Read in తెలుగు / ಕನ್ನಡ / தமிழ் / देवनागरी / English (IAST)
నమోఽస్తు బుద్ధాయ విశుద్ధబోధయే
విశుద్ధధర్మప్రతిభాసబుద్ధయే |
సద్ధర్మపుణ్యోపగతానుబుద్ధయే
భవాగ్రశూన్యాయ విశుద్ధబుద్ధయే || ౧ ||
అహో అహో బుద్ధమనంతతేజసం
అహో అహో సాగరమేరుగుల్మమ్ |
అహో అహో బుద్ధమనంతగోచరమ్
ఔదుంబరం పుష్పమివాతిదుర్లభమ్ || ౨ ||
అహో మహాకారుణికస్తథాగతః
అహో అహో శాక్యకులస్య కేతుః |
అహో ప్రణమ్యః స నరేంద్రసూర్యో
యేనేదృశం భాషితసూత్రముత్తమమ్ || ౩ ||
అనుగ్రహార్థం స హి సర్వసత్త్వాన్
సద్ధర్మచర్యాముపదిశ్య నూనమ్ |
శాంతేశ్వరః శాక్యమునిస్తథాగతః
సత్త్వోత్తమః శాంతపురం ప్రవిష్టః || ౪ ||
గంభీరశాంతం విరజాసమాధి-
-పదం ప్రవిష్టే జినబుద్ధగోచరే |
శూన్యాశ్చ కాయాస్త్వథ శ్రావకాణాం
శూన్యా విహారా ద్విపదోత్తమానామ్ || ౫ ||
తే సర్వధర్మా ప్రకృతిశ్చ శూన్యా
సత్త్వా హి శూన్యా నహి జాతు విద్యతే || ౬ ||
నిత్యం చ నిత్యం చ జినం స్మరామి
నిత్యం చ శోచామి జినస్య దర్శనమ్ |
నిత్యం చ నిత్యం ప్రణిధిం కరోమి
సంబుద్ధపూజ్యస్య చ దర్శనార్థమ్ || ౭ ||
స్థాప్యేహ నిత్యం ధరణీషు జాను
శోకాభితప్తో జినదర్శనాయ |
ఓదంతకారుణ్యవినాయకస్త్వ-
-మతీవ తృష్ణా సుగతస్య దర్శనే || ౮ ||
సతాం వరో యద్విజహార నిత్యం
దదాహి మే దర్శనతోయశీతలమ్ |
సత్త్వాః సతృష్ణాస్తవ రూపదర్శనే
ప్రహ్లాదయైనాన్ కరుణాజలేన || ౯ ||
కారుణ్యభావం కురు నాథ నాయక
దదాహి మే దర్శనం సౌమ్యరూపమ్ |
త్వం పాహి త్రాతర్జగదేకదేశితా
శూన్యాశ్చ కాయాస్త్వథ శ్రావకాణామ్ || ౧౦ ||
ఆకాశతుల్యా గగనస్వభావా
మాయామరీచ్యోదకచంద్రకాయాః |
సర్వే చ సత్త్వాః సుఖితస్వభావా
భవంతు భో నాయక త్వత్ప్రసాదాత్ || ౧౧ ||
ఇతి బోధిసత్త్వసముచ్చయానామ కులదేవతా విరచితం శ్రీ బుద్ధ స్తోత్రమ్ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
