Read in తెలుగు / ಕನ್ನಡ / தமிழ் / देवनागरी / English (IAST)
cāmpēyagaurārdhaśarīrakāyai
karpūragaurārdhaśarīrakāya |
dhammillakāyai ca jaṭādharāya
namaḥ śivāyai ca namaḥ śivāya || 1 ||
kastūrikākuṅkumacarcitāyai
citārajaḥpuñjavicarcitāya |
kr̥tasmarāyai vikr̥tasmarāya
namaḥ śivāyai ca namaḥ śivāya || 2 ||
jhaṇatkvaṇatkaṅkaṇanūpurāyai
pādābjarājatphaṇinūpurāya |
hēmāṅgadāyai bhujagāṅgadāya
namaḥ śivāyai ca namaḥ śivāya || 3 ||
viśālanīlōtpalalōcanāyai
vikāsipaṅkēruhalōcanāya |
samēkṣaṇāyai viṣamēkṣaṇāya
namaḥ śivāyai ca namaḥ śivāya || 4 ||
mandāramālākalitālakāyai
kapālamālāṅkitakandharāya |
divyāmbarāyai ca digambarāya
namaḥ śivāyai ca namaḥ śivāya || 5 ||
ambhōdharaśyāmalakuntalāyai
taṭitprabhātāmrajaṭādharāya |
nirīśvarāyai nikhilēśvarāya
namaḥ śivāyai ca namaḥ śivāya || 6 ||
prapañcasr̥ṣṭyunmukhalāsyakāyai
samastasaṁhārakatāṇḍavāya |
jagajjananyai jagadēkapitrē
namaḥ śivāyai ca namaḥ śivāya || 7 ||
pradīptaratnōjjvalakuṇḍalāyai
sphuranmahāpannagabhūṣaṇāya |
śivānvitāyai ca śivānvitāya
namaḥ śivāyai ca namaḥ śivāya || 8 ||
ētatpaṭhēdaṣṭakamiṣṭadaṁ yō
bhaktyā sa mānyō bhuvi dīrghajīvī |
prāpnōti saubhāgyamanantakālaṁ
bhūyātsadā tasya samastasiddhiḥ || 9 ||
iti śrīmacchaṅkarācārya kr̥ta ardhanārīśvara stōtram |
See more śrī śiva stotras for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
