Read in తెలుగు / ಕನ್ನಡ / தமிழ் / देवनागरी / English (IAST)
juṣasva bālavākyavat stavaṁ mamāmba bhāratī |
asatsadapyadastvayi bhramādvibhāti kēvalē || 1 ||
kṣarākṣarātparaṁ hi yattvamēva tatpadaṁ dhruvam |
jalē yathōrmibudbudāstathā tvayīśajīvadr̥k || 2 ||
tryadhīśa ōṅkr̥tē:’khilaṁ tvamēva cāsya maṅgalam |
yadardhamātramūrjitaṁ kriyāvikāravarjitam || 3 ||
trisaptayāgasādhikē subhuktimuktidāyakē |
svarārṇakāraṇē stavaḥ svayaṁ nu kaiḥ kr̥tastava || 4 ||
prakāśakaprakāśakē śrutiśrutādidhārakē |
tvamēva sarvakāraṇaṁ tvamēva sarvatāraṇam || 5 ||
suśaktabhaktabhāvitaṁ hi tēna sarvathā tatam |
tadēva dhāma tē varaṁ yadīkṣyatē budhaiḥ param || 6 ||
sthirāścarāśca gōcarāḥ paratra cātra vā:’mba yē |
tvadēva tatsamāgamaḥ pramāṇamatra cāgamaḥ || 7 ||
namō:’stu tē sarasvati dhyavitri vājinīvati |
prasīda buddhicētanē svabhaktahr̥nnikētanē || 8 ||
stutaivaṁ viṣṇujihvā sā prasannā sūnr̥tērakā |
prāhāviṣkr̥tya cātmānaṁ tuṣṭāsmi varayēpsitam || 9 ||
sakambalasya kuru mē sahāyaṁ śambhugāyanē |
susvaratvādi yacchēti yayācē:’hiḥ sarasvatīm || 10 ||
vāgīśāhōbhayōrastu divyanādarahasyamit |
stōtraṁ cāstu skhaladgīṣṭvadhījāḍyādiharaṁ tvidam || 11 ||
iti śrīvāsudēvānandasarasvatī viracitaṁ śrī sarasvatī stavam ||
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
