Read in తెలుగు / ಕನ್ನಡ / தமிழ் / देवनागरी / English (IAST)
అంబ శశిబింబవదనే కంబుగ్రీవే కఠోరకుచకుంభే |
అంబరసమానమధ్యే శంబరరిపువైరిదేవి మాం పాహి || ౧ ||
కుందముకులాగ్రదంతాం కుంకుమపంకేన లిప్తకుచభారామ్ |
ఆనీలనీలదేహామంబామఖిలాండనాయకీం వందే || ౨ ||
సరిగమపధనిరతాంతాం వీణాసంక్రాంతచారుహస్తాం తామ్ |
శాంతాం మృదులస్వాంతాం కుచభరతాంతాం నమామి శివకాంతామ్ || ౩ ||
అవటుతటఘటితచూలీతాడితతాలీపలాశతాటంకామ్ |
వీణావాదనవేలాకంపితశిరసం నమామి మాతంగీమ్ || ౪ ||
వీణారసానుషంగం వికచమదామోదమాధురీభృంగమ్ |
కరుణాపూరితరంగం కలయే మాతంగకన్యకాపాంగమ్ || ౫ ||
దయమానదీర్ఘనయనాం దేశికరూపేణ దర్శితాభ్యుదయామ్ |
వామకుచనిహితవీణాం వరదాం సంగీత మాతృకాం వందే || ౬ ||
స్మరేత్ ప్రథమపుష్పిణీం రుధిరబిందు నీలాంబరాం
గృహితమధుపాత్రకాం మదవిఘూర్ణనేత్రాంచలామ్ |
కరస్ఫురితవల్లకీం విమలశంఖతాటంకినీం
ఘనస్తనభరాలసాం గళితచేళికాం శ్యామలామ్ || ౭ ||
సకుంకుమవిలేపనామలకచుంబికస్తూరికాం
సమందహసితేక్షణాం సశరచాపపాశాంకుశామ్ |
అశేషజనమోహినీమరుణమాల్యభూషాంబరాం
జపాకుసుమభాసురాం జపవిధౌ స్మరేదంబికామ్ || ౮ ||
మాణిక్యవీణాముపలాలయంతీం
మదాలసాం మంజుళవాగ్విలాసామ్ |
మాహేంద్రనీలద్యుతికోమలాంగీం
మాతంగకన్యాం మనసా స్మరామి || ౯ ||
ఇతి దేవీషట్కం నామ శ్రీ మాతంగీ స్తోత్రమ్ ||
మరిన్ని శ్రీ శ్యామలా స్తోత్రాలు చూడండి. మరిన్ని దశమహావిద్యా స్తోత్రాలు చూడండి.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
