Read in తెలుగు / ಕನ್ನಡ / தமிழ் / देवनागरी / English (IAST)
ముద్రాక్షమాలా మృతపాత్రవిద్యా
వ్యాఘ్రాజినార్ధేందుఫణీంద్రయుక్తమ్ |
యోగీంద్రపర్జన్య మనః సరోజ-
-భృంగం భజేఽహం హృది దక్షిణాస్యమ్ || ౧ ||
స్ఫుటవటనికటస్థం స్తూయమానావభాసం
పటుభుజతటబద్ధవ్యాఘ్రచర్మోత్తరీయమ్ |
చటులనిటలనేత్రం చంద్రచూడం మునీశం
స్ఫటికపటలదేహం భావయే దక్షిణాస్యమ్ || ౨ ||
ఆవాహయే సుందరనాగభూషం
విజ్ఞానముద్రాంచిత పంచశాఖమ్ |
భస్మాంగరాగేణ విరాజమానం
శ్రీదక్షిణామూర్తి మహాత్మరూపమ్ || ౩ ||
సువర్ణరత్నామలవజ్రనీల-
-మాణిక్యముక్తామణియుక్తపీఠే |
స్థిరో భవ త్వం వరదో భవ త్వం
సంస్థాపయామీశ్వర దక్షిణాస్యమ్ || ౪ ||
శ్రీజాహ్నవీనిర్మలతోయమీశ
చార్ఘ్యార్థమానీయ సమర్పయిష్యే |
ప్రసన్నవక్త్రాంబుజలోకవంద్య
కాలత్రయేహం తవ దక్షిణాస్యమ్ || ౫ ||
కస్తూరికామిశ్రమిదం గృహాణ
రుద్రాక్షమాలాభరణాంకితాంగ |
కాలత్రయాబాధ్యజగన్నివాస
పాద్యం ప్రదాస్యే హృది దక్షిణాస్యమ్ || ౬ ||
ముదాహమానంద సురేంద్రవంద్య
గంగానదీతోయమిదం హి దాస్యే |
తవాధునా చాచమనం కురుష్వ
శ్రీదక్షిణామూర్తి గురుస్వరూప || ౭ ||
సర్పిః పయో దధి మధు శర్కరాభిః ప్రసేచయే |
పంచామృతమిదం స్నానం దక్షిణాస్య కురు ప్రభో || ౮ ||
వేదాంతవేద్యాఖిలశూలపాణే
బ్రహ్మామరోపేంద్రసురేంద్రవంద్య |
స్నానం కురుష్వామలగాంగతోయే
సువాసితేస్మిన్ కురు దక్షిణాస్య || ౯ ||
కౌశేయవస్త్రేణ చ మార్జయామి
దేవేశ్వరాంగాని తవామలాని |
ప్రజ్ఞాఖ్యలోకత్రితయప్రసన్న
శ్రీదక్షిణాస్యాఖిలలోకపాల || ౧౦ ||
సువర్ణతంతూద్భవమగ్ర్యమీశ
యజ్ఞోపవీతం పరిధత్స్వదేవ |
విశాలబాహూదరపంచవక్త్ర
శ్రీదక్షిణామూర్తి సుఖస్వరూప || ౧౧ ||
కస్తూరికాచందనకుంకుమాది-
-విమిశ్రగంధం మణిపాత్రసంస్థమ్ |
సమర్పయిష్యామి ముదా మహాత్మన్
గౌరీమనోవస్థితదక్షిణాస్య || ౧౨ ||
శుభ్రాక్షతైః శుభ్రతిలైః సుమిశ్రైః
సంపూజయిష్యే భవతః పరాత్మన్ |
తదేకనిష్ఠేన సమాధినాథ
సదాహమానంద సుదక్షిణాస్య || ౧౩ ||
సురత్నదాంగేయ కిరీటకుండలం
హారాంగుళీకంకణమేఖలావృతమ్ |
ఖండేందుచూడామృతపాత్రయుక్తం
శ్రీదక్షిణామూర్తిమహం భజామి || ౧౪ ||
ముక్తామణిస్థాపితకర్బురప్ర-
-సూనైః సదాహం పరిపూజయిష్యే |
కుక్షిప్రపుష్టాఖిలలోకజాల
శ్రీదక్షిణామూర్తి మహత్ స్వరూపమ్ || ౧౫ ||
దశాంగధూపం పరికల్పయామి
నానాసుగంధాన్వితమాజ్యయుక్తమ్ |
మేధాఖ్య సర్వజ్ఞ బుధేంద్రపూజ్య
దిగంబర స్వీకురు దక్షిణాస్య || ౧౬ ||
ఆజ్యేన సంమిశ్రమిమం ప్రదీపం
వర్తిత్రయేణాన్వితమగ్నియుక్తమ్ |
గృహాణ యోగీంద్ర మయార్పితం భో
శ్రీదక్షిణామూర్తిగురో ప్రసీద || ౧౭ ||
శాల్యోదనం నిర్మలసూపశాక-
-భక్ష్యాజ్యసంయుక్తదధిప్రసిక్తమ్ |
కపిత్థ సద్రాక్షఫలైశ్చ చూతైః
సాపోశనం భక్షయ దక్షిణాస్య || ౧౮ ||
గుడాంబు సత్సైంధవయుక్తతక్రం
కర్పూరపాటీర లవంగయుక్తమ్ |
యజ్ఞేశ కామాంతక పుణ్యమూర్తే
పిబోదకం నిర్మల దక్షిణాస్య || ౧౯ ||
ఖమార్గనిర్యజ్జలమాశు దేవ
కురూత్తరాపోశనమభ్రకేశ |
ప్రక్షాళనం పాణియుగస్య శర్వ
గండూషమాపాదయ దక్షిణాస్య || ౨౦ ||
సమ్యగ్జలేనాచమనం కురుష్వ
స్వస్థో భవ త్వం మమ చాగ్రభాగే |
చిదాకృతే నిర్మలపూర్ణకామ
వినిర్మితం పావన దక్షిణాస్య || ౨౧ ||
తాంబూలమద్య ప్రతిసంగృహాణ
కర్పూరముక్తామణిచూర్ణయుక్తమ్ |
సుపర్ణపర్ణాన్వితపూగఖండ-
-మనేకరూపాకృతి దక్షిణాస్య || ౨౨ ||
నీరాజనం నిర్మలపాత్రసంస్థం
కర్పూరసందీపితమచ్ఛరూపమ్ |
కరోమి వామేశ తవోపరీదం
వ్యోమాకృతే శంకర దక్షిణాస్య || ౨౩ ||
తతః పరం దర్పణమీశ పశ్య
స్వచ్ఛం జగద్దీపితచక్రభాస్వత్ |
మాణిక్య ముక్తా మణి హేమ నీల
వినిర్మితం పావన దక్షిణాస్య || ౨౪ ||
మందారపంకేరుహకుందజాజీ-
-సుగంధపుష్పాంజలిమర్పయామి |
త్రిశూల ఢక్కాంచిత పాణియుగ్మ
తే దక్షిణామూర్తి విరూపధారిన్ || ౨౫ ||
ప్రదక్షిణం సమ్యగహం కరిష్యే
కాలత్రయే త్వాం కరుణాభిరామమ్ |
శివామనోనాథ మమాపరాధం
క్షమస్వ యజ్ఞేశ్వర దక్షిణాస్య || ౨౬ ||
నమో నమః పాపవినాశనాయ
నమో నమః కంజభవార్చితాయ |
నమో నమః కృష్ణహృదిస్థితాయ
శ్రీదక్షిణామూర్తి మహేశ్వరాయ || ౨౭ ||
ఇతి శ్రీవిజ్ఞానేంద్ర విరచితం శ్రీ దక్షిణామూర్తి మానసిక పూజా స్తోత్రమ్ ||
మరిన్ని శ్రీ శివ స్తోత్రాలు చూడండి. మరిన్ని శ్రీ దక్షిణామూర్తి స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
