Read in తెలుగు / ಕನ್ನಡ / தமிழ் / देवनागरी / English (IAST)
భగవత్ స్తుతిః (ప్రహ్లాద కృతం)
ప్రహ్లాద ఉవాచ |
నమస్తే పుండరీకాక్ష నమస్తే పురుషోత్తమ |
నమస్తే సర్వలోకాత్మన్ నమస్తే తిగ్మచక్రిణే || ౧ ||
నమో బ్రహ్మణ్యదేవాయ గోబ్రాహ్మణహితాయ చ |
జగద్ధితాయ కృష్ణాయ గోవిందాయ నమో నమః || ౨ ||
బ్రహ్మత్వే సృజతే విశ్వం స్థితౌ పాలయతే పునః |
రుద్రరూపాయ కల్పాంతే నమస్తుభ్యం త్రిమూర్తయే || ౩ ||
దేవా యక్షాసురాః సిద్ధా నాగా గంధర్వకిన్నరాః |
పిశాచా రాక్షసాశ్చైవ మనుష్యాః పశవస్తథా || ౪ ||
పక్షిణః స్థావరాశ్చైవ పిపీలికసరీసృపాః |
భూమ్యాపోఽగ్నిర్నభో వాయుః శబ్దః స్పర్శస్తథా రసః || ౫ ||
రూపం గంధో మనో బుద్ధిరాత్మా కాలస్తథా గుణాః |
ఏతేషాం పరమార్థశ్చ సర్వమేతత్త్వమచ్యుత || ౬ ||
విద్యావిద్యే భవాన్ సత్యమసత్యం త్వం విషామృతే |
ప్రవృత్తం చ నివృత్తం చ కర్మ వేదోదితం భవాన్ || ౭ ||
సమస్తకర్మభోక్తా చ కర్మోపకరణాని చ |
త్వమేవ విష్ణో సర్వాణి సర్వకర్మఫలం చ యత్ || ౮ ||
మయ్యన్యత్ర తథాఽశేషభూతేషు భువనేషు చ |
తవైవ వ్యాప్తిరైశ్వర్యగుణసంసూచికీ ప్రభో || ౯ ||
త్వాం యోగినశ్చింతయంతి త్వాం యజంతి చ యాజకాః |
హవ్యకవ్యభుగేకస్త్వం పితృదేవస్వరూపధృక్ || ౧౦ ||
రూపం మహత్తే స్థితమత్ర విశ్వం
తతశ్చ సూక్ష్మం జగదేతదీశ |
రూపాణి సర్వాణి చ భూతభేదా-
-స్తేష్వంతరాత్మాఖ్యమతీవ సూక్ష్మమ్ || ౧౧ ||
తస్మాచ్చ సూక్ష్మాదివిశేషణానా-
-మగోచరే యత్పరమాత్మరూపమ్ |
కిమప్యచింత్యం తవ రూపమస్తి
తస్మై నమస్తే పురుషోత్తమాయ || ౧౨ ||
సర్వభూతేషు సర్వాత్మన్ యా శక్తిరపరా తవ |
గుణాశ్రయా నమస్తస్యై శాశ్వతాయై సురేశ్వర || ౧౩ ||
యాతీతగోచరా వాచాం మనసాం చావిశేషణా |
జ్ఞానిజ్ఞానపరిచ్ఛేద్యా తాం వందే చేశ్వరీం పరామ్ || ౧౪ ||
ఓం నమో వాసుదేవాయ తస్మై భగవతే సదా |
వ్యతిరిక్తం న యస్యాస్తి వ్యతిరిక్తోఽఖిలస్య యః || ౧౫ ||
నమస్తస్మై నమస్తస్మై నమస్తస్మై మహాత్మనే |
నామ రూపం న యస్యైకో యోఽస్తిత్వేనోపలభ్యతే || ౧౬ ||
యస్యావతారరూపాణి సమర్చంతి దివౌకసః |
అపశ్యంతః పరం రూపం నమస్తస్మై మహాత్మనే || ౧౭ ||
యోఽంతస్తిష్ఠన్నశేషస్య పశ్యతీశః శుభాశుభమ్ |
తం సర్వసాక్షిణం విశ్వం నమస్యే పరమేశ్వరమ్ || ౧౮ ||
నమోఽస్తు విష్ణవే తస్మై యస్యాభిన్నమిదం జగత్ |
ధ్యేయః స జగతామాద్యః స ప్రసీదతు మేఽవ్యయః || ౧౯ ||
యత్రోతమేతత్ ప్రోతం చ విశ్వమక్షరమవ్యయమ్ |
ఆధారభూతః సర్వస్య స ప్రసీదతు మే హరిః || ౨౦ ||
ఓం నమో విష్ణవే తస్మై నమస్తస్మై పునః పునః |
యత్ర సర్వం యతః సర్వం యః సర్వం సర్వసంశ్రయః || ౨౧ ||
సర్వగత్వాదనంతస్య స ఏవాహమవస్థితః |
మత్తః సర్వమహం సర్వం మయి సర్వం సనాతనే || ౨౨ ||
అహమేవాక్షయో నిత్యః పరమాత్మాఽఽత్మసంశ్రయః |
బ్రహ్మసంజ్ఞోఽహమేవాగ్రే తథాఽంతే చ పరః పుమాన్ || ౨౩ ||
ఇతి శ్రీవిష్ణుపురాణే ప్రథమాంశే ఏకోనవింశోఽధ్యాయే ప్రహ్లాద కృత భగవత్ స్తుతిః |
మరిన్ని శ్రీ నృసింహ స్తోత్రాలు చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
