Read in తెలుగు / ಕನ್ನಡ / தமிழ் / देवनागरी / English (IAST)
– పూర్వపీఠికా –
శ్రీపార్వత్యువాచ |
దేవేశ శ్రోతుమిచ్ఛామి రహస్యాతిరహస్యకమ్ |
సుగుప్తమపి మే దేవ కథయస్వ మహేశ్వర || ౧ ||
ఈశ్వర ఉవాచ |
రహస్యాతిరహస్యం చ గోప్యాద్గోప్యం మహత్తరమ్ |
న కుత్రాపి మయా ప్రోక్తం సర్వస్వమపి పార్వతి || ౨ ||
కథ్యతే సారభూతం హి సర్వతంత్రేషు దుర్లభమ్ |
తవ ప్రీత్యై మహేశాని యథావదవధారయ || ౩ ||
పురా కైలాసశిఖరే విశ్వరూపో విరాట్ఛివః |
దక్షిణామూర్తిరూపం తు కృత్వా వటతలే స్థితః || ౪ ||
ఋషీశ్వరాణాం దేవానాం జ్ఞానార్థం పరమేశ్వరి |
దక్షిణామూర్తిరూపో హి సర్వదేవస్వరూపధృత్ || ౫ ||
అవతీర్ణో మహేశాని సచ్చిదానందవిగ్రహః |
శ్రీవీరదక్షిణామూర్తిస్తతశ్చైవ వటాభిధః || ౬ ||
శ్రీలక్ష్మీదక్షిణామూర్తిర్మేధాఖ్యస్తు తురీయకః |
తస్య నామ సహస్రం చ వేదసారరహస్యకమ్ || ౭ ||
యదేకవారపఠనాద్బ్రహ్మా వేదార్థపారగః |
విష్ణుర్విష్ణుత్వమేతేన దేవా దేవత్వమాప్నుయుః || ౮ ||
యత్సకృత్పఠనాదేవ పాండిత్యం స్యాచ్చతుర్విధమ్ |
త్రైలోక్యరాజ్యం సత్కావ్యం మహాశ్రుతిపరంపరా || ౯ ||
శాపానుగ్రహసామర్థ్యం పాండిత్యం స్యాచ్చతుర్విధమ్ |
భవత్యేవ మహేశాని మహాభాష్యాదికారకః || ౧౦ ||
కిం పునర్బహునోక్తేన బ్రహ్మత్వం భవతి క్షణాత్ |
ఏతస్మాదధికా సిద్ధిః బ్రహ్మాండం గోళకాదిషు || ౧౧ ||
బ్రహ్మాండగోళకే యాశ్చ యాః కాశ్చిజ్జగతీతలే |
సమస్తసిద్ధయో దేవి వాచకస్య కరే స్థితాః || ౧౨ ||
కైవల్యం లభతే యోగీ నామసాహస్రపాఠకః |
శ్రీమేధాదక్షిణామూర్తినామసాహస్రకస్య చ || ౧౩ ||
బ్రహ్మా ఋషిర్మహేశాని గాయత్రీ ఛంద ఈరితమ్ |
దేవతా దక్షిణామూర్తిః ప్రణవో బీజముచ్యతే || ౧౪ ||
స్వాహా శక్తిర్మహేశాని నమః కీలకమీరితమ్ |
మాతృకాదీర్ఘషట్కైస్తు షడంగన్యాస ఈరితః || ౧౫ ||
వటమూలే మహచ్ఛిద్రం సుందరః పరమః శివః |
తరుణో మౌనయుక్ఛంభుర్మునయః పండితోత్తమాః |
ఇతి సంచింత్య దేవస్య నామసాహస్రకం పఠేత్ || ౧౬ ||
అస్య శ్రీదక్షిణామూర్తి దివ్యసహస్రనామస్తోత్ర మహామంత్రస్య బ్రహ్మా ఋషిః, గాయత్రీ ఛందః, శ్రీదక్షిణామూర్తిర్దేవతా, ఓం బీజం, స్వాహా శక్తిః, నమః కీలకం, మమ శ్రీదక్షిణామూర్తి ప్రసాదసిద్ధ్యర్థే జపే వినియోగః ||
ఆమిత్యాదిషడంగన్యాసః ||
ధ్యానమ్ –
వటమూలే మహచ్చిత్రం సుందరః పరమః శివః |
తరుణో మౌనయుక్ఛంభుర్మునయః పండితోత్తమాః ||
స్తోత్రమ్ –
ఓం | దక్షిణో దక్షిణామూర్తిర్దయాళుర్దీనవల్లభః |
దీనార్తిహృద్దీనబంధుర్దీననాథో దయాపరః || ౧ ||
దారిద్ర్యశమనోఽదీనో దార్ఢ్యో దానవనాశకః |
దనుజారిర్దుఃఖహంతా దుష్టభూతనిషూదనః || ౨ ||
దీనోరుదాయకో దాంతో దీప్తిమాన్ దివ్యలోచనః |
దేదీప్యమానో దుర్గేశః శ్రీదుర్గావరదాయకః || ౩ ||
దరీసంస్థో దానరూపో దానసన్మానతోషితః |
దాతా దాడిమపుష్పాభో దాడిమీపుష్పభూషితః || ౪ ||
దైన్యహా దురితఘ్నశ్చ దిశావాసో దిగంబరః |
దిక్పతిర్దీర్ఘసూత్రశ్చ దళదంబుజలోచనః || ౫ ||
దక్షిణాప్రేమసంతుష్టో దారిద్ర్యబడబానలః |
దక్షిణావరదో దక్షో దక్షాధ్వరవినాశనః || ౬ ||
దామోదరప్రియో దీర్ఘో దీర్ఘికాజలమధ్యగః |
ధర్మో ధనప్రదో ధ్యేయో ధీమాన్ ధైర్యవిభూషితః || ౭ ||
ధరణీధారకో ధాతా ధనాధ్యక్షో ధురంధరః |
ధీర్ధారణో ధింధిమికృన్నగ్నో నారాయణో నరః || ౮ ||
నరనాథప్రియో నాథో నదీపులినసంస్థితః |
నానారూపధరో నమ్యో నాందీశ్రాద్ధప్రియో నటః || ౯ ||
నటాచార్యో నటవరో నారీమానసమోహనః |
నీతిప్రియో నీతిధరో నానామంత్రరహస్యవిత్ || ౧౦ ||
నారదో నామరహితో నౌకారూఢో నటప్రియః |
పరమః పరమార్థశ్చ పరవిద్యాప్రకర్షణః || ౧౧ ||
పతిః పాతిత్యసంహర్తా పరమేశః పురాతనః |
పురాణపురుషః పుణ్యః పద్యగద్యవిశారదః || ౧౨ ||
పద్మప్రియః పాశహస్తః పరమార్థః పరాయణః |
ప్రీతః పురాణపురుషః పురాణాగమసూచకః || ౧౩ ||
పురాణవేత్తా పాపఘ్నః పార్వతీశః పరార్థవిత్ |
పద్మావతీప్రియః పాపహారీ పరరహస్యవిత్ || ౧౪ ||
పార్వతీరమణః పీనః పీతవాసాః పరాత్పరః |
పశూపహారరసికః పాశీ పశుపతిః పతిః || ౧౫ ||
పక్షీంద్రవాహనః పాతా పుత్రదః పుత్రపూజితః |
ఫణినాథః ఫూత్కృతిశ్చ ఫట్కారః ఫేం పరాయణః || ౧౬ ||
ఫేం బీజజపసంతుష్టః ఫూత్కారః ఫణిభూషితః |
ఫణివిద్యామయః ఫ్రేం ఫ్రేం ఫ్రైం ఫ్రైం శబ్దపరాయణః || ౧౭ ||
షడస్త్రజపసంతుష్టో బలిభుగ్బాణభూషితః |
బాణపూజారతో బ్లూంతో బ్లూంబీజజపతోషితః || ౧౮ ||
బర్హిర్ముఖో బాలమతిర్బాలేశో బాలభావధృత్ |
బాలప్రియో బాలగతిర్బలీవర్దప్రియో బలః || ౧౯ ||
బాలచంద్రప్రియో బాలో బాలాశబ్దపరాయణః |
బ్రహ్మాస్థిభేదకో బ్రహ్మజ్ఞానీ బ్రాహ్మణపాలకః || ౨౦ ||
భగవాన్ భూపతిర్భద్రో భద్రదో భద్రవాహనః |
భూతాధ్యక్షో భూతపతిర్భూతోభీతినివారణః || ౨౧ ||
భీమో భయానకో భ్రాతా భ్రాంతో భస్మాసురప్రియః |
భస్మభూషో భస్మసంస్థో భైక్షకర్మపరాయణః || ౨౨ ||
భానుభూషో భానురూపో భవానీప్రీతిదో భవః |
భర్గో దేవో భగావాసో భగపూజాపరాయణః || ౨౩ ||
భావప్రియో భావరతో భావాభావవివర్జితః |
భర్గో భార్యాసంధియుక్తో భా భీ శబ్దపరాయణః || ౨౪ ||
భ్రాం బీజజపసంతుష్టో భట్టారో భద్రవాహనః |
భట్టారకో భీమగర్భో భీమాసంగమలోలుపః || ౨౫ ||
భద్రదో భ్రాంతిరహితో భీమచండీపతిర్భవాన్ |
భవానీజపసంతుష్టో భవానీపూజనోత్సుకః || ౨౬ ||
భ్రమరో భ్రమరీయుక్తో భ్రమరాంబాప్రపూజితః |
మహాదేవో మహానాథో మహేశో మాధవప్రియః || ౨౭ ||
మధుపుష్పప్రియో మాధ్వీపానపూజాపరాయణః |
మధుర్మాధ్వీప్రియో మీనో మీనాక్షీనాయకో మహాన్ || ౨౮ ||
మారీహరో మదనహృన్మాననీయో మదోద్ధతః |
మాధవో మానరహితో మ్రీం బీజజపతోషితః || ౨౯ ||
మధుపానరతో మౌనీ మహర్షిర్మోహనాస్త్రవిత్ |
మహాతాండవకృన్మంత్రో మంత్రపూజాపరాయణః || ౩౦ ||
మూర్తిర్ముద్రాప్రియో మిత్రో మిత్రసంతుష్టమానసః |
మ్రీం మ్రీం మధుమతీనాథో మహాదేవప్రియో మృడః || ౩౧ ||
యాదోనిధిర్యజ్ఞపతిర్యతిర్యజ్ఞపరాయణః |
యజ్వా యాగపరో యాయీ యాయీభావప్రియో యుజః || ౩౨ ||
యాతాయాతాదిరహితో యతిధర్మపరాయణః |
యత్నసాధ్వీ యష్టిధరో యజమానప్రియో యదుః || ౩౩ ||
యజుర్వేదప్రియో యామీ యమసంయమనో యమః |
యమపీడాహరో యుక్తో యోగీ యోగీశ్వరాలయః || ౩౪ ||
యాజ్ఞవల్క్యప్రియో యోనిర్యోనిదోషవివర్జితః |
యామినీనాథభూషీ చ యదువంశసముద్భవః || ౩౫ ||
యక్షో యక్షప్రియో రమ్యో రామో రాజీవలోచనః |
రాత్రించరో రాత్రిచరో రామేశో రామపూజితః || ౩౬ ||
రమాపూజ్యో రమానాథో రత్నదో రత్నహారకః |
రాజ్యదో రామవరదో రంజకో రీతిమార్గవిత్ || ౩౭ ||
రమణీయో రఘూనాథో రఘువంశప్రవర్తకః |
రామానందమయో రాజా రాజరాజేశ్వరో రసః || ౩౮ ||
రత్నమందిరమధ్యస్థో రత్నపూజాపరాయణః |
రత్నాకరో లక్షణేశో లక్ష్యదో లక్ష్యలక్షణః || ౩౯ ||
లక్ష్మీనాథప్రియో లాలీ లంబికాయోగమార్గవిత్ |
లబ్ధిలక్ష్యో లబ్ధిసిద్ధో లభ్యో లాక్షారుణేక్షణః || ౪౦ ||
లోలాక్షీనాయకో లోభో లోకనాథో లతామయః |
లతాపుంజామరో లోలో లక్షమంత్రజపప్రియః || ౪౧ ||
లంబికామార్గనిరతో లక్షకోట్యర్బుదాంతకః |
వాణీప్రియో వావదూకో వాదీ వాదపరాయణః || ౪౨ ||
వీరమార్గరతో వీరో వీరచర్యాపరాయణః |
వరేణ్యో వరదో వామో వామమార్గప్రవర్తకః || ౪౩ ||
వామదేవో వాగధీశో వీణాఢ్యో వేణుతత్పరః |
విద్యాప్రియో వీతిహోత్రో వీరవిద్యావిశారదః || ౪౪ ||
వర్గ్యో వర్గప్రియో వాయూ వాయువేగపరాయణః |
వార్తాజ్ఞశ్చ వశీకారీ వరిష్ఠో వామవృత్తకః || ౪౫ ||
వసిష్ఠో వాక్పతిర్వైద్యో వామనో వసుదో విరాట్ |
వారాహీపాలకో వన్యో వనవాసీ వనప్రియః || ౪౬ ||
వనదుర్గాపతిర్వారీ ధారీ వారాంగనాప్రియః |
వనేచరో వనచరః శక్తిపూజ్యః శిఖీసఖః || ౪౭ ||
శమ్యాకమౌళిః శాంతాత్మా శక్తిమార్గపరాయణః |
శరచ్చంద్రనిభః శాంతః శక్తిః సంశయవర్జితః || ౪౮ ||
శచీపతిః శక్రపూజ్యః శరస్థః శాపవర్జితః |
శాపానుగ్రహదః శంఖప్రియః శత్రునిషూదనః || ౪౯ ||
శరీరయోగీ శీతారిః శక్తిః శర్మగతః శుభః |
శుక్రపూజ్యః శుక్రభోగీ శుక్రభక్షణతత్పరః || ౫౦ ||
శారదానాయకః శౌరిః షణ్ముఖః షడ్భుజః షడః |
షండః షడంగః షట్కోశః షడధ్వయగతత్పరః || ౫౧ ||
షడామ్నాయరహస్యజ్ఞః షష్టిజీవపరాయణః |
షట్చక్రభేదనః షష్ఠీనాథః షడ్దర్శనాహ్వయః || ౫౨ ||
షష్ఠీదోషహరః షట్కః షట్ఛాస్త్రార్థరహస్యవిత్ |
షడూర్మిశ్చైవ షడ్వర్గః షడైశ్వర్యఫలప్రదః || ౫౩ ||
షడ్గుణః షణ్ముఖోపేతః షష్ఠిబాలః షడాత్మకః |
షట్కృత్తికాసమాజస్థః షడాధారనివాసకః || ౫౪ ||
షోఢాన్యాసప్రియః సింధుః సుందరః సురసుందరః |
సురారాధ్యః సురపతిః సుముఖః సుమనాః సురః || ౫౫ ||
సుభగః సర్వవిత్సౌమ్యః సిద్ధిమార్గప్రవర్తకః |
సహజానందనః సోమః సర్వశాస్త్రరహస్యవిత్ || ౫౬ ||
సమిద్ధోమప్రియః సర్వః సర్వశక్తిసుపూజితః |
సురదేవః సుదేవశ్చ సన్మార్గః సిద్ధిదర్శకః || ౫౭ ||
సర్వజిత్సర్వదిక్సాధుః సర్వధర్మసమన్వితః |
సర్వాధ్యక్షః సర్వదేవః సన్మార్గః సూచనార్థవిత్ || ౫౮ || [సర్వవేద్యః]
హారీ హరిర్హరో హృద్యో హరో హర్షప్రదో హరిః |
హఠయోగీ హఠరతో హరివాహీ హరిధ్వజః || ౫౯ ||
హరిమార్గరతో హ్రీం చ హరీతవరదాయకః |
హరీతవరదో హీనో హితకృద్ధింకృతిర్హవిః || ౬౦ || [-కృత]
హవిష్యభుగ్ఘవిష్యాశీ హరిద్వర్ణో హరాత్మకః |
హైహయేశో హ్రీంకృతిశ్చ హరమానసతోషణః || ౬౧ ||
హుంకారజపసంతుష్టో హ్రౌం బీజజపచింతితః |
హితకారీ హరిణదృగ్ఘరితో హరనాయకః || ౬౨ ||
హరిప్రియో హరిరతో హాహాశబ్దపరాయణః |
క్షేమకారిప్రియః క్షౌమ్యః క్ష్మాభృత్ క్షపణకః క్షరః || ౬౩ ||
క్షాంకారబీజనిలయః క్షమావాన్ క్షోభవర్జితః |
క్షోభహారీ క్షోభకారీ క్ష్మాబీజః క్ష్మాస్వరూపధృత్ || ౬౪ ||
క్షేంకారబీజనిరతః క్షౌమాంబరవిభూషణః |
క్షోణీపతిప్రియకరః క్షపాపాలః క్షపాకరః || ౬౫ ||
క్షేత్రజ్ఞః క్షేత్రపాలశ్చ క్షయరోగక్షయంకరః |
క్షామోదరః క్షామగాత్రః క్షయమాసః క్షయానుగః || ౬౬ ||
అభూతోఽనంతవరదో హ్యనసూయాప్రియంకరః | [అద్భుతో]
అత్రిపుత్రోఽగ్నిగర్భశ్చాప్యచ్యుతోఽనంతవిక్రమః || ౬౭ ||
ఆదిమధ్యాంతరహితశ్చాణిమాదిగుణాకరః |
అక్షరోఽనుగుణైశ్వర్యశ్చార్హేవాచ్యస్త్వహంమతిః || ౬౮ ||
ఆదిత్యోఽష్టగుణశ్చాత్మా చాధ్యాత్మప్రీతమానసః |
ఆద్యశ్చాజ్యప్రియశ్చాత్మా త్వామ్రపుష్పవిభూషణః || ౬౯ ||
ఆమ్రపుష్పప్రియః ప్రాణ ఆర్ష ఆమ్రాతకేశ్వరః |
ఇంగితజ్ఞస్తథేష్టజ్ఞ ఇష్టభూత ఇషుస్తథా || ౭౦ ||
ఇష్టాపూర్తప్రియశ్చేష్ట ఈశ్వరశ్చేశవల్లభః |
ఈకారశ్చేశ్వరాధీన ఈక్షితశ్చేశవాచకః || ౭౧ ||
ఉత్కశ్చోకారగర్భశ్చాప్యుకారాయ నమో నమః |
ఊహాపోహవినిర్ముక్తశ్చోషా చోషామణిస్తథా || ౭౨ ||
ఋద్ధికారీ ఋద్ధిరూపీ ఋద్ధిప్రావర్తకేశ్వరః |
ౠకారవర్ణభూషాఢ్య ౠకారాయ నమో నమః || ౭౩ ||
లు*కారగర్భసంయుక్త లూ*కారాయ నమో నమః |
ఏకారగర్భశ్చైకస్య ఏషశ్చైతత్ప్రవర్తకః || ౭౪ ||
ఏక ఏకాక్షరశ్చైకవీరప్రియతరాయ తే |
ఏకవీరాపతిశ్చైవ ఐం ఐం శబ్దపరాయణః || ౭౫ ||
ఐంద్రప్రియశ్చైక్యకారీ ఐం బీజజపతత్పరః |
ఓఘశ్చౌకారబీజశ్చ ఓంకారాయ నమో నమః || ౭౬ ||
ఓంకారబీజనిలయశ్చౌంకారేశ్వరపూజితః |
అంతికోఽంతిమవర్ణశ్చ అం అః వర్ణాంచితోఽంచితః || ౭౭ ||
కళంకహీనః కంకాలః క్రూరః కుక్కుటవాహనః |
కామినీవల్లభః కామీ కామార్తః కమనీయకః || ౭౮ ||
కళానిధిః కీర్తినాథః కామేశీహృదయంగమః |
కామేశ్వరః కామరూపః కాలకాలః కళానిధిః || ౭౯ ||
కృష్ణః కాశీపతిః కాలః కులచూడామణిః కరః |
కేశవః కేవలః కాంతః కాళికావరదాయకః || ౮౦ ||
కాశ్మీరసంప్రదాయజ్ఞః కాలః కామకలాత్మకః |
ఖట్వాంగపాణిః ఖాతీతః ఖరశూరః ఖరాంతకృత్ || ౮౧ ||
ఖేలనః ఖేటకః ఖడ్గః ఖడ్గనాథః ఖగేశ్వరః |
ఖేచరః ఖేచరనాథో గణనాథసహోదరః || ౮౨ ||
గాఢో గగనగంభీరో గోపాలో గూర్జరో గురుః |
గణేశో గాయకో గోప్తా గాయత్రీవల్లభో గరుత్ || ౮౩ ||
గోమతో గరుడో గౌరో గోపీశో గిరిశో గుహః |
గతిర్గమ్యో గోపనీయో గోమయో గోచరో గణః || ౮౪ ||
గోరంభాపుష్పరుచిరో గాణాపత్యో గణప్రియః |
ఘంటాకర్ణో ఘర్మరశ్మిర్ఘృణిర్ఘంటాప్రియో ఘటః || ౮౫ ||
ఘటసర్పో ఘూర్ణితశ్చ ఘృమణిర్ఘృతకంబళః |
ఘంటానినాదరుచిరో ఘృణాలజ్జావివర్జితః || ౮౬ ||
ఘృణిమంత్రజపప్రీతః ఘృతయోనిర్ఘృతప్రియః |
ఘర్ఘరో ఘోరనాదశ్చ ఘోరశాస్త్రప్రవర్తకః || ౮౭ ||
ఘనాఘనో ఘోషయుక్తో ఘోటకో ఘోటకేశ్వరః |
ఘనో ఘనరుచిర్ఘ్రాం ఘ్రీం ఘ్రూం ఘ్రైం ఘ్రౌం మంత్రరూపధృత్ || ౮౮ ||
ఘనశ్యామో ఘటజనుః ఘటోత్కీర్ణో ఘటాత్మకః |
ఘటోథ ఘుఘుకో ఘూకో చతురశ్చంచలశ్చలః || ౮౯ ||
చక్రీ చక్రధరశ్చక్రశ్చింబీజజపతత్పరః |
చండశ్చండీశ్వరశ్చారుశ్చక్రపాణిశ్చరాచరః || ౯౦ ||
చరాచరమయశ్చింతామణిశ్చింతితసారథిః |
చండరశ్మిశ్చంద్రమౌళిశ్చండీహృదయనందనః || ౯౧ ||
చక్రాంకితశ్చండదేవప్రియశ్చండాలశేఖరః |
చండశ్చండాలదమనశ్చిత్రితశ్చింతితార్థవిత్ || ౯౨ ||
చిత్రార్పితశ్చిత్రమయశ్చిద్విద్యశ్చిన్మయశ్చ చిత్ |
చిచ్ఛక్తిశ్చేతనశ్చిత్యశ్చిదాభాసశ్చిదాత్మకః || ౯౩ ||
ఛద్మచారీ ఛద్మగతిశ్ఛాత్రశ్ఛత్రప్రియచ్ఛవిః |
ఛేదకశ్ఛేదనశ్ఛందశ్ఛందః శాస్త్రవిశారదః || ౯౪ ||
ఛందోమయశ్చ ఛందజ్ఞశ్ఛందసాం పతిరిత్యపి |
ఛందశ్ఛేదశ్ఛాదనీయశ్ఛన్నశ్ఛద్మరహస్యవిత్ || ౯౫ ||
ఛత్రధారీ ఛత్రపతిశ్ఛత్రదశ్ఛత్రపాలకః |
ఛిన్నాప్రియశ్ఛిన్నమస్తశ్ఛిన్నమంత్రప్రసాదకః || ౯౬ ||
ఛిన్నతాండవసంతుష్టశ్ఛిన్నయోగవిశారదః |
జాబాలిపూజ్యో జన్మాద్యో జనితానామజాపకః || ౯౭ || [జన్మనాశకః]
జమలార్జుననిర్నాశీ జమలార్జునతాడనః |
జన్మభూమిర్జరాహీనో జామాతృవరదో జపః || ౯౮ ||
జపాపుష్పప్రియకరో జపాదాడిమరాగధృత్ |
జైనమార్గరతో జైనో జితక్రోధో జితామయః || ౯౯ ||
జూం జూం జటాభస్మధరో జటాధారో జటాధరః |
జరాధరో జరత్కారో జామిత్రవరదో జర్వః || ౧౦౦ ||
జీవనో జీవనాధారో జ్యోతిఃశాస్త్రవిశారదః |
జ్యోతిర్జ్యోత్స్నామయో జేతా జయో జన్మకృతాదరః || ౧౦౧ ||
జ్యోతిర్లింగో జ్యోతిరూపో జీమూతవరదాయకః |
జితో జేతా జన్మపారో జ్యోత్స్నాజాలప్రవర్తకః || ౧౦౨ ||
జన్మాధ్వనాశనో జీవో జీవాతుర్జీవనౌషధః |
జరాహరో జాడ్యహరో జన్మాజన్మవివర్జితః || ౧౦౩ ||
జనకో జననీనాథో జీమూతో జూం మనుర్జయః |
జపమాలీ జగన్నాథో జగత్స్థావరజంగమః || ౧౦౪ ||
జఠరో జారవిజ్జారో జఠరాగ్నిప్రవర్తకః |
జామిత్రో జైమినిప్రీతో జితశాస్త్రప్రవర్తకః || ౧౦౫ ||
జీర్ణో జీర్ణతరో జాతిర్జాతినాథో జగన్మయః |
జగత్ప్రీతో జగత్త్రాతా జగజ్జీవనకౌతుకః || ౧౦౬ ||
ఝరిర్ఝర్ఝురికో ఝంఝావాయుర్ఝింఝింకృజ్ఝింకృతిః |
జ్ఞానేశ్వరో జ్ఞానగమ్యో జ్ఞానమార్గపరాయణః || ౧౦౭ ||
జ్ఞానకాండీ జ్ఞేయకాండీ జ్ఞేయో జ్ఞేయవివర్జితః |
టంకాస్త్రధారీ టిత్కారష్టీకాటిప్పణకారకః || ౧౦౮ ||
టాం టీం టూం జపసంతుష్టష్టిట్టిభష్టిట్టిభాసనః |
టిట్టిభానంత్యసహితష్టకారాక్షరభూషితః || ౧౦౯ ||
టకారకారీ టాసిద్ధష్టమూర్తిష్టాకృతిష్టదః |
ఠాకురష్ఠకురష్ఠంఠష్ఠఠబీజార్థవాచకః || ౧౧౦ ||
ఠాం ఠీం ఠూం జపయోగాఢ్యో డామరో డాకినీమయః |
డాకినీనాయకో డాం డీం డూం డైం శబ్దపరాయణః || ౧౧౧ ||
డకారాత్మా డామయశ్చ డామరీశక్తిరంజితః |
డాకరో డాంకరో డిం డిం డిం డిం వాదనతత్పరః || ౧౧౨ ||
డకారాఢ్యో డాంకహీనో డమరూవాద్యతత్పరః |
డామరేశో డాంకనాథో ఢక్కావాదనతత్పరః || ౧౧౩ ||
ఢాంకృతిర్ఢపతిర్ఢాం ఢీం ఢూం ఢైం ఢౌం శబ్దతత్పరః |
ఢీఢీభూషణభూషాఢ్యో ఢీం ఢీం పాలో ఢపారజః || ౧౧౪ ||
తరస్థస్తరమధ్యస్థః తరదంతరమధ్యగః |
తారకస్తారతమ్యశ్చ తరనాథస్తనాస్తనః || ౧౧౫ ||
తరుణస్తామ్రచూడశ్చ తమిస్రానాయకస్తమీ |
తోత్రదస్తాలదస్తీవ్రస్తీవ్రవేగస్తశబ్దధృత్ || ౧౧౬ ||
తాలీమతస్తాలధరస్తపఃసారస్త్రపాకరః |
తంత్రమార్గరతస్తంత్రీ తాంత్రికస్తాంత్రికోత్తమః || ౧౧౭ ||
తుషారాచలమధ్యస్థస్తుషారవనభూషణః |
తుర్యస్తుంబీఫలప్రాణస్తులజాపురనాయకః || ౧౧౮ ||
తీవ్రయజ్ఞకరస్తీవ్రమూఢయజ్ఞసమాజగః |
త్రివర్గయజ్ఞదస్తారస్త్ర్యంబకస్త్రిపురాంతకః || ౧౧౯ ||
త్రిపురాంతస్త్రిసంహారకారకస్తైత్తిరీయకః |
త్రిలోకముద్రికాభూషస్త్రిపంచన్యాససంయుతః || ౧౨౦ ||
త్రిషుగ్రంధిస్త్రిమాత్రశ్చ త్రిశిరస్త్రిముఖస్త్రికః |
త్రయీమయశ్చ త్రిగుణః త్రిపాదశ్చ త్రిహస్తకః || ౧౨౧ ||
తంత్రిరూపస్త్రికోణేశస్త్రికాలజ్ఞస్త్రయీమయః |
త్రిసంధ్యశ్చ త్రితారశ్చ తామ్రపర్ణీజలప్రియః || ౧౨౨ ||
తోమరస్తుములస్తూలస్తూలాపురుషరూపధృత్ |
తరీ తంత్రీ తంత్రితంత్రీ తృతీయస్తరుశేఖరః || ౧౨౩ ||
తరుణేందుశిరాస్తాపస్త్రిపథాతోయశేఖరః |
త్రిబీజేశస్త్రిస్వరూపస్తితీశబ్దపరాయణః || ౧౨౪ ||
తారనాయకభూషశ్చ తితీవాదనచంచలః |
తీక్ష్ణస్త్రైరాశికస్త్ర్యక్షస్తారస్తాటంకవాదనః || ౧౨౫ ||
తృతీయస్తారకస్తంభస్తంభమధ్యకృతాదరః |
తత్త్వరూపస్తలస్తాలస్తోలకస్తంత్రభూషణః || ౧౨౬ ||
తతస్తోమమయః స్తౌత్య స్థూలబుద్ధిస్త్రపాకరః |
తుష్టిస్తుష్టిమయః స్తోత్రపాఠః స్తోత్రరతస్తృటీ || ౧౨౭ ||
త్రిశరాశ్చ త్రిబిందుశ్చ తీవ్రాస్తారస్త్రయీగతిః |
త్రికాలజ్ఞస్త్రికాలశ్చ త్రిజన్మా చ త్రిమేఖలః || ౧౨౮ ||
త్రిదోషఘ్నస్త్రివర్గశ్చ త్రైకాలికఫలప్రదః |
తత్త్వశుద్ధస్తత్త్వమంత్రస్తత్త్వమంత్రఫలప్రదః || ౧౨౯ ||
త్రిపురారిస్త్రిమధురస్త్రిశక్తీశస్త్రితత్త్వధృత్ |
తీర్థప్రీతస్తీర్థరతస్తీర్థోదానపరాయణః || ౧౩౦ ||
త్రిమల్లేశస్త్రింత్రిణీశస్తీర్థశ్రాద్ధఫలప్రదః |
తీర్థభూమిరతస్తీర్థీ తిత్తిరీఫలభోజనః || ౧౩౧ ||
తిత్తిరీఫలభూషాఢ్యస్తామ్రనేత్రవిభూషితః |
తక్షః స్తోత్రమయః స్తోత్రః స్తోత్రప్రీతః స్తుతిప్రియః || ౧౩౨ ||
స్తవరాజప్రియప్రాణః స్తవరాజజపప్రియః |
తేమనాన్నప్రియస్తిగ్మస్తిగ్మరశ్మిస్తిథిప్రియః || ౧౩౩ ||
తైలప్రీతస్తైలమాలాస్తైలభోజనతత్పరః |
తైలదీపప్రియస్తైలమర్దకానంతశక్తిధృత్ || ౧౩౪ ||
తైలపక్వాన్నసంతుష్టస్తిలచర్వణలాలసః |
తైలాభిషేకసంతుష్టస్తిలతర్పణతత్పరః || ౧౩౫ ||
తిలాహారప్రియప్రాణస్తిలమోదకతోషణః |
తిలపిష్టాన్నభోజీ చ తిలపర్వతరూపధృత్ || ౧౩౬ ||
తిలదానప్రియశ్చైవ తిలహోమప్రాసాదకః |
తిలవ్రతప్రియప్రాణస్తిలమిశ్రాన్నభోజనః || ౧౩౭ ||
తిలదానస్తిలానందస్తిలభోజీతిలప్రియః |
తిలభక్షప్రియశ్చైవ తిలభోగరతస్తథా || ౧౩౮ ||
థకారకూటనిలయః థైథైథైశబ్దతత్పరః |
థిమీథిమీథిమీరూపః థైథైథైనాట్యనాయకః || ౧౩౯ ||
ఉత్తరపీఠికా –
స్థాణురూపో మహేశాని ప్రోక్తం నామసహస్రకమ్ |
గోప్యాద్గోప్యం మహేశాని సారాత్ సారతరం పరమ్ || ౧౪౦ ||
జ్ఞానకైవల్యనామాఖ్యం నామసాహస్రకం శివే |
యః పఠేత్ ప్రయతో భూత్వా భస్మభూషితవిగ్రహః || ౧౪౧ ||
రుద్రాక్షమాలాభరణో భక్తిమాన్ జపతత్పరః |
సహస్రనామ ప్రపఠేత్ జ్ఞానకైవల్యకాభిధమ్ || ౧౪౨ ||
సర్వసిద్ధిమవాప్నోతి సాక్షాత్కారం చ విందతి |
యస్యైకవారపఠనం కిం తస్య నరకే స్థితమ్ || ౧౪౩ ||
ప్రాతర్మధ్యాహ్నకాలే చ సంధ్యాయాం చ విశేషతః |
అనంతమహిమాఖ్యం చ జ్ఞానకైవలకాభిధమ్ || ౧౪౪ ||
స్తౌతి శ్రీదక్షిణామూర్తిం శాస్త్రవిధిం చ విందతి |
తత్త్వముద్రాం వామకరే కృత్వా నామసహస్రకమ్ || ౧౪౫ ||
ప్రపఠేత్పంచసాహస్రం పురశ్చరణముచ్యతే |
చతుర్దశ్యామథాష్టమ్యాం ప్రదోషే చ విశేషతః || ౧౪౬ ||
శనిప్రదోషే దేవేశి తథా సోమస్య వాసరే |
నక్తభోజీ హవిష్యాశీ నామసాహస్రపాఠకః || ౧౪౭ ||
సర్వసిద్ధిమవాప్నోతి చాంతే కైవల్యమశ్నుతే |
శివనామ్నా జాతభోధో వాఙ్మనః కాయకర్మభిః || ౧౪౮ ||
శివోఽహమితి వై ధ్యాయన్ నామసాహస్రకం పఠేత్ |
సర్వసిద్ధిమవాప్నోతి సర్వశాస్త్రార్థవిద్భవేత్ || ౧౪౯ ||
రాజ్యార్థీ రాజ్యమాప్నోతి ధనార్థీ ధనమక్షయమ్ |
యశోఽర్థీ కీర్తిమాప్నోతి నామసాహస్రపాఠకః || ౧౫౦ ||
రోగార్తో ముచ్యతే రోగాద్బద్ధో ముచ్యేత బంధనాత్ |
అగ్నిః స్తంభం జలస్తంభం వాయుస్తంభం వివస్వతః || ౧౫౧ ||
గతేస్తంభం కరోత్యేవ నాత్ర కార్యా విచారణా |
అభిమంత్ర్య జలం దేవి మాతృకాబీజయోగతః || ౧౫౨ ||
అయుతం ప్రజపేద్దేవి తతో నామసహస్రకమ్ |
ప్రపఠేత్ పరమేశాని సర్వవాక్సిద్ధిమాప్నుయాత్ || ౧౫౩ ||
జలపానవిధానేన యత్కార్యం జాయతే శృణు |
ఆదౌ మంత్రశతం జప్త్వా తతో నామ సహస్రకమ్ || ౧౫౪ ||
పునః శతం జపేన్మంత్రం జలం చానేన మంత్రయేత్ |
త్రివారమేవం కృత్వా తు నిత్యం స్యాజ్జలపానకః || ౧౫౫ ||
జలపానవిధానేన మూకోఽపి సుకవిర్భవేత్ |
వినాఽఽయాసైర్వినాఽఽభ్యాసైర్వినా పాఠాదిభిః ప్రియే || ౧౫౬ ||
చతుర్విధం చ పాండిత్యం తస్య హస్తగతం ప్రియే |
సర్వత్ర జయమాప్నోతి మంత్రసిద్ధిం చ విందతి || ౧౫౭ ||
రుద్రవారం జపేన్నిత్యం ఏకవింశదినం ప్రియే |
సర్వత్ర జయమాప్నోతి నాత్ర కార్యా విచారణా || ౧౫౮ ||
అథవా దేవదేవేశి పఠేన్నామసహస్రకమ్ |
యత్కృత్వా దేవదేవేశి కిం తద్యన్న కరోతి హి || ౧౫౯ ||
గోమూత్రజం చరుం కృత్వా త్రిసహస్రం మనుం జపేత్ |
తదంతే నామసాహస్రం తావద్వారం జపేచ్ఛివే || ౧౬౦ ||
మాసమాత్రప్రయోగేణ రాజరాజసమో భవేత్ |
క్రమవృద్ధ్యా కుంభకాని మంత్రాణాం శతసంఖ్యయా || ౧౬౧ ||
కృత్వా యః ప్రపఠేద్దేవి న సాధ్యం తస్య విద్యతే |
బ్రహ్మచర్యరతో మంత్రీ మధూకరపరాయణః || ౧౬౨ ||
సహస్రం ప్రజపేన్నిత్యం తతో నామ సహస్రకమ్ |
ప్రపఠేత్ పరమేశాని సాక్షాచ్ఛివసమో భవేత్ || ౧౬౩ ||
గురుభక్తాయ దాతవ్యం నాభక్తాయ కదాచన |
పరనిందా పరద్రోహి పరవాదరతాయ చ || ౧౬౪ ||
పరస్త్రీనిరతయా చ న దేయం సర్వదా ప్రియే |
శిష్యాయ గురుభక్తాయ శివాద్వైతపరాయ చ || ౧౬౫ ||
ఉపాసకాయ దేయం హి నాన్యథా నశ్యతి ధృవమ్ |
గోపనీయం గోపనీయం గోపనీయం ప్రయత్నతః || ౧౬౬ ||
స్వయోనిరివ గోప్తవ్యం న దేయం యస్య కస్య తు |
ఇతి సంక్షేపతః ప్రోక్తం కిమన్యచ్ఛ్రోతుమిచ్ఛసి || ౧౬౭ ||
ఇతి శ్రీచిదంబరనటతంత్రే ఉమామహేశ్వరసంవాదే శ్రీ దక్షిణామూర్తి సహస్రనామ స్తోత్రమ్ ||
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
