Read in తెలుగు / ಕನ್ನಡ / தமிழ் / देवनागरी / English (IAST)
సనకాదయ ఊచుః |
నమో వినాయకాయైవ కశ్యపప్రియసూనవే |
అదితేర్జఠరోత్పన్నబ్రహ్మచారిన్నమోఽస్తు తే || ౧ ||
గణేశాయ సదా మాయాధార చైతద్వివర్జిత |
భక్త్యధీనాయ వై తుభ్యం హేరంబాయ నమో నమః || ౨ ||
త్వం బ్రహ్మ శాశ్వతం దేవ బ్రహ్మణాం పతిరోజసా |
యోగాయోగాదిభేదేన క్రీడసే నాత్ర సంశయః || ౩ ||
ఆదిమధ్యాంతరూపస్త్వం ప్రకృతిః పురుషస్తథా |
నాదానాదౌ చ సూక్ష్మస్త్వం స్థూలరూపో భవాన్ ప్రభో || ౪ ||
సురాసురమయః సాక్షాన్నరనాగస్వరూపధృక్ |
జలస్థలాదిభేదేన శోభసే త్వం గజానన || ౫ ||
సర్వేభ్యో వర్జితస్త్వం వై మాయాహీనస్వరూపధృక్ |
మాయామాయికరూపం త్వాం కో జానాతి గతిం పరామ్ || ౬ ||
కథం స్తుమో గణాధీశం యోగాకారమయం సదా |
వేదా న శంభుముఖ్యాశ్చ శక్తాః స్తోతుం కదాచన || ౭ ||
వయం ధన్యా వయం ధన్యా యేన ప్రత్యక్షతాం గతః |
అస్మాకం యోగినాం ఢుంఢే కులదేవస్త్వమంజసా || ౮ ||
ఇతి శ్రీమన్ముద్గలే మహాపురాణే సనకాదయకృతా శ్రీ వినాయక స్తుతిః ||
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
