Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ దక్షిణామూర్తి స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీకంఠమింద్వర్భకభాసిచూడం
శ్రీజ్ఞానదానవ్రతబద్ధదీక్షమ్ |
శ్రీశాంబుజన్మప్రభవాదిపూజ్యం
శ్రీదక్షిణాస్యం హృది భావయేఽహమ్ || ౧ ||
హరంతమానమ్రజనానుతాపం
హయేభవక్త్రేడితపాదపద్మమ్ |
హృదా మునీంద్రైః పరిచింత్యమానం
శ్రీదక్షిణాస్యం హృది భావయేఽహమ్ || ౨ ||
హస్తాబ్జరాజద్వరపుస్తముద్రా-
-ముక్తాక్షమాలామృతపూర్ణకుంభమ్ |
హరిద్ధవాకాంక్షితపాదసేవం
శ్రీదక్షిణాస్యం హృది భావయేఽహమ్ || ౩ ||
హంసాగ్నిచంద్రేక్షణమంధకారి-
-మాకారనిర్ధూతమనోజగర్వమ్ |
హృతాదిమాజ్ఞానమగోద్భవేశం
శ్రీదక్షిణాస్యం హృది భావయేఽహమ్ || ౪ ||
హత్వా పురా కాలమఖర్వగర్వం
మృకండుసూనోః పరిరక్షణం యః |
చకార కారుణ్యవశాత్తమేనం
శ్రీదక్షిణాస్యం హృది భావయేఽహమ్ || ౫ ||
హృత్వా తమః సత్వరమేవ హార్దం
దత్వా చ బోధం పరమార్థసంస్థమ్ |
మోక్షం దదాత్యాశు నతాయ యస్తం
శ్రీదక్షిణాస్యం హృది భావయేఽహమ్ || ౬ ||
హసన్ముఖాంభోరుహమిందుకుంద-
-నీకాశదంతావళిశోభమానమ్ |
రదాంబరాధఃకృతపక్వబింబం
శ్రీదక్షిణాస్యం హృది భావయేఽహమ్ || ౭ ||
హేలాలవాన్నిర్మితవిశ్వబృందం
బాలారుణాభాంఘ్రియుగం దయాళుమ్ |
పశ్యంతముత్సంగగతం షడాస్యం
శ్రీదక్షిణాస్యం హృది భావయేఽహమ్ || ౮ ||
హ్రీమాన్భవేద్దేవగురుర్యదీయ-
-పాదాబ్జసంసేవకలోకవాచా |
తం దివ్యవాగ్దానధురీణమాశు
శ్రీదక్షిణాస్యం హృది భావయేఽహమ్ || ౯ ||
హారాయితాహీశమనంగగర్వ-
-భంగప్రగల్భాన్ప్రణతానశేషాన్ |
కుర్వంతమిష్టప్రదమష్టమూర్తిం
శ్రీదక్షిణాస్యం హృది భావయేఽహమ్ || ౧౦ ||
హరిర్జహారాచలకన్యకా చ
యద్వర్ష్మణోఽర్ధం తపసా హి పూర్వమ్ |
అతోఽశరీరం తమశేషసంస్థం
శ్రీదక్షిణాస్యం హృది భావయేఽహమ్ || ౧౧ ||
హన్యాదశేషం కలుషం యదంఘ్రి-
-పూజా ప్రదద్యాదపి సర్వమిష్టమ్ |
తం పార్వతీమానసరాజహంసం
శ్రీదక్షిణాస్యం హృది భావయేఽహమ్ || ౧౨ ||
హఠాదియోగాన్ ప్రవిధాయ చిత్త-
-స్థైర్యం ప్రపద్యాంఘ్రియుగం యదీయమ్ |
ధ్యాయంతి యోగిప్రవరా ముదా తం
శ్రీదక్షిణాస్యం హృది భావయేఽహమ్ || ౧౩ ||
హితోపదేష్టా దయయా నతానాం
నిసర్గయా యో యమినాం జవాద్ధి |
న్యగ్రోధమూలైకనికేతనం తం
శ్రీదక్షిణాస్యం హృది భావయేఽహమ్ || ౧౪ ||
హతారిషట్కైరనుభూయమానం
నితాంతమానందఘనస్వరూపమ్ |
నతాపరాధాన్సహమానమీశం
శ్రీదక్షిణాస్యం హృది భావయేఽహమ్ || ౧౫ ||
హిత్వా ధనాపత్యకళత్రబంధూన్
దత్త్వాభయం భూతతతేర్ద్విజాగ్ర్యాః |
యం యాంతి లోకే శరణం సదా తం
శ్రీదక్షిణాస్యం హృది భావయేఽహమ్ || ౧౬ ||
హృదంబుజాతే వినివేశ్య చిత్తం
నిరుధ్య చక్షుఃప్రముఖాక్షవర్గమ్ |
ధ్యాయంతి యం శైలసుతాయుతం తం
శ్రీదక్షిణాస్యం హృది భావయేఽహమ్ || ౧౭ ||
హాసప్రభానిర్జితభాభిమానం
ప్రాసార్థజుష్టాం కవితాం దిశంతమ్ |
నతోత్తమాంగేషు కరం దధానం
శ్రీదక్షిణాస్యం హృది భావయేఽహమ్ || ౧౮ ||
హైయ్యంగవీనం హృదయమ్రదిమ్నా
స్వరేణ హంసం చరణేన పద్మమ్ |
హసంతమంసాగ్రలసజ్జటాలం
శ్రీదక్షిణాస్యం హృది భావయేఽహమ్ || ౧౯ ||
హరేర్విధేశ్చైవ వివాదశాంత్యై
లింగాత్మనా యః ప్రబభూవ పూర్వమ్ |
తమాదిమధ్యాంతవిహీనరూపం
శ్రీదక్షిణాస్యం హృది భావయేఽహమ్ || ౨౦ ||
హుతాశనాదిత్యమహీప్రముఖ్యా
యస్యాష్టమూర్తీర్నిజగాద వేదః |
తం సర్వలోకావనసక్తచిత్తం
శ్రీదక్షిణాస్యం హృది భావయేఽహమ్ || ౨౧ ||
హస్త్యంతలక్ష్మీమపి దీనవర్యః
ప్రాప్నోతి యత్పాదసరోజనత్యా |
తం కల్పవల్లీమదభంగదక్షం
శ్రీదక్షిణాస్యం హృది భావయేఽహమ్ || ౨౨ ||
హయాగ్ర్యమారుహ్య గజోత్తమం వా
సమేత్య యత్పాదయుగార్చకాయ |
యచ్ఛంతి రాజ్యం ధరణీధవాస్తం
శ్రీదక్షిణాస్యం హృది భావయేఽహమ్ || ౨౩ ||
హవీంషి సంజుహ్వతి భూసురాగ్ర్యాః
కాలేషు వహ్నౌ యదనుగ్రహార్థమ్ |
కర్మానుగుణ్యేన ఫలప్రదం తం
శ్రీదక్షిణాస్యం హృది భావయేఽహమ్ || ౨౪ ||
హేత్యా లలాటస్థశుచేర్మహాఘ-
-వనం దహంతం తరసైవ మోదాత్ |
కుర్వంతమారాన్నతచిత్తశుద్ధిం
శ్రీదక్షిణాస్యం హది భావయేఽహమ్ || ౨౫ ||
హేమాశ్మనోః సామ్యమతిం కరోతి
యత్పాదపాథోరుహసక్తచిత్తః |
వైరాగ్యదానైకధురంధరం తం
శ్రీదక్షిణాస్యం హృది భావయేఽహమ్ || ౨౬ ||
హాలాస్యగోకర్ణముఖేషు దివ్య-
-క్షేత్రేషు వాసం కృపయా కరోతి |
యః పాదనమ్రోద్ధతయే సదా తం
శ్రీదక్షిణాస్యం హృది భావయేఽహమ్ || ౨౭ ||
హంసేన కేనాపి పరాదినేమాం
కృతాం ప్రయత్నాదతిమోదతశ్చ |
నక్షత్రమాలాం దధతాం నరాణాం
కంఠే భవిష్యత్యచిరాత్పరాప్తిః || ౨౮ ||
ఇతి శ్రీజగద్గురు శ్రీసచ్చిదానంద శివాభినవ నృసింహ భారతీ స్వామిభిః విరచితం శ్రీ దక్షిణాస్య నక్షత్రమాలా స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ దక్షిణామూర్తి స్తోత్రనిధి
(నిత్య పారాయణ గ్రంథము)
See details – Click here to buy
మరిన్ని శ్రీ శివ స్తోత్రాలు చూడండి. మరిన్ని శ్రీ దక్షిణామూర్తి స్తోత్రాలు చూడండి.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
