Read in తెలుగు / ಕನ್ನಡ / தமிழ் / देवनागरी / English (IAST)
చలల్లోలకల్లోలకల్లోలినీశ-
-స్ఫురన్నక్రచక్రాతివక్రాంబులీనః |
హతో యేన మీనావతారేణ శంఖః
స పాయాదపాయాజ్జగద్వాసుదేవః || ౧ ||
ధరానిర్జరారాతిభారాదపారా-
-దకూపారనీరాతురాధః పతంతీ |
ధృతా కూర్మరూపేణ పృష్ఠోపరిష్టే
సదేవో ముదే వోఽస్తు శేషాంగశాయీ || ౨ ||
ఉద్రగ్రే రదాగ్రే సగోత్రాపి గోత్రా
స్థితా తస్థుషః కేతకాగ్రే షడంఘ్రేః |
తనోతి శ్రియం సశ్రియం నస్తనోతు
ప్రభుః శ్రీవరాహావతారో మురారిః || ౩ ||
ఉరోదార ఆరంభసంరంభిణోఽసౌ
రమాసంభ్రమాభంగురాగ్రైర్నఖాగ్రైః |
స్వభక్తాతిభక్త్యాఽభివ్యక్తేన దారు-
-ణ్యఘౌఘం సదా వః స హింస్యాన్నృసింహః || ౪ ||
ఛలాదాకలయ్య త్రిలోకీం బలీయాన్
బలిం సంబవంధ త్రిలోకీబలీయః |
తనుత్వం దధానాం తనుం సందధానో
విమోహం మనో వామనో వః స కుర్యాత్ || ౫ ||
హతక్షత్రియాసృక్ ప్రపానప్రమత్త-
-ప్రనృత్యత్పిశాచప్రగీతప్రతాపః |
ధరాకారి యేనాగ్రజన్మాగ్రహారం
విహారం క్రియాన్మానసే వః స రామః || ౬ ||
నతగ్రీవసుగ్రీవసామ్రాజ్యహేతు-
-ర్దశగ్రీవసంతానసంహారకేతుః |
ధనుర్యేన భగ్నం మహత్కామహంతుః
స మే జానకీజానిరేనాంసి హంతు || ౭ ||
ఘనాద్గోధనం యేన గోవర్ధనేన
వ్యరక్షి ప్రతాపేన గోవర్ధనేన |
హతారాతిచక్రీ రణధ్వస్తచక్రీ
పదధ్వస్తచక్రీ స నః పాతు చక్రీ || ౮ ||
ధరాబద్ధపద్మాసనస్థాంఘ్రియష్టి-
-ర్నియమ్యానిలం న్యస్తనాసాగ్రదృష్టిః |
య ఆస్తే కలౌ యోగినాం చక్రవర్తీ
స బుద్ధః ప్రబుద్ధోఽస్తు నిశ్చింతవర్తీ || ౯ ||
దురాపారసంసారసంహారకారీ
భవత్యశ్వవారః కృపాణప్రహారీ |
మురారిర్దశాకారధారీహ కల్కీ
కరోతు ద్విషాం ధ్వంసనం వః స కల్కీ || ౧౦ ||
ఇతి శ్రీమచ్ఛంకరాచార్య కృతం దశావతార స్తోత్రమ్ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
