Read in తెలుగు / ಕನ್ನಡ / தமிழ் / देवनागरी / English (IAST)
viśvāmitratapaḥphalāṁ priyatarāṁ viprālisaṁsēvitāṁ
nityānityavivēkadāṁ smitamukhīṁ khaṇḍēndubhūṣōjjvalām |
tāmbūlāruṇabhāsamānavadanāṁ mārtāṇḍamadhyasthitāṁ
gāyatrīṁ harivallabhāṁ triṇayanāṁ dhyāyāmi pañcānanām || 1 ||
jātīpaṅkajakētakīkuvalayaiḥ sampūjitāṅghridvayāṁ
tattvārthātmikavarṇapaṅktisahitāṁ tattvārthabuddhipradām |
prāṇāyāmaparāyaṇairbudhajanaiḥ saṁsēvyamānāṁ śivāṁ
gāyatrīṁ harivallabhāṁ triṇayanāṁ dhyāyāmi pañcānanām || 2 ||
mañjīradhvanibhiḥ samastajagatāṁ mañjutvasaṁvardhanīṁ
vipraprēṅkhitavārivāritamahārakṣōgaṇāṁ mr̥ṇmayīm |
japtuḥ pāpaharāṁ japāsumanibhāṁ haṁsēna saṁśōbhitāṁ
gāyatrīṁ harivallabhāṁ triṇayanāṁ dhyāyāmi pañcānanām || 3 ||
kāñcīcēlavibhūṣitāṁ śivamayīṁ mālārdhamālādikā-
-nbibhrāṇāṁ paramēśvarīṁ śaraṇadāṁ mōhāndhabuddhicchidām |
bhūrāditripurāṁ trilōkajananīmadhyātmaśākhānutāṁ
gāyatrīṁ harivallabhāṁ triṇayanāṁ dhyāyāmi pañcānanām || 4 ||
dhyāturgarbhakr̥śānutāpaharaṇāṁ sāmātmikāṁ sāmagāṁ
sāyaṅkālasusēvitāṁ svaramayīṁ dūrvādalaśyāmalām |
māturdāsyavilōcanaikamatimatkhēṭīndrasaṁrājitāṁ
gāyatrīṁ harivallabhāṁ triṇayanāṁ dhyāyāmi pañcānanām || 5 ||
sandhyārāgavicitravastravilasadviprōttamaiḥ sēvitāṁ
tārāhārasumālikāṁ suvilasadratnēndukumbhāntarām |
rākācandramukhīṁ ramāpatinutāṁ śaṅkhādibhāsvatkarāṁ
gāyatrīṁ harivallabhāṁ triṇayanāṁ dhyāyāmi pañcānanām || 6 ||
vēṇībhūṣitamālakadhvanikarairbhr̥ṅgaiḥ sadā śōbhitāṁ
tattvajñānarasāyanajñarasanāsaudhabhramadbhrāmarīm |
nāsālaṅkr̥tamauktikēndukiraṇaiḥ sāyantamaśchēdinīṁ
gāyatrīṁ harivallabhāṁ triṇayanāṁ dhyāyāmi pañcānanām || 7 ||
pādābjāntararēṇukuṅkumalasatphāladyurāmāvr̥tāṁ
rambhānāṭyavilōkanaikarasikāṁ vēdāntabuddhipradām |
vīṇāvēṇumr̥daṅgakāhalaravān dēvaiḥ kr̥tāñchr̥ṇvatīṁ
gāyatrīṁ harivallabhāṁ triṇayanāṁ dhyāyāmi pañcānanām || 8 ||
hatyāpānasuvarṇataskaramahāgurvaṅganāsaṅgamā-
-ndōṣāñchailasamān purandarasamāḥ sañcchidya sūryōpamāḥ |
gāyatrīṁ śrutimāturēkamanasā sandhyāsu yē bhūsurā
japtvā yānti parāṁ gatiṁ manumimaṁ dēvyāḥ paraṁ vaidikāḥ || 9 ||
iti śrīmacchaṅkarācārya viracitaṁ śrī gāyatryaṣṭakam |
See more śrī gāyatrī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
