhr̥guraṅgirāḥ || 71 ||
atrirvasiṣṭhaḥ pulahaḥ pulastyaḥ kutsa ēva ca |
yājñavalkyō dēvalaśca vyāsaścaiva parāśaraḥ || 72 ||
śarmadaścaiva gāṅgēyō hr̥ṣīkēśō br̥hacchravāḥ |
kēśavaḥ klēśahantā ca sukarṇaḥ karṇavarjitaḥ || 73 ||
nārāyaṇō mahābhāgaḥ prāṇasya patirēva ca |
apānasya patiścaiva vyānasya patirēva ca || 74 ||
udānasya patiḥ śrēṣṭhaḥ samānasya patistathā |
śabdasya ca patiḥ śrēṣṭhaḥ sparśasya patirēva ca || 75 ||
rūpāṇāṁ ca patiścādyaḥ khaḍgapāṇirhalāyudhaḥ |
cakrapāṇiḥ kuṇḍalī ca śrīvatsāṅkastathaiva ca || 76 ||
prakr̥tiḥ kaustubhagrīvaḥ pītāmbaradharastathā |
sumukhō durmukhaścaiva mukhēna tu vivarjitaḥ || 77 ||
anantō:’nantarūpaśca sunakhaḥ suramandaraḥ |
sukapōlō vibhurjiṣṇurbhrājiṣṇuścēṣudhīstathā || 78 ||
hiraṇyakaśipōrhantā hiraṇyākṣavimardakaḥ |
nihantā pūtanāyāśca bhāskarāntavināśanaḥ || 79 ||
kēśinō dalanaścaiva muṣṭikasya vimardakaḥ |
kaṁsadānavabhēttā ca cāṇūrasya pramardakaḥ || 80 ||
ariṣṭasya nihantā ca akrūrapriya ēva ca |
akrūraḥ krūrarūpaśca akrūrapriyavanditaḥ || 81 ||
bhagahā bhagavān bhānustathā bhāgavataḥ svayam |
uddhavaścōddhavasyēśō hyuddhavēna vicintitaḥ || 82 ||
cakradhr̥k cañcalaścaiva calācalavivarjitaḥ |
ahaṅkārōpamaścittaṁ gaganaṁ pr̥thivī jalam || 83 ||
vāyuścakṣustathā śrōtraṁ jihvā ca ghrāṇamēva ca |
vākpāṇipādajavanaḥ pāyūpasthastathaiva ca || 84 ||
śaṅkaraścaiva sarvaśca kṣāntidaḥ kṣāntikr̥nnaraḥ |
bhaktapriyastathā bhartā bhaktimān bhaktivardhanaḥ || 85 ||
bhaktastutō bhaktaparaḥ kīrtidaḥ kīrtivardhanaḥ |
kīrtirdīptiḥ kṣamākāntirbhaktaścaiva dayā parā || 86 ||
dānaṁ dātā ca kartā ca dēvadēvapriyaḥ śuciḥ |
śucimān sukhadō mōkṣaḥ kāmaścārthaḥ sahasrapāt || 87 ||
sahasraśīrṣā vaidyaśca mōkṣadvāraṁ tathaiva ca |
prajādvāraṁ sahasrākṣaḥ sahasrakara ēva ca || 88 ||
śukraśca sukirīṭī ca sugrīvaḥ kaustubhastathā |
pradyumnaścāniruddhaśca hayagrīvaśca sūkaraḥ || 89 ||
matsyaḥ paraśurāmaśca prahlādō balirēva ca |
śaraṇyaścaiva nityaśca buddhō muktaḥ śarīrabhr̥t || 90 ||
kharadūṣaṇahantā ca rāvaṇasya pramardanaḥ |
sītāpatiśca vardhiṣṇurbharataśca tathaiva ca || 91 ||
kumbhēndrajinnihantā ca kumbhakarṇapramardanaḥ |
narāntakāntakaścaiva dēvāntakavināśanaḥ || 92 ||
duṣṭāsuranihantā ca śambarāristathaiva ca |
narakasya nihantā ca triśīrṣasya vināśanaḥ || 93 ||
yamalārjunabhēttā ca tapōhitakarastathā |
vāditraṁ caiva vādyaṁ ca buddhaścaiva varapradaḥ || 94 ||
sāraḥ sārapriyaḥ sauraḥ kālahantr̥nikr̥ntanaḥ |
agastyō dēvalaścaiva nāradō nāradapriyaḥ || 95 ||
prāṇō:’pānastathā vyānō rajaḥ sattvaṁ tamaḥ śarat |
udānaśca samānaśca bhēṣajaṁ ca bhiṣak tathā || 96 ||
kūṭasthaḥ svaccharūpaśca sarvadēhavivarjitaḥ |
cakṣurindriyahīnaśca vāgindriyavivarjitaḥ || 97 ||
hastēndriyavihīnaśca pādābhyāṁ ca vivarjitaḥ |
pāyūpasthavihīnaśca marutāpavivarjitaḥ || 98 || [mahātāpa]
prabōdhēna vihīnaśca buddhyā caiva vivarjitaḥ |
cētasā vigataścaiva prāṇēna ca vivarjitaḥ || 99 ||
apānēna vihīnaśca vyānēna ca vivarjitaḥ |
udānēna vihīnaśca samānēna vivarjitaḥ || 100 ||
ākāśēna vihīnaśca vāyunā parivarjitaḥ |
agninā ca vihīnaśca udakēna vivarjitaḥ || 101 ||
pr̥thivyā ca vihīnaśca śabdēna ca vivarjitaḥ |
sparśēna ca vihīnaśca sarvarūpavivarjitaḥ || 102 ||
rāgēṇa vigataścaiva aghēna parivarjitaḥ |
śōkēna rahitaścaiva vacasā parivarjitaḥ || 103 ||
rajōvivarjitaścaiva vikāraiḥ ṣaḍbhirēva ca |
kāmēna varjitaścaiva krōdhēna parivarjitaḥ || 104 ||
lōbhēna vigataścaiva dambhēna ca vivarjitaḥ |
sūkṣmaścaiva susūkṣmaśca sthūlātsthūlatarastathā || 105 ||
viśāradō balādhyakṣaḥ sarvasya kṣōbhakastathā |
prakr̥tēḥ kṣōbhakaścaiva mahataḥ kṣōbhakastathā || 106 ||
bhūtānāṁ kṣōbhakaścaiva buddhēśca kṣōbhakastathā |
indriyāṇāṁ kṣōbhakaśca viṣayakṣōbhakastathā || 107 ||
brahmaṇaḥ kṣōbhakaścaiva rudrasya kṣōbhakastathā |
agamyaścakṣurādēśca śrōtrāgamyastathaiva ca || 108 ||
tvacā na gamyaḥ kūrmaśca jihvā:’grāhyastathaiva ca |
ghrāṇēndriyāgamya ēva vācā:’grāhyastathaiva ca || 109 ||
agamyaścaiva pāṇibhyāṁ padāgamyastathaiva ca |
agrāhyō manasaścaiva buddhyā:’grāhyō haristathā || 110 ||
ahaṁ buddhyā tathā:’grāhyaścētasā:’grāhya ēva ca |
śaṅkhapāṇiścāvyayaśca gadāpāṇistathaiva ca || 111 ||
śārṅgapāṇiśca kr̥ṣṇaśca jñānamūrtiḥ parantapaḥ |
tapasvī jñānagamyō hi jñānī jñānavidēva ca || 112 ||
jñēyaśca jñēyahīnaśca jñaptiścaitanyarūpakaḥ |
bhāvō bhāvyō bhavakarō bhāvanō bhavanāśanaḥ || 113 ||
gōvindō gōpatirgōpaḥ sarvagōpīsukhapradaḥ |
gōpālō gōgatiścaiva gōmatirgōdharastathā || 114 ||
upēndraśca nr̥siṁhaśca śauriścaiva janārdanaḥ |
āraṇēyō br̥hadbhānurbr̥haddīptistathaiva ca || 115 ||
dāmōdarastrikālaśca kālajñaḥ kālavarjitaḥ |
trisandhyō dvāparaṁ trētā prajādvāraṁ trivikramaḥ || 116 ||
vikramō daṇḍahastaśca hyēkadaṇḍī tridaṇḍadhr̥k |
sāmabhēdastathōpāyaḥ sāmarūpī ca sāmagaḥ || 117 ||
sāmavēdō hyatharvaśca sukr̥taḥ sutarūpaṇaḥ |
atharvavēdaviccaiva hyatharvācārya ēva ca || 118 ||
r̥grūpī caiva r̥gvēda r̥gvēdēṣu pratiṣṭhitaḥ |
yajurvēttā yajurvēdō yajurvēdavidēkapāt || 119 ||
bahupācca supāccaiva tathaiva ca sahasrapāt |
catuṣpācca dvipāccaiva smr̥tirnyāyō yamō balī || 120 ||
sannyāsī caiva sannyāsaścaturāśrama ēva ca |
brahmacārī gr̥hasthaśca vānaprasthaśca bhikṣukaḥ || 121 ||
brāhmaṇaḥ kṣatriyō vaiśyaḥ śūdrō varṇastathaiva ca |
śīladaḥ śīlasampannō duḥśīlaparivarjitaḥ || 122 ||
mōkṣō:’dhyātmasamāviṣṭaḥ stutiḥ stōtā ca pūjakaḥ |
pūjyō vākkaraṇaṁ caiva vācyaṁ caiva tu vācakaḥ || 123 ||
vēttā vyākaraṇaṁ caiva vākyaṁ caiva ca vākyavit |
vākyagamyastīrthavāsī tīrthastīrthī ca tīrthavit || 124 ||
tīrthādibhūtaḥ sāṅkhyaśca niruktaṁ tvadhidaivatam |
praṇavaḥ praṇavēśaśca praṇavēna pravanditaḥ || 125 ||
praṇavēna ca lakṣyō vai gāyatrī ca gadādharaḥ |
śālagrāmanivāsī ca śālagrāmastathaiva ca || 126 ||
jalaśāyī yōgaśāyī śēṣaśāyī kuśēśayaḥ |
mahībhartā ca kāryaṁ ca kāraṇaṁ pr̥thivīdharaḥ || 127 ||
prajāpatiḥ śāśvataśca kāmyaḥ kāmayitā virāṭ |
samrāṭ pūṣā tathā svargō rathasthaḥ sārathirbalam || 128 ||
dhanī dhanapradō dhanyō yādavānāṁ hitē rataḥ |
arjunasya priyaścaiva hyarjunō bhīma ēva ca || 129 ||
parākramō durviṣahaḥ sarvaśāstraviśāradaḥ |
sārasvatō mahābhīṣmaḥ pārijātaharastathā || 130 ||
amr̥tasya pradātā ca kṣīrōdaḥ kṣīramēva ca |
indrātmajastasya gōptā gōvardhanadharastathā || 131 ||
kaṁsasya nāśanastadvaddhastipō hastināśanaḥ |
śipiviṣṭaḥ prasannaśca sarvalōkārtināśanaḥ || 132 ||
mudrō mudrākaraścaiva sarvamudrāvivarjitaḥ |
dēhī dēhasthitaścaiva dēhasya ca niyāmakaḥ || 133 ||
śrōtā śrōtraniyantā ca śrōtavyaḥ śravaṇaṁ tathā |
tvak-sthitaśca sparśayitvā spr̥śyaṁ ca sparśanaṁ tathā || 134 ||
rūpadraṣṭā ca cakṣuḥsthō niyantā cakṣuṣastathā |
dr̥śyaṁ caiva tu jihvāsthō rasajñaśca niyāmakaḥ || 135 ||
ghrāṇasthō ghrāṇakr̥dghrātā ghrāṇēndriyaniyāmakaḥ |
vāk-sthō vaktā ca vaktavyō vacanaṁ vāṅniyāmakaḥ || 136 ||
prāṇisthaḥ śilpakr̥cchilpō hastayōśca niyāmakaḥ |
padavyaścaiva gantā ca gantavyaṁ gamanaṁ tathā || 137 ||
niyantā pādayōścaiva pādyabhāk ca visargakr̥t |
visargasya niyantā ca hyupasthasthaḥ sukhaṁ tathā || 138 ||
upasthasya niyantā ca tadānandakaraśca ha |
śatrughnaḥ kārtavīryaśca dattātrēyastathaiva ca || 139 ||
alarkasya hitaścaiva kārtavīryanikr̥ntanaḥ |
kālanēmirmahānēmirmēghō mēghapatistathā || 140 ||
annapradō:’nnarūpī ca hyannādō:’nnapravartakaḥ |
dhūmakr̥ddhūmarūpaśca dēvakīputra uttamaḥ || 141 ||
dēvakyānandanō nandō rōhiṇyāḥ priya ēva ca |
vasudēvapriyaścaiva vasudēvasutastathā || 142 ||
dundubhirhāsarūpaśca puṣpahāsastathaiva ca |
aṭ-ṭahāsapriyaścaiva sarvādhyakṣaḥ kṣarō:’kṣaraḥ || 143 ||
acyutaścaiva satyēśaḥ satyāyāśca priyō varaḥ |
rukmiṇyāśca patiścaiva rukmiṇyāvallabhastathā || 144 ||
gōpīnāṁ vallabhaścaiva puṇyaślōkaśca viśrutaḥ |
vr̥ṣākapiryamō guhyō mukulaśca budhastathā || 145 ||
rāhuḥ kēturgrahō grāhō gajēndramukhamēlakaḥ |
grāhasya vinihantā ca grāmaṇī rakṣakastathā || 146 ||
kinnaraścaiva siddhaśca chandaḥ svacchanda ēva ca |
viśvarūpō viśālākṣō daityasūdana ēva ca || 147 ||
anantarūpō bhūtasthō dēvadānavasaṁsthitaḥ |
suṣuptisthaḥ suṣuptiśca sthānaṁ sthānānta ēva ca || 148 ||
jagatsthaścaiva jāgartā sthānaṁ jāgaritaṁ tathā |
svapnasthaḥ svapnavitsvapnasthānaṁ svapnastathaiva ca || 149 ||
jāgratsvapnasuṣuptēśca vihīnō vai caturthakaḥ |
vijñānaṁ vēdyarūpaṁ ca jīvō jīvayitā tathā || 150 ||
bhuvanādhipatiścaiva bhuvanānāṁ niyāmakaḥ |
pātālavāsī pātālaṁ sarvajvaravināśanaḥ || 151 ||
paramānandarūpī ca dharmāṇāṁ ca pravartakaḥ |
sulabhō durlabhaścaiva prāṇāyāmaparastathā || 152 ||
pratyāhārō dhārakaśca pratyāhārakarastathā |
prabhā kāntistathā hyarciḥ śuddhasphaṭikasannibhaḥ || 153 ||
agrāhaścaiva gauraśca sarvaḥ śucirabhiṣṭutaḥ |
vaṣaṭkārō vaṣaḍvauṣaṭ svadhā svāhā ratistathā || 154 ||
paktā nandayitā bhōktā bōddhā bhāvayitā tathā |
jñānātmā caiva dēhātmā bhūmā sarvēśvarēśvaraḥ || 155 ||
nadī nandī ca nandīśō bhāratastarunāśanaḥ |
cakrapaḥ śrīpatiścaiva nr̥pāṇāṁ cakravartinām || 156 ||
īśaśca sarvadēvānāṁ dvārakāsaṁsthitastathā |
puṣkaraḥ puṣkarādhyakṣaḥ puṣkaradvīpa ēva ca || 157 ||
bharatō janakō janyaḥ sarvākāravivarjitaḥ |
nirākārō nirnimittō nirātaṅkō nirāśrayaḥ || 158 ||
iti nāmasahasraṁ tē vr̥ṣabhadhvaja kīrtitam |
dēvasya viṣṇōrīśasya sarvapāpavināśanam || 159 ||
paṭhan dvijaśca viṣṇutvaṁ kṣatriyō jayamāpnuyāt |
vaiśyō dhanaṁ sukhaṁ śūdrō viṣṇubhaktisamanvitaḥ || 160 ||
iti śrīgāruḍē mahāpurāṇē ācārakāṇḍē śrī viṣṇu sahasranāma stōtraṁ nāma pañcadaśō:’dhyāyaḥ ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
