Read in తెలుగు / ಕನ್ನಡ / தமிழ் / देवनागरी / English (IAST)
భవాంభోధిపారం నయంతం స్వభక్తా-
-న్కృపాపూరపూర్ణైరపాంగైః స్వకీయైః |
సమస్తాగమాంతప్రగీతాపదానం
సదా దక్షిణాస్యం తమారాధయేఽహమ్ || ౧ ||
చతుర్వింశదర్ణస్య మంత్రోత్తమస్య
ప్రజాపాద్దృఢం వశ్యభావం సమేత్య |
ప్రయచ్ఛత్యరం యశ్చ విద్యామమోఘాం
సదా దక్షిణాస్యం తమారాధయేఽహమ్ || ౨ ||
జడాయాపి విద్యాం ప్రయచ్ఛంతమాశు
ప్రపన్నార్తివిధ్వంసదక్షాభిధానమ్ |
జరాజన్మమృత్యూన్ హరంతం ప్రమోదాత్
సదా దక్షిణాస్యం తమారాధయేఽహమ్ || ౩ ||
యమారాధ్య పద్మాక్షపద్మోద్భవాద్యాః
సురాగ్ర్యాః స్వకార్యేషు శక్తా బభూవుః |
రమాభారతీపార్వతీస్తూయమానం
సదా దక్షిణాస్యం తమారాధయేఽహమ్ || ౪ ||
సుధాసూతిబాలోల్లసన్మౌళిభాగం
సుధాకుంభమాలాలసత్పాణిపద్మమ్ |
సపుత్రం సదారం సశిష్యం సవాహం
సదా దక్షిణాస్యం తమారాధయేఽహమ్ || ౫ ||
గజాస్యాగ్నిభూసేవ్యపాదారవిందం
గజాశ్వాదిసంపత్తిహేతుప్రణామమ్ |
నిజానందవారాశిరాకాసుధాంశుం
శుచీంద్వర్కనేత్రం భజే దక్షిణాస్యమ్ || ౬ ||
గుణాన్షట్శమాదీనిహాముత్ర భోగే
విరక్తిం వివేకం ధ్రువానిత్యయోశ్చ |
ముముక్షాం చ శీఘ్రం లభేత ప్రసాదాత్
తమానందకందం భజే దక్షిణాస్యమ్ || ౭ ||
జడో జన్మమూకోఽపి యన్మంత్రజప్తుః
కరస్పర్శనాత్స్యాత్సురాచార్యతుల్యః |
తమజ్ఞానవారాన్నిధేర్వాడవాగ్నిం
ముదా సర్వకాలం భజే దక్షిణాస్యమ్ || ౮ ||
జహౌ మృత్యుభీతిం యదీయాంఘ్రిపద్మం
సదా పూజయిత్వా మృకండోస్తనూజః |
తమద్రీంద్రకన్యాసమాశ్లిష్టదేహం
కృపావారిరాశిం భజే దక్షిణాస్యమ్ || ౯ ||
పురా కామయానా పతిం స్వానురూపాం
చరిత్వా తపో దుష్కరం శైలకన్యా |
అవాపాదరాద్యా రుచా కామగర్వం
హరంతం తమంతర్భజే దక్షిణాస్యమ్ || ౧౦ ||
యదీయాంఘ్రిసేవాపరాణాం నరాణాం
సుసాధ్యా భవేయుర్జవాత్సర్వయోగాః |
హఠాద్యాః శివాంతా యమాద్యంగయుక్తా
ముదా సంతతం తం భజే దక్షిణాస్యమ్ || ౧౧ ||
వటాగస్య మూలే వసంతం సురస్త్రీ-
-కదంబైః సదా సేవ్యమానం ప్రమోదాత్ |
వరాన్ కామితాన్నమ్రపంక్త్యై దిశంతం
దయాజన్మభూమిం భజే దక్షిణాస్యమ్ || ౧౨ ||
విధూతాభిమానైస్తనౌ చక్షురాదా-
-వహంత్వేన సంప్రాప్యమేకాగ్రచిత్తైః |
యతీంద్రైర్గురుశ్రేష్ఠవిజ్ఞాతతత్త్వై-
-ర్మహావాక్యగూఢం భజే దక్షిణాస్యమ్ || ౧౩ ||
శుకాద్యా మునీంద్రా విరక్తాగ్రగణ్యాః
సమారాధ్య యం బ్రహ్మవిద్యామవాపుః |
తమల్పార్చనాతుష్టచేతోఽంబుజాతం
చిదానందరూపం భజే దక్షిణాస్యమ్ || ౧౪ ||
శ్రుతేర్యుక్తితశ్చింతనాద్ధ్యానయోగా-
-ద్భవేద్యస్య సాక్షాత్కృతిః పుణ్యభాజామ్ |
అఖండం సదానందచిద్రూపమంతః
సదాహం ముదా తం భజే దక్షిణాస్యమ్ || ౧౫ ||
సువర్ణాద్రిచాపం రమానాథబాణం
దినేశేందుచక్రం ధరాస్యందనాగ్ర్యమ్ |
విధిం సారథిం నాగనాథం చ మౌర్వీం
ప్రకుర్వాణమీశం భజే దక్షిణాస్యమ్ || ౧౬ ||
కరాంభోరుహైః పుస్తకం బోధముద్రాం
సుధాపూర్ణకుంభం స్రజం మౌక్తికానామ్ |
దధానం ధరాధీశమౌలౌ శయానం
శశాంకార్ధచూడం భజే దక్షిణాస్యమ్ || ౧౭ ||
కలాదానదక్షం తులాశూన్యవక్త్రం
శిలాదాత్మజేడ్యం వలారాతిపూజ్యమ్ |
జలాద్యష్టమూర్తిం కలాలాపయుక్తం
ఫలాలిం దిశంతం భజే దక్షిణాస్యమ్ || ౧౮ ||
యదాలోకమాత్రాన్నతానాం హృదబ్జే
శమాద్యా గుణాః సత్వరం సంభవంతి |
ప్రణమ్రాలిచేతఃసరోజాతభానుం
గురుం తం సురేడ్యం నమామో భజామః || ౧౯ ||
పినద్ధాని భక్త్యాఖ్యసూత్రేణ కంఠే
సదేమాని రత్నాని ధత్తే దృఢం యః |
ముదా ముక్తికాంతా ద్రుతం తం వృణీతే
స్వయం శాంతిదాంతిప్రముఖ్యాలియుక్తా || ౨౦ ||
ఇతి శ్రీజగద్గురు శ్రీసచ్చిదానంద శివాభినవ నృసింహ భారతీ స్వామిభిః విరచితం శ్రీ దక్షిణాస్య భుజంగప్రయాత స్తుతిః ||
మరిన్ని శ్రీ శివ స్తోత్రాలు చూడండి. మరిన్ని శ్రీ దక్షిణామూర్తి స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
