Read in తెలుగు / ಕನ್ನಡ / தமிழ் / देवनागरी / English (IAST)
kaṇḍuruvāca |
nārāyaṇa harē kr̥ṣṇa śrīvatsāṅka jagatpatē |
jagadbīja jagaddhāma jagatsākṣinnamō:’stu tē || 1 ||
avyakta jiṣṇō prabhava pradhānapuruṣōttama |
puṇḍarīkākṣa gōvinda lōkanātha namō:’stu tē || 2 ||
hiraṇyagarbha śrīnātha padmanābha sanātana |
bhūgarbha dhruva īśāna hr̥ṣīkēśa namō:’stu tē || 3 ||
anādyantāmr̥tājēya jaya tvaṁ jayatāṁ vara |
ajitākhaṇḍa śrīkr̥ṣṇa śrīnivāsa namō:’stu tē || 4 ||
parjanyadharmakartā ca duṣpāra duradhiṣṭhita |
duḥkhārtināśana harē jalaśāyinnamō:’stu tē || 5 ||
bhūtapāvyakta bhūtēśa bhūtatattvairanākula |
bhūtādhivāsa bhūtātman bhūtagarbha namō:’stu tē || 6 ||
yajñayajvan yajñadhara yajñadhātā:’bhayaprada |
yajñagarbha hiraṇyāṅga pr̥śnigarbha namō:’stu tē || 7 ||
kṣētrajña kṣētrabhr̥t kṣētrī kṣētrahā kṣētrakr̥dvaśī |
kṣētrātman kṣētrarahita kṣētrasraṣṭrē namō:’stu tē || 8 ||
guṇālaya guṇāvāsa guṇāśraya guṇāvaha |
guṇabhōktr̥ guṇārāma guṇatyāginnamō:’stu tē || 9 ||
tvaṁ viṣṇustvaṁ hariścakrī tvaṁ jiṣṇustvaṁ janārdanaḥ |
tvaṁ bhūtastvaṁ vaṣaṭkārastvaṁ bhavyastvaṁ bhavatprabhuḥ || 10 ||
tvaṁ bhūtakr̥ttvamavyaktastvaṁ bhavō bhūtabhr̥dbhavān |
tvaṁ bhūtabhāvanō dēvastvāmāhurajamīśvaram || 11 ||
tvamanantaḥ kr̥tajñastvaṁ prakr̥tistvaṁ vr̥ṣākapiḥ |
tvaṁ rudrastvaṁ durādharṣastvamamōghastvamīśvaraḥ || 12 ||
tvaṁ viśvakarmā jiṣṇustvaṁ tvaṁ śambhustvaṁ vr̥ṣākr̥tiḥ |
tvaṁ śaṅkarastvamuśanā tvaṁ satyaṁ tvaṁ tapō janaḥ || 13 ||
tvaṁ viśvajētā tvaṁ śarma tvaṁ śaraṇyastvamakṣaram |
tvaṁ śambhustvaṁ svayambhūśca tvaṁ jyēṣṭhastvaṁ parāyaṇaḥ || 14 ||
tvamādityastvamōṅkārastvaṁ prāṇastvaṁ tamisrahā |
tvaṁ parjanyastvaṁ prathitastvaṁ vēdhāstvaṁ surēśvaraḥ || 15 ||
tvamr̥gyajuḥ sāmacaiva tvamātmā sammatō bhavān |
tvamagnistvaṁ ca pavanastvamāpō vasudhā bhavān || 16 ||
tvaṁ sraṣṭā tvaṁ tathā bhōktā hōtā tvaṁ ca haviḥ kratuḥ |
tvaṁ prabhustvaṁ vibhuḥ śrēṣṭhastvaṁ lōkapatiracyutaḥ || 17 ||
tvaṁ sarvadarśanaḥ śrīmāṁstvaṁ sarvadamanō:’rihā |
tvamahastvaṁ tathārātristvāmāhurvatsaraṁ budhāḥ || 18 ||
tvaṁ kālastvaṁ kalā kāṣṭhā tvaṁ muhūrtaḥ kṣaṇā lavāḥ |
tvaṁ bālastvaṁ tathā vr̥ddhastvaṁ pumān strī napuṁsakaḥ || 19 ||
tvaṁ viśvayōnistvaṁ cakṣustvaṁ vēdāṅgaṁ tvamavyayaḥ |
tvaṁ vēdavēdastvaṁ dhātā vidhātā tvaṁ samāhitaḥ || 20 ||
tvaṁ jalanidhirāmūlaṁ tvaṁ dhātā tvaṁ punarvasuḥ |
tvaṁ vaidyastvaṁ dhr̥tātmā ca tvamatīndriyagōcaraḥ || 21 ||
tvamagraṇīrgrāmaṇīstvaṁ tvaṁ suparṇastvamādimān |
tvaṁ saṅgrahastvaṁ sumahat tvaṁ dhr̥tātmā tvamacyutaḥ || 22 ||
tvaṁ yamastvaṁ ca niyamastvaṁ prāṁśustvaṁ caturbhujaḥ |
tvamēvānnāntarātmā tvaṁ paramātmā tvamucyatē || 23 ||
tvaṁ gurustvaṁ gurutamastvaṁ vāmastvaṁ pradakṣiṇaḥ |
tvaṁ pippalastvamagamastvaṁ vyaktastvaṁ prajāpatiḥ || 24 ||
hiraṇyanābhastvaṁ dēvastvaṁ śaśī tvaṁ prajāpatiḥ |
anirdēśyavapustvaṁ vai tvaṁ yamastvaṁ surārihā || 25 ||
tvaṁ ca saṅkarṣaṇō dēvastvaṁ kartā tvaṁ sanātanaḥ |
tvaṁ vāsudēvō:’mēyātmā tvamēva guṇavarjitaḥ || 26 ||
tvaṁ jyēṣṭhastvaṁ variṣṭhastvaṁ tvaṁ sahiṣṇuśca mādhavaḥ |
sahasraśīrṣā tvaṁ dēvastvamavyaktaḥ sahasradr̥k || 27 ||
sahasrapādastvaṁ dēvastvaṁ virāṭtvaṁ suraprabhuḥ |
tvamēva tiṣṭhasē bhūyō dēvadēva daśāṅgulaḥ || 28 ||
yadbhūtaṁ tattvamēvōktaḥ puruṣaḥ śakra uttamaḥ |
yadbhāvyaṁ tattvamīśānastvamr̥tastvaṁ tathā:’mr̥taḥ || 29 ||
tvattō rōhatyayaṁ lōkō mahīyāṁstvamanuttamaḥ |
tvaṁ jyāyān puruṣastvaṁ ca tvaṁ dēva daśadhā sthitaḥ || 30 ||
viśvabhūtaścaturbhāgō navabhāgō:’mr̥tō divi |
navabhāgō:’ntarikṣasthaḥ pauruṣēyaḥ sanātanaḥ || 31 ||
bhāgadvayaṁ ca bhūsaṁsthaṁ caturbhāgō:’pyabhūdiha |
tvattō yajñāḥ sambhavanti jagatō vr̥ṣṭikāraṇam || 32 ||
tvattō virāṭsamutpannō jagatō hr̥di yaḥ pumān |
sō:’tiricyata bhūtēbhyastējasā yaśasā śriyā || 33 ||
tvattaḥ surāṇāmāhāraḥ pr̥ṣadājyamajāyata |
grāmyāraṇyāścauṣadhayastvattaḥ paśumr̥gādayaḥ || 34 ||
dhyēyadhyānaparastvaṁ ca kr̥tavānasi cauṣadhīḥ |
tvaṁ dēvadēva saptāsya kālākhyō dīptavigrahaḥ || 35 ||
jaṅgamājaṅgamaṁ sarvaṁ jagadētaccarācaram |
tvattaḥ sarvamidaṁ jātaṁ tvayi sarvaṁ pratiṣṭhitam || 36 ||
aniruddhastvaṁ mādhavastvaṁ pradyumnaḥ surārihā |
dēva sarvasuraśrēṣṭha sarvalōkaparāyaṇa || 37 ||
trāhi māmaravindākṣa nārāyaṇa namō:’stu tē |
namastē bhagavan viṣṇō namastē puruṣōttama || 38 ||
namastē sarvalōkēśa namastē kamalālaya |
guṇālaya namastē:’stu namastē:’stu guṇākara || 39 ||
vāsudēva namastē:’stu namastē:’stu surōttama |
janārdana namastē:’stu namastē:’stu sanātana || 40 ||
namastē yōgināṁ gamya yōgāvāsa namō:’stu tē |
gōpatē śrīpatē viṣṇō namastē:’stu marutpatē || 41 ||
jagatpatē jagatsūtē namastē jñānināṁ patē |
divaspatē namastē:’stu namastē:’stu mahīpatē || 42 ||
namastē madhuhantrē ca namastē puṣkarēkṣaṇa |
kaiṭabhaghna namastē:’stu subrahmaṇya namō:’stu tē || 43 ||
namō:’stu tē mahāmīna śrutipr̥ṣṭhadharācyuta |
samudrasalilakṣōbha padmajāhlādakāriṇē || 44 ||
aśvaśīrṣa mahāghōṇa mahāpuruṣavigraha |
madhukaiṭabhahantrē ca namastē turagānana || 45 ||
mahākamaṭhabhōgāya pr̥thivyuddharaṇāya ca |
vidhr̥tādrisvarūpāya mahākūrmāya tē namaḥ || 46 ||
namō mahāvarāhāya pr̥thivyuddhārakāriṇē |
namaścā:’:’divarāhāya viśvarūpāya vēdhasē || 47 ||
namō:’nantāya sūkṣmāya mukhyāya ca varāya ca |
paramāṇusvarūpāya yōgigamyāya tē namaḥ || 48 ||
tasmai namaḥ parama kāraṇakāraṇāya
yōgīndravr̥ttanilayāya sudurvidāya |
kṣīrārṇavāśritamahāhisutalpagāya
tubhyaṁ namaḥ kanakaratnasukuṇḍalāya || 49 ||
iti śrībrahmapurāṇē saptatyadhikaśatatamō:’dhyāyē kaṇḍumuni kr̥ta śrī viṣṇu stutiḥ ||
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
