Read in తెలుగు / ಕನ್ನಡ / தமிழ் / देवनागरी / English (IAST)
హరిరువాచ |
ప్రవక్ష్యామ్యధునా హ్యేతద్వైష్ణవం పంజరం శుభమ్ |
నమో నమస్తే గోవింద చక్రం గృహ్య సుదర్శనమ్ |
ప్రాచ్యాం రక్షస్వ మాం విష్ణో త్వామహం శరణం గతః || ౧ ||
గదాం కౌమోదకీం గృహ్ణ పద్మనాభ నమోఽస్తు తే |
యామ్యాం రక్షస్వ మాం విష్ణో త్వామహం శరణం గతః || ౨ ||
హలమాదాయ సౌనందం నమస్తే పురుషోత్తమ |
ప్రతీచ్యాం రక్ష మాం విష్ణో త్వామహం శరణం గతః || ౩ ||
ముసలం శాతనం గృహ్య పుండరీకాక్ష రక్ష మామ్ |
ఉత్తరస్యాం జగన్నాథ భవంతం శరణం గతః || ౪ ||
ఖడ్గమాదాయ చర్మాథ అస్త్రశస్త్రాదికం హరే |
నమస్తే రక్ష రక్షోఘ్న ఐశాన్యాం శరణం గతః || ౫ ||
పాంచజన్యం మహాశంఖమనుద్బోధం చ పంకజమ్ |
ప్రగృహ్య రక్ష మాం విష్ణో ఆగ్న్యేయ్యాం యజ్ఞసూకర || ౬ ||
చంద్రసూర్యం సమాగృహ్య ఖడ్గం చాంద్రమసం తథా |
నైరృత్యాం మాం చ రక్షస్వ దివ్యమూర్తే నృకేసరిన్ || ౭ ||
వైజయంతీం సంప్రగృహ్య శ్రీవత్సం కంఠభూషణమ్ |
వాయవ్యాం రక్ష మాం దేవ హయగ్రీవ నమోఽస్తు తే || ౮ ||
వైనతేయం సమారుహ్య త్వంతరిక్షే జనార్దన |
మాం చ రక్షాజిత సదా నమస్తేఽస్త్వపరాజిత || ౯ ||
విశాలాక్షం సమారుహ్య రక్ష మాం త్వం రసాతలే |
అకూపార నమస్తుభ్యం మహామీన నమోఽస్తు తే || ౧౦ ||
కరశీర్షాద్యంగులీషు సత్య త్వం బాహుపంజరమ్ |
కృత్వా రక్షస్వ మాం విష్ణో నమస్తే పురుషోత్తమ || ౧౧ ||
ఏవముక్తం శంకరాయ వైష్ణవం పంజరం మహత్ |
పురా రక్షార్థమీశాన్యాః కాత్యాయన్యా వృషధ్వజ || ౧౨ ||
నాశయామాస సా యేన చామరం మహిషాసురమ్ |
దానవం రక్తబీజం చ అన్యాంశ్చ సురకంటకాన్ |
ఏతజ్జపన్నరో భక్త్యా శత్రూన్విజయతే సదా || ౧౩ ||
ఇతి శ్రీగారుడే మహాపురాణే పూర్వఖండే ప్రథమాంశాఖ్యే త్రయోదశోఽధ్యాయే
శ్రీ విష్ణు పంజర స్తోత్రమ్ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
