Read in తెలుగు / ಕನ್ನಡ / தமிழ் / देवनागरी / English (IAST)
ఓమితి జ్ఞానవస్త్రేణ రాగనిర్ణేజనీకృతః |
కర్మనిద్రాం ప్రపన్నోఽస్మి త్రాహి మాం మధుసూదన || ౧ ||
న గతిర్విద్యతే చాన్యా త్వమేవ శరణం మమ |
మాయాపంకేనలిప్తోఽస్మి త్రాహి మాం మధుసూదన || ౨ ||
మోహితో మోహజాలేన పుత్రదారగృహాదిషు |
తృష్ణయా పీడ్యమానోఽస్మి త్రాహి మాం మధుసూదన || ౩ ||
భక్తిహీనం తు దీనం చ దుఃఖశోకసమన్వితౌ |
అనాశ్రయమనాథం చ త్రాహి మాం మధుసూదన || ౪ ||
గతాగతపరిశ్రాంతో దూరమధ్వని కర్మణామ్ |
సంసారభయభీతోఽస్మి త్రాహి మాం మధుసూదన || ౫ ||
వసితో మాతృగర్భేషు పీడితోఽహం జనార్దన |
గర్భవాసక్షయకర త్రాహి మాం మధుసూదన || ౬ ||
తేన దేవ ప్రపన్నోఽస్మి సత్వాశ్రయపరాయణ |
జరామరణభీతోఽస్మి త్రాహి మాం మధుసూదన || ౭ ||
వాచా తూపకృతం పాపం కర్మణా యదుపార్జితమ్ |
మయా దేవ దురాచారం త్రాహి మాం మధుసూదన || ౮ ||
సుకృతం న కృతం కించిత్ దుష్కృతం తు సదా కృతమ్ |
తేనాహం పరితప్తోఽస్మి త్రాహి మాం మధుసూదన || ౯ ||
దేహాంతరసహస్రేషు కుయోనిః సేవితా మయా |
తిర్యక్త్వం మానుషత్వం చ త్రాహి మాం మధుసూదన || ౧౦ ||
వాసుదేవ హృషీకేశ వైకుంఠ పురుషోతమ |
సృష్టిసంహారకరణ త్రాహి మాం మధుసూదన || ౧౧ ||
యత్రాహమాగమిష్యామి నారీ వా పురుషోఽపి వా |
తత్ర తత్ర చ తే భక్తిః త్రాహి మాం మధుసూదన || ౧౨ ||
ద్వాదశార్ణవస్తుతిమిమాం యః పఠేచ్ఛృణుయాదపి |
స యాతి పరమం స్థానం యత్ర యోగేశ్వరో హరిః || ౧౩ ||
ఇతి శ్రీవేదవ్యాస కృత ద్వాదశార్ణవ స్తుతిః ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
