Read in తెలుగు / ಕನ್ನಡ / தமிழ் / देवनागरी / English (IAST)
rājōvāca |
vākpuṣpēṇa kathaṁ brahman brahmāpyarcitavān harim |
tanmē kathaya viprēndra brahmōktaṁ stōtramuttamam || 1 ||
mārkaṇḍēya uvāca |
śr̥ṇu rājan pravakṣyāmi stōtraṁ brahmamukhēritam |
sarvapāpaharaṁ puṇyaṁ viṣṇutuṣṭikaraṁ param || 2 ||
tamārādhya jagannāthamūrdhvabāhuḥ pitāmahaḥ |
bhūtvaikāgramanā rājannidaṁ stōtramudīrayat || 3 ||
brahmōvāca |
namāmi dēvaṁ naranāthamacyutaṁ
nārāyaṇaṁ lōkaguruṁ sanātanam |
anādimavyaktamacintyamavyayaṁ
vēdāntavēdyaṁ puruṣōttamaṁ harim || 4 ||
ānandarūpaṁ paramaṁ parātparaṁ
cidātmakaṁ jñānavatāṁ parāṁ gatim |
sarvātmakaṁ sarvagataikarūpaṁ
dhyēyasvarūpaṁ praṇamāmi mādhavam || 5 ||
bhaktapriyaṁ kāntamatīva nirmalaṁ
surādhipaṁ sūrijanairabhiṣṭutam |
caturbhujaṁ nīrajavarṇamīśvaraṁ
rathāṅgapāṇiṁ praṇatō:’smi kēśavam || 6 ||
gadāsiśaṅkhābjakaraṁ śriyaḥ patiṁ
sadāśivaṁ śārṅgadharaṁ raviprabham |
pītāmbaraṁ hāravirājitōdaraṁ
namāmi viṣṇuṁ satataṁ kirīṭinam || 7 ||
gaṇḍasthalāsaktasuraktakuṇḍalaṁ
sudīpitāśēṣadiśaṁ nijatviṣā |
gandharvasiddhairupagītamr̥gdhvaniṁ
janārdanaṁ bhūtapatiṁ namāmi tam || 8 ||
hatvāsurān pāti yugē yugē surān
svadharmasaṁsthān bhuvi saṁsthitō hariḥ |
karōti sr̥ṣṭiṁ jagataḥ kṣayaṁ ya-
-staṁ vāsudēvaṁ praṇatō:’smi kēśavam || 9 ||
yō matsyarūpēṇa rasātalasthitān
vēdān samāhr̥tya mama pradattavān |
nihatya yuddhē madhukaiṭabhāvubhau
taṁ vēdavēdyaṁ praṇatō:’smyahaṁ sadā || 10 ||
dēvāsuraiḥ kṣīrasamudramadhyatō
nyastō giriryēna dhr̥taḥ purā mahān |
hitāya kaurmaṁ vapurāsthitō ya-
-staṁ viṣṇumādyaṁ praṇatō:’smi bhāskaram || 11 ||
hatvā hiraṇyākṣamatīva darpitaṁ
varāharūpī bhagavān sanātanaḥ |
yō bhūmimētāṁ sakalāṁ samuddhara-
-staṁ vēdamūrtiṁ praṇamāmi sūkaram || 12 ||
kr̥tvā nr̥siṁhaṁ vapurātmanaḥ paraṁ
hitāya lōkasya sanātanō hariḥ
jaghāna yastīkṣṇanakhairditēḥ sutaṁ
taṁ nārasiṁhaṁ puruṣaṁ namāmi || 13 ||
yō vāmanō:’sau bhagavān janārdanō
baliṁ babandha tribhirūrjitaiḥ padaiḥ |
jagatrayaṁ kramya dadau purandarē
tadēvamādyaṁ praṇatō:’smi vāmanam || 14 ||
yaḥ kārtavīryaṁ nijaghāna rōṣāt
triḥsaptakr̥tvaḥ kṣitipātmajānapi |
taṁ jāmadagnyaṁ kṣitibhāranāśakaṁ
natō:’smi viṣṇuṁ puruṣōttamaṁ sadā || 15 ||
sētuṁ mahāntaṁ jaladhau babandha yaḥ
samprāpya laṅkāṁ sagaṇaṁ daśānanam |
jaghāna bhr̥tyai jagatāṁ sanātanaṁ
taṁ rāmadēvaṁ satataṁ natō:’smi || 16 ||
yathā tu vārāhanr̥siṁharūpaiḥ
kr̥taṁ tvayā dēva hitaṁ surāṇām |
tathādya bhūmēḥ kuru bhārahāniṁ
prasīda viṣṇō bhagavannamastē || 17 ||
śrīmārkaṇḍēya uvāca |
iti stutō jagannāthaḥ śrīdharaḥ padmayōninā |
āvirbabhūva bhagavān śaṅkhacakragadādharaḥ || 18 ||
uvāca ca hr̥ṣīkēśaḥ padmayōniṁ surānapi |
stutyānayāhaṁ santuṣṭaḥ pitāmaha divaukasaḥ |
paṭhatāṁ pāpanāśāya nr̥̄ṇāṁ bhaktimatāmapi || 19 ||
iti śrīnarasiṁhapurāṇē tripañcāśō:’dhyāyē brahma kr̥ta śrī viṣṇu stōtram ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
