Read in తెలుగు / ಕನ್ನಡ / தமிழ் / देवनागरी / English (IAST)
tvaṁ brahma paramaṁ dhāma nirīhō nirahaṅkr̥tiḥ |
nirguṇaśca nirākāraḥ sākāraḥ saguṇaḥ svayam || 1 ||
sākṣirūpaśca nirliptaḥ paramātmā nirākr̥tiḥ |
prakr̥tiḥ puruṣastvaṁ ca kāraṇaṁ ca tayōḥ param || 2 ||
sr̥ṣṭisthityantaviṣayē yē ca dēvāstrayaḥ smr̥tāḥ |
tē tvadaṁśāḥ sarvabījā brahmaviṣṇumahēśvarāḥ || 3 ||
yasya lōmnāṁ ca vivarē cākhilaṁ viśvamīśvara |
mahāvirāṇmahāviṣṇustvaṁ tasya janakō vibhō || 4 ||
tējastvaṁ cāpi tējasvī jñānaṁ jñānī ca tatparaḥ |
vēdē:’nirvacanīyastvaṁ kastvāṁ stōtumihēśvaraḥ || 5 ||
mahadādisr̥ṣṭisūtraṁ pañcatanmātramēva ca |
bījaṁ tvaṁ sarvaśaktīnāṁ sarvaśaktisvarūpakaḥ || 6 ||
sarvaśaktīśvaraḥ sarvaḥ sarvaśaktyāśrayaḥ sadā |
tvamanīhaḥ svayañjyōtiḥ sarvānandaḥ sanātanaḥ || 7 ||
ahō:’pyākārahīnastvaṁ sarvavigrahavānapi |
sarvēndriyāṇāṁ viṣayaṁ jānāsi nēndriyī bhavān || 8 ||
sarasvatī jaḍībhūtā yat stōtrē yannirūpaṇē |
jaḍībhūtō mahēśaśca śēṣō dharmō vidhiḥ svayam || 9 ||
pārvatī kamalā rādhā sāvitrī vēdasūrapi |
vēdaśca jaḍatāṁ yāti kē vā śaktā vipaścitaḥ || 10 ||
vayaṁ kiṁ stavanaṁ kurmaḥ striyaḥ prāṇēśvarēśvaraḥ |
prasannō bhava nō dēva dīnabandhō kr̥pāṁ kuru || 11 ||
iti pētuśca tā viprapatnyastaccaraṇāmbujē |
abhayaṁ pradadau tābhyaḥ prasannavadanēkṣaṇaḥ || 12 ||
viprapatnīkr̥taṁ stōtraṁ pūjākālē ca yaḥ paṭhēt |
sa gatiṁ viprapatnīnāṁ labhatē nā:’tra saṁśayaḥ || 13 ||
iti śrībrahmavaivartē mahāpurāṇē śrīkr̥ṣṇajanmakhaṇḍē aṣṭādaśō:’dhyāyē viprapatnīkr̥ta śrī kr̥ṣṇa stōtram |
See more śrī kr̥ṣṇa stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
