Sri Vishnu Stuti (Brahma Purane Kandumuni Krutam) – ஶ்ரீ விஷ்ணு ஸ்துதி꞉ (ப்³ரஹ்மபுராணே)

கண்டு³ருவாச ।
நாராயண ஹரே க்ருஷ்ண ஶ்ரீவத்ஸாங்க ஜக³த்பதே ।
ஜக³த்³பீ³ஜ ஜக³த்³தா⁴ம ஜக³த்ஸாக்ஷிந்நமோ(அ)ஸ்து தே ॥ 1 ॥

அவ்யக்த ஜிஷ்ணோ ப்ரப⁴வ ப்ரதா⁴நபுருஷோத்தம ।
புண்ட³ரீகாக்ஷ கோ³விந்த³ லோகநாத² நமோ(அ)ஸ்து தே ॥ 2 ॥

ஹிரண்யக³ர்ப⁴ ஶ்ரீநாத² பத்³மநாப⁴ ஸநாதந ।
பூ⁴க³ர்ப⁴ த்⁴ருவ ஈஶாந ஹ்ருஷீகேஶ நமோ(அ)ஸ்து தே ॥ 3 ॥

அநாத்³யந்தாம்ருதாஜேய ஜய த்வம் ஜயதாம் வர ।
அஜிதாக²ண்ட³ ஶ்ரீக்ருஷ்ண ஶ்ரீநிவாஸ நமோ(அ)ஸ்து தே ॥ 4 ॥

பர்ஜந்யத⁴ர்மகர்தா ச து³ஷ்பார து³ரதி⁴ஷ்டி²த ।
து³꞉கா²ர்திநாஶந ஹரே ஜலஶாயிந்நமோ(அ)ஸ்து தே ॥ 5 ॥

பூ⁴தபாவ்யக்த பூ⁴தேஶ பூ⁴ததத்த்வைரநாகுல ।
பூ⁴தாதி⁴வாஸ பூ⁴தாத்மந் பூ⁴தக³ர்ப⁴ நமோ(அ)ஸ்து தே ॥ 6 ॥

யஜ்ஞயஜ்வந் யஜ்ஞத⁴ர யஜ்ஞதா⁴தா(அ)ப⁴யப்ரத³ ।
யஜ்ஞக³ர்ப⁴ ஹிரண்யாங்க³ ப்ருஶ்நிக³ர்ப⁴ நமோ(அ)ஸ்து தே ॥ 7 ॥

க்ஷேத்ரஜ்ஞ க்ஷேத்ரப்⁴ருத் க்ஷேத்ரீ க்ஷேத்ரஹா க்ஷேத்ரக்ருத்³வஶீ ।
க்ஷேத்ராத்மந் க்ஷேத்ரரஹித க்ஷேத்ரஸ்ரஷ்ட்ரே நமோ(அ)ஸ்து தே ॥ 8 ॥

கு³ணாலய கு³ணாவாஸ கு³ணாஶ்ரய கு³ணாவஹ ।
கு³ணபோ⁴க்த்ரு கு³ணாராம கு³ணத்யாகி³ந்நமோ(அ)ஸ்து தே ॥ 9 ॥

த்வம் விஷ்ணுஸ்த்வம் ஹரிஶ்சக்ரீ த்வம் ஜிஷ்ணுஸ்த்வம் ஜநார்த³ந꞉ ।
த்வம் பூ⁴தஸ்த்வம் வஷட்காரஸ்த்வம் ப⁴வ்யஸ்த்வம் ப⁴வத்ப்ரபு⁴꞉ ॥ 10 ॥

த்வம் பூ⁴தக்ருத்த்வமவ்யக்தஸ்த்வம் ப⁴வோ பூ⁴தப்⁴ருத்³ப⁴வாந் ।
த்வம் பூ⁴தபா⁴வநோ தே³வஸ்த்வாமாஹுரஜமீஶ்வரம் ॥ 11 ॥

த்வமநந்த꞉ க்ருதஜ்ஞஸ்த்வம் ப்ரக்ருதிஸ்த்வம் வ்ருஷாகபி꞉ ।
த்வம் ருத்³ரஸ்த்வம் து³ராத⁴ர்ஷஸ்த்வமமோக⁴ஸ்த்வமீஶ்வர꞉ ॥ 12 ॥

த்வம் விஶ்வகர்மா ஜிஷ்ணுஸ்த்வம் த்வம் ஶம்பு⁴ஸ்த்வம் வ்ருஷாக்ருதி꞉ ।
த்வம் ஶங்கரஸ்த்வமுஶநா த்வம் ஸத்யம் த்வம் தபோ ஜந꞉ ॥ 13 ॥

த்வம் விஶ்வஜேதா த்வம் ஶர்ம த்வம் ஶரண்யஸ்த்வமக்ஷரம் ।
த்வம் ஶம்பு⁴ஸ்த்வம் ஸ்வயம்பூ⁴ஶ்ச த்வம் ஜ்யேஷ்ட²ஸ்த்வம் பராயண꞉ ॥ 14 ॥

த்வமாதி³த்யஸ்த்வமோங்காரஸ்த்வம் ப்ராணஸ்த்வம் தமிஸ்ரஹா ।
த்வம் பர்ஜந்யஸ்த்வம் ப்ரதி²தஸ்த்வம் வேதா⁴ஸ்த்வம் ஸுரேஶ்வர꞉ ॥ 15 ॥

த்வம்ருக்³யஜு꞉ ஸாமசைவ த்வமாத்மா ஸம்மதோ ப⁴வாந் ।
த்வமக்³நிஸ்த்வம் ச பவநஸ்த்வமாபோ வஸுதா⁴ ப⁴வாந் ॥ 16 ॥

த்வம் ஸ்ரஷ்டா த்வம் ததா² போ⁴க்தா ஹோதா த்வம் ச ஹவி꞉ க்ரது꞉ ।
த்வம் ப்ரபு⁴ஸ்த்வம் விபு⁴꞉ ஶ்ரேஷ்ட²ஸ்த்வம் லோகபதிரச்யுத꞉ ॥ 17 ॥

த்வம் ஸர்வத³ர்ஶந꞉ ஶ்ரீமாம்ஸ்த்வம் ஸர்வத³மநோ(அ)ரிஹா ।
த்வமஹஸ்த்வம் ததா²ராத்ரிஸ்த்வாமாஹுர்வத்ஸரம் பு³தா⁴꞉ ॥ 18 ॥

த்வம் காலஸ்த்வம் கலா காஷ்டா² த்வம் முஹூர்த꞉ க்ஷணா லவா꞉ ।
த்வம் பா³லஸ்த்வம் ததா² வ்ருத்³த⁴ஸ்த்வம் புமாந் ஸ்த்ரீ நபும்ஸக꞉ ॥ 19 ॥

த்வம் விஶ்வயோநிஸ்த்வம் சக்ஷுஸ்த்வம் வேதா³ங்க³ம் த்வமவ்யய꞉ ।
த்வம் வேத³வேத³ஸ்த்வம் தா⁴தா விதா⁴தா த்வம் ஸமாஹித꞉ ॥ 20 ॥

த்வம் ஜலநிதி⁴ராமூலம் த்வம் தா⁴தா த்வம் புநர்வஸு꞉ ।
த்வம் வைத்³யஸ்த்வம் த்⁴ருதாத்மா ச த்வமதீந்த்³ரியகோ³சர꞉ ॥ 21 ॥

த்வமக்³ரணீர்க்³ராமணீஸ்த்வம் த்வம் ஸுபர்ணஸ்த்வமாதி³மாந் ।
த்வம் ஸங்க்³ரஹஸ்த்வம் ஸுமஹத் த்வம் த்⁴ருதாத்மா த்வமச்யுத꞉ ॥ 22 ॥

த்வம் யமஸ்த்வம் ச நியமஸ்த்வம் ப்ராம்ஶுஸ்த்வம் சதுர்பு⁴ஜ꞉ ।
த்வமேவாந்நாந்தராத்மா த்வம் பரமாத்மா த்வமுச்யதே ॥ 23 ॥

த்வம் கு³ருஸ்த்வம் கு³ருதமஸ்த்வம் வாமஸ்த்வம் ப்ரத³க்ஷிண꞉ ।
த்வம் பிப்பலஸ்த்வமக³மஸ்த்வம் வ்யக்தஸ்த்வம் ப்ரஜாபதி꞉ ॥ 24 ॥

ஹிரண்யநாப⁴ஸ்த்வம் தே³வஸ்த்வம் ஶஶீ த்வம் ப்ரஜாபதி꞉ ।
அநிர்தே³ஶ்யவபுஸ்த்வம் வை த்வம் யமஸ்த்வம் ஸுராரிஹா ॥ 25 ॥

த்வம் ச ஸங்கர்ஷணோ தே³வஸ்த்வம் கர்தா த்வம் ஸநாதந꞉ ।
த்வம் வாஸுதே³வோ(அ)மேயாத்மா த்வமேவ கு³ணவர்ஜித꞉ ॥ 26 ॥

த்வம் ஜ்யேஷ்ட²ஸ்த்வம் வரிஷ்ட²ஸ்த்வம் த்வம் ஸஹிஷ்ணுஶ்ச மாத⁴வ꞉ ।
ஸஹஸ்ரஶீர்ஷா த்வம் தே³வஸ்த்வமவ்யக்த꞉ ஸஹஸ்ரத்³ருக் ॥ 27 ॥

ஸஹஸ்ரபாத³ஸ்த்வம் தே³வஸ்த்வம் விராட்த்வம் ஸுரப்ரபு⁴꞉ ।
த்வமேவ திஷ்ட²ஸே பூ⁴யோ தே³வதே³வ த³ஶாங்கு³ள꞉ ॥ 28 ॥

யத்³பூ⁴தம் தத்த்வமேவோக்த꞉ புருஷ꞉ ஶக்ர உத்தம꞉ ।
யத்³பா⁴வ்யம் தத்த்வமீஶாநஸ்த்வம்ருதஸ்த்வம் ததா²(அ)ம்ருத꞉ ॥ 29 ॥

த்வத்தோ ரோஹத்யயம் லோகோ மஹீயாம்ஸ்த்வமநுத்தம꞉ ।
த்வம் ஜ்யாயாந் புருஷஸ்த்வம் ச த்வம் தே³வ த³ஶதா⁴ ஸ்தி²த꞉ ॥ 30 ॥

விஶ்வபூ⁴தஶ்சதுர்பா⁴கோ³ நவபா⁴கோ³(அ)ம்ருதோ தி³வி ।
நவபா⁴கோ³(அ)ந்தரிக்ஷஸ்த²꞉ பௌருஷேய꞉ ஸநாதந꞉ ॥ 31 ॥

பா⁴க³த்³வயம் ச பூ⁴ஸம்ஸ்த²ம் சதுர்பா⁴கோ³(அ)ப்யபூ⁴தி³ஹ ।
த்வத்தோ யஜ்ஞா꞉ ஸம்ப⁴வந்தி ஜக³தோ வ்ருஷ்டிகாரணம் ॥ 32 ॥

த்வத்தோ விராட்ஸமுத்பந்நோ ஜக³தோ ஹ்ருதி³ ய꞉ புமாந் ।
ஸோ(அ)திரிச்யத பூ⁴தேப்⁴யஸ்தேஜஸா யஶஸா ஶ்ரியா ॥ 33 ॥

த்வத்த꞉ ஸுராணாமாஹார꞉ ப்ருஷதா³ஜ்யமஜாயத ।
க்³ராம்யாரண்யாஶ்சௌஷத⁴யஸ்த்வத்த꞉ பஶும்ருகா³த³ய꞉ ॥ 34 ॥

த்⁴யேயத்⁴யாநபரஸ்த்வம் ச க்ருதவாநஸி சௌஷதீ⁴꞉ ।
த்வம் தே³வதே³வ ஸப்தாஸ்ய காலாக்²யோ தீ³ப்தவிக்³ரஹ꞉ ॥ 35 ॥

ஜங்க³மாஜங்க³மம் ஸர்வம் ஜக³தே³தச்சராசரம் ।
த்வத்த꞉ ஸர்வமித³ம் ஜாதம் த்வயி ஸர்வம் ப்ரதிஷ்டி²தம் ॥ 36 ॥

அநிருத்³த⁴ஸ்த்வம் மாத⁴வஸ்த்வம் ப்ரத்³யும்ந꞉ ஸுராரிஹா ।
தே³வ ஸர்வஸுரஶ்ரேஷ்ட² ஸர்வலோகபராயண ॥ 37 ॥

த்ராஹி மாமரவிந்தா³க்ஷ நாராயண நமோ(அ)ஸ்து தே ।
நமஸ்தே ப⁴க³வந் விஷ்ணோ நமஸ்தே புருஷோத்தம ॥ 38 ॥

நமஸ்தே ஸர்வலோகேஶ நமஸ்தே கமலாலய ।
கு³ணாலய நமஸ்தே(அ)ஸ்து நமஸ்தே(அ)ஸ்து கு³ணாகர ॥ 39 ॥

வாஸுதே³வ நமஸ்தே(அ)ஸ்து நமஸ்தே(அ)ஸ்து ஸுரோத்தம ।
ஜநார்த³ந நமஸ்தே(அ)ஸ்து நமஸ்தே(அ)ஸ்து ஸநாதந ॥ 40 ॥

நமஸ்தே யோகி³நாம் க³ம்ய யோகா³வாஸ நமோ(அ)ஸ்து தே ।
கோ³பதே ஶ்ரீபதே விஷ்ணோ நமஸ்தே(அ)ஸ்து மருத்பதே ॥ 41 ॥

ஜக³த்பதே ஜக³த்ஸூதே நமஸ்தே ஜ்ஞாநிநாம் பதே ।
தி³வஸ்பதே நமஸ்தே(அ)ஸ்து நமஸ்தே(அ)ஸ்து மஹீபதே ॥ 42 ॥

நமஸ்தே மது⁴ஹந்த்ரே ச நமஸ்தே புஷ்கரேக்ஷண ।
கைடப⁴க்⁴ந நமஸ்தே(அ)ஸ்து ஸுப்³ரஹ்மண்ய நமோ(அ)ஸ்து தே ॥ 43 ॥

நமோ(அ)ஸ்து தே மஹாமீந ஶ்ருதிப்ருஷ்ட²த⁴ராச்யுத ।
ஸமுத்³ரஸலிலக்ஷோப⁴ பத்³மஜாஹ்லாத³காரிணே ॥ 44 ॥

அஶ்வஶீர்ஷ மஹாகோ⁴ண மஹாபுருஷவிக்³ரஹ ।
மது⁴கைடப⁴ஹந்த்ரே ச நமஸ்தே துரகா³நந ॥ 45 ॥

மஹாகமட²போ⁴கா³ய ப்ருதி²வ்யுத்³த⁴ரணாய ச ।
வித்⁴ருதாத்³ரிஸ்வரூபாய மஹாகூர்மாய தே நம꞉ ॥ 46 ॥

நமோ மஹாவராஹாய ப்ருதி²வ்யுத்³தா⁴ரகாரிணே ।
நமஶ்சா(ஆ)தி³வராஹாய விஶ்வரூபாய வேத⁴ஸே ॥ 47 ॥

நமோ(அ)நந்தாய ஸூக்ஷ்மாய முக்²யாய ச வராய ச ।
பரமாணுஸ்வரூபாய யோகி³க³ம்யாய தே நம꞉ ॥ 48 ॥

தஸ்மை நம꞉ பரம காரணகாரணாய
யோகீ³ந்த்³ரவ்ருத்தநிலயாய ஸுது³ர்விதா³ய ।
க்ஷீரார்ணவாஶ்ரிதமஹாஹிஸுதள்பகா³ய
துப்⁴யம் நம꞉ கநகரத்நஸுகுண்ட³லாய ॥ 49 ॥

இதி ஶ்ரீப்³ரஹ்மபுராணே ஸப்தத்யதி⁴கஶததமோ(அ)த்⁴யாயே கண்டு³முநி க்ருத ஶ்ரீ விஷ்ணு ஸ்துதி꞉ ॥

---