Read in తెలుగు / ಕನ್ನಡ / தமிழ் / देवनागरी / English (IAST)
kiṁ nāhaṁ putrastava
mātuḥ sacarācarasya jagatō:’sya |
kiṁ māṁ dūrīkuruṣē
dēvi girāṁ brūhi kāraṇaṁ tatra || 1 ||
kiṁ cāhurācāryapādā-
-stvadbhaktā madgurūttamāḥ pūrvam |
aurasatanayaṁ māṁ tava
kasmāddūrīkarōṣi vada vāṇi || 2 ||
ānīya dūratō māṁ
mātastvatpādasavidhamatikr̥payā |
paripālya ca suciraṁ māṁ
kasmāddūrīkarōṣi vada vāṇi || 3 ||
atiparicayādavajñā
prabhavētputrēṣu kiṁ savitrīṇām |
na hi sā kvacidapi dr̥ṣṭā
kasmāddūrīkarōṣi vada vāṇi || 4 ||
kādācitkanamaskr̥ti-
-kartr̥̄ṇāmapyabhīṣṭadē tarasā |
nāhaṁ sakr̥dapi nantā
kasmāddūrīkarōṣi vada vāṇi || 5 ||
gururūpēṇābālyā-
-tsōḍhvā mantūṁśca matkr̥tānvividhān |
parirakṣya karuṇayā māṁ
kasmāddūrīkarōṣi vada vāṇi || 6 ||
jagatāṁ pālanamaniśaṁ
kurvantyāstē bhavētkiyānbhāraḥ |
ahamamba dīnavaryaḥ
kasmāddūrīkarōṣi vada vāṇi || 7 ||
pāpānnivārya saraṇau
vimalāyāṁ mē pravartanē tarasā |
kartavyē sati kr̥payā
kasmāddūrīkarōṣi vada vāṇi || 8 ||
yadyapyanyānanyān
dēvānārādhayāmi na tvaṁ tē |
sarvātmikēti capalaḥ
kasmāddūrīkarōṣi vada vāṇi || 9 ||
yātrāśaktamimaṁ māṁ
galitaśarīramrujā samākrāntam |
pātramahētudayāyāḥ
kasmāddūrīkarōṣi vada vāṇi || 10 ||
tava sadmani gurusadanē
vidyātīrthālayē ca bahusukhataḥ |
khēlāṁ kurvantaṁ māṁ
kasmāddūrīkarōṣi vada vāṇi || 11 ||
tvatkṣētranikaṭarāja-
-nnarasiṁhākhyācalaśr̥ṅgāgrē |
svairavihārakr̥taṁ māṁ
kasmāddūrīkarōṣi vada vāṇi || 12 ||
tvatpādapūtatuṅgā-
-tīrē vijanē vanē carantaṁ mām |
anughasraṁ mōdabharāt
kasmāddūrīkarōṣi vada vāṇi || 13 ||
tuṅgātīrē dinakara-
-nivēśanikaṭasthalē vipulē |
dhyāyantaṁ paratattvaṁ
kasmāddūrīkarōṣi vada vāṇi || 14 ||
tuṅgātīrē raghuvara-
-mandirapurataḥ sudīrghapāṣāṇē |
kutukādviharantaṁ māṁ
kasmāddūrīkarōṣi vada vāṇi || 15 ||
jātu ca narasiṁhapurē
tuṅgātīrē susaikatē mōdāt |
vihr̥tiṁ kurvāṇaṁ māṁ
kasmāddūrīkarōṣi vada vāṇi || 16 ||
yativarakr̥tātmavidyā-
-vilāsamaniśaṁ paṭhantamatimōdāt |
kuhacittuṅgātīrē
kasmāddūrīkarōṣi vada vāṇi || 17 ||
śaṅkarabhagavatpāda-
-praṇītacūḍāmaṇiṁ vivēkādim |
śr̥ṇvantaṁ nr̥harivanē
kasmāddūrīkarōṣi vada vāṇi || 18 ||
iti śrīsaccidānandaśivābhinavanr̥siṁhabhāratīsvāmibhiḥ viracita śrī vāṇī praśnamālā stutiḥ ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
