Read in తెలుగు / ಕನ್ನಡ / தமிழ் / देवनागरी / English (IAST)
|| rāmapratyāgamanam ||
rākṣasaṁ mr̥garūpēṇa carantaṁ kāmarūpiṇam |
nihatya rāmō mārīcaṁ tūrṇaṁ pathi nivartatē || 1 ||
tasya santvaramāṇasya draṣṭukāmasya maithilīm |
krūrasvanō:’tha gōmāyurvinanādāsya pr̥ṣṭhataḥ || 2 ||
sa tasya svaramājñāya dāruṇaṁ rōmaharṣaṇam |
cintayāmāsa gōmāyōḥ svarēṇa pariśaṅkitaḥ || 3 ||
aśubhaṁ bata manyē:’haṁ gōmāyurvāśyatē yathā |
svasti syādapi vaidēhyā rākṣasairbhakṣaṇaṁ vinā || 4 ||
mārīcēna tu vijñāya svaramālambya māmakam |
vikruṣṭaṁ mr̥garupēṇa lakṣmaṇaḥ śr̥ṇuyādyadi || 5 ||
sa saumitriḥ svaraṁ śrutvā tāṁ ca hitvā ca maithilīm |
tayaiva prahitaḥ kṣipraṁ matsakāśamihaiṣyati || 6 ||
rākṣasaiḥ sahitairnūnaṁ sītāyā īpsitō vadhaḥ |
kāñcanaśca mr̥gō bhūtvā vyapanīyāśramāttu mām || 7 ||
dūraṁ nītvā tu mārīcō rākṣasō:’bhūccharāhataḥ |
hā lakṣmaṇa hatō:’smīti yadvākyaṁ vyājahāra ca || 8 ||
api svasti bhavēttābhyāṁ rahitābhyāṁ mahāvanē |
janasthānanimittaṁ hi kr̥tavairō:’smi rākṣasaiḥ || 9 ||
nimittāni ca ghōrāṇi dr̥śyantē:’dya bahūni ca |
ityēvaṁ cintayan rāmaḥ śrutvā gōmāyuniḥsvanam || 10 ||
ātmanaścāpanayanān mr̥garūpēṇa rakṣasā |
ājagama janasthānaṁ rāghavaḥ pariśaṅkitaḥ || 11 ||
taṁ dīnamanasō dīnamāsēdurmr̥gapakṣiṇaḥ |
savyaṁ kr̥tvā mahātmānaṁ ghōrāṁśca sasr̥juḥ svarān || 12 ||
tāni dr̥ṣṭvā nimittāni mahāghōrāṇi rāghavaḥ |
nyavartatātha tvaritō javēnāśramamātmanaḥ || 13 ||
sa tu sītāṁ varārōhāṁ lakṣmaṇaṁ ca mahābalam |
ājagāma janasthānaṁ cintayannēva rāghavaḥ || 14 ||
tatō lakṣmaṇamāyāntaṁ dadarśa vigataprabham |
tatō:’vidūrē rāmēṇa samīyāya sa lakṣmaṇaḥ || 15 ||
viṣaṇṇaḥ suviṣaṇṇēna duḥkhitō duḥkhabhāginā |
sañjagarhē:’tha taṁ bhrātā jyēṣṭhō lakṣmaṇamāgatam || 16 ||
vihāya sītāṁ vijanē vanē rākṣasasēvitē |
gr̥hītvā ca karaṁ savyaṁ lakṣmaṇaṁ raghunandanaḥ || 17 ||
uvāca madhurōdarkamidaṁ paruṣamārtimat |
ahō lakṣmaṇa garhyaṁ tē kr̥taṁ yastvaṁ vihāya tām || 18 ||
sītāmihāgataḥ saumya kañcit svasti bhavēdiha |
na mē:’sti saṁśayō vīra sarvathā janakātmajā || 19 ||
vinaṣṭā bhakṣitā vāpi rākṣasairvanacāribhiḥ |
aśubhānyēva bhūyiṣṭhaṁ yathā prādurbhavanti mē || 20 ||
api lakṣmaṇa sītāyāḥ sāmagryaṁ prāpnuyāvahē |
jīvantyāḥ puruṣavyāghra sutāyā janakasya vai || 21 ||
yathā vai mr̥gasaṅghāśca gōmāyuścaiva bhairavam |
vāśyantē śakunāścāpi pradīptāmabhitō diśam |
api svasti bhavēttasyā rājaputryā mahābala || 22 ||
idaṁ hi rakṣō mr̥gasannikāśaṁ
pralōbhya māṁ dūramanuprayātam |
hataṁ kathañcinmahatā śramēṇa
sa rākṣasō:’bhūnmriyamāṇa ēva || 23 ||
manaśca mē dīnamihāprahr̥ṣṭaṁ
cakṣuśca savyaṁ kurutē vikāram |
asaṁśayaṁ lakṣmaṇa nāsti sītā
hr̥tā mr̥tā vā pathi vartatē vā || 24 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē saptapañcāśaḥ sargaḥ || 57 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
