Read in తెలుగు / ಕನ್ನಡ / தமிழ் / देवनागरी / English (IAST)
śrīkaṇṭhamindvarbhakabhāsicūḍaṁ
śrījñānadānavratabaddhadīkṣam |
śrīśāmbujanmaprabhavādipūjyaṁ
śrīdakṣiṇāsyaṁ hr̥di bhāvayē:’ham || 1 ||
harantamānamrajanānutāpaṁ
hayēbhavaktrēḍitapādapadmam |
hr̥dā munīndraiḥ paricintyamānaṁ
śrīdakṣiṇāsyaṁ hr̥di bhāvayē:’ham || 2 ||
hastābjarājadvarapustamudrā-
-muktākṣamālāmr̥tapūrṇakumbham |
hariddhavākāṅkṣitapādasēvaṁ
śrīdakṣiṇāsyaṁ hr̥di bhāvayē:’ham || 3 ||
haṁsāgnicandrēkṣaṇamandhakāri-
-mākāranirdhūtamanōjagarvam |
hr̥tādimājñānamagōdbhavēśaṁ
śrīdakṣiṇāsyaṁ hr̥di bhāvayē:’ham || 4 ||
hatvā purā kālamakharvagarvaṁ
mr̥kaṇḍusūnōḥ parirakṣaṇaṁ yaḥ |
cakāra kāruṇyavaśāttamēnaṁ
śrīdakṣiṇāsyaṁ hr̥di bhāvayē:’ham || 5 ||
hr̥tvā tamaḥ satvaramēva hārdaṁ
datvā ca bōdhaṁ paramārthasaṁstham |
mōkṣaṁ dadātyāśu natāya yastaṁ
śrīdakṣiṇāsyaṁ hr̥di bhāvayē:’ham || 6 ||
hasanmukhāmbhōruhamindukunda-
-nīkāśadantāvaliśōbhamānam |
radāmbarādhaḥkr̥tapakvabimbaṁ
śrīdakṣiṇāsyaṁ hr̥di bhāvayē:’ham || 7 ||
hēlālavānnirmitaviśvabr̥ndaṁ
bālāruṇābhāṅghriyugaṁ dayālum |
paśyantamutsaṅgagataṁ ṣaḍāsyaṁ
śrīdakṣiṇāsyaṁ hr̥di bhāvayē:’ham || 8 ||
hrīmānbhavēddēvagururyadīya-
-pādābjasaṁsēvakalōkavācā |
taṁ divyavāgdānadhurīṇamāśu
śrīdakṣiṇāsyaṁ hr̥di bhāvayē:’ham || 9 ||
hārāyitāhīśamanaṅgagarva-
-bhaṅgapragalbhānpraṇatānaśēṣān |
kurvantamiṣṭapradamaṣṭamūrtiṁ
śrīdakṣiṇāsyaṁ hr̥di bhāvayē:’ham || 10 ||
harirjahārācalakanyakā ca
yadvarṣmaṇō:’rdhaṁ tapasā hi pūrvam |
atō:’śarīraṁ tamaśēṣasaṁsthaṁ
śrīdakṣiṇāsyaṁ hr̥di bhāvayē:’ham || 11 ||
hanyādaśēṣaṁ kaluṣaṁ yadaṅghri-
-pūjā pradadyādapi sarvamiṣṭam |
taṁ pārvatīmānasarājahaṁsaṁ
śrīdakṣiṇāsyaṁ hr̥di bhāvayē:’ham || 12 ||
haṭhādiyōgān pravidhāya citta-
-sthairyaṁ prapadyāṅghriyugaṁ yadīyam |
dhyāyanti yōgipravarā mudā taṁ
śrīdakṣiṇāsyaṁ hr̥di bhāvayē:’ham || 13 ||
hitōpadēṣṭā dayayā natānāṁ
nisargayā yō yamināṁ javāddhi |
nyagrōdhamūlaikanikētanaṁ taṁ
śrīdakṣiṇāsyaṁ hr̥di bhāvayē:’ham || 14 ||
hatāriṣaṭkairanubhūyamānaṁ
nitāntamānandaghanasvarūpam |
natāparādhānsahamānamīśaṁ
śrīdakṣiṇāsyaṁ hr̥di bhāvayē:’ham || 15 ||
hitvā dhanāpatyakalatrabandhūn
dattvābhayaṁ bhūtatatērdvijāgryāḥ |
yaṁ yānti lōkē śaraṇaṁ sadā taṁ
śrīdakṣiṇāsyaṁ hr̥di bhāvayē:’ham || 16 ||
hr̥dambujātē vinivēśya cittaṁ
nirudhya cakṣuḥpramukhākṣavargam |
dhyāyanti yaṁ śailasutāyutaṁ taṁ
śrīdakṣiṇāsyaṁ hr̥di bhāvayē:’ham || 17 ||
hāsaprabhānirjitabhābhimānaṁ
prāsārthajuṣṭāṁ kavitāṁ diśantam |
natōttamāṅgēṣu karaṁ dadhānaṁ
śrīdakṣiṇāsyaṁ hr̥di bhāvayē:’ham || 18 ||
haiyyaṅgavīnaṁ hr̥dayamradimnā
svarēṇa haṁsaṁ caraṇēna padmam |
hasantamaṁsāgralasajjaṭālaṁ
śrīdakṣiṇāsyaṁ hr̥di bhāvayē:’ham || 19 ||
harērvidhēścaiva vivādaśāntyai
liṅgātmanā yaḥ prababhūva pūrvam |
tamādimadhyāntavihīnarūpaṁ
śrīdakṣiṇāsyaṁ hr̥di bhāvayē:’ham || 20 ||
hutāśanādityamahīpramukhyā
yasyāṣṭamūrtīrnijagāda vēdaḥ |
taṁ sarvalōkāvanasaktacittaṁ
śrīdakṣiṇāsyaṁ hr̥di bhāvayē:’ham || 21 ||
hastyantalakṣmīmapi dīnavaryaḥ
prāpnōti yatpādasarōjanatyā |
taṁ kalpavallīmadabhaṅgadakṣaṁ
śrīdakṣiṇāsyaṁ hr̥di bhāvayē:’ham || 22 ||
hayāgryamāruhya gajōttamaṁ vā
samētya yatpādayugārcakāya |
yacchanti rājyaṁ dharaṇīdhavāstaṁ
śrīdakṣiṇāsyaṁ hr̥di bhāvayē:’ham || 23 ||
havīṁṣi sañjuhvati bhūsurāgryāḥ
kālēṣu vahnau yadanugrahārtham |
karmānuguṇyēna phalapradaṁ taṁ
śrīdakṣiṇāsyaṁ hr̥di bhāvayē:’ham || 24 ||
hētyā lalāṭasthaśucērmahāgha-
-vanaṁ dahantaṁ tarasaiva mōdāt |
kurvantamārānnatacittaśuddhiṁ
śrīdakṣiṇāsyaṁ hadi bhāvayē:’ham || 25 ||
hēmāśmanōḥ sāmyamatiṁ karōti
yatpādapāthōruhasaktacittaḥ |
vairāgyadānaikadhurandharaṁ taṁ
śrīdakṣiṇāsyaṁ hr̥di bhāvayē:’ham || 26 ||
hālāsyagōkarṇamukhēṣu divya-
-kṣētrēṣu vāsaṁ kr̥payā karōti |
yaḥ pādanamrōddhatayē sadā taṁ
śrīdakṣiṇāsyaṁ hr̥di bhāvayē:’ham || 27 ||
haṁsēna kēnāpi parādinēmāṁ
kr̥tāṁ prayatnādatimōdataśca |
nakṣatramālāṁ dadhatāṁ narāṇāṁ
kaṇṭhē bhaviṣyatyacirātparāptiḥ || 28 ||
iti śrījagadguru śrīsaccidānanda śivābhinava nr̥siṁha bhāratī svāmibhiḥ viracitaṁ śrī dakṣiṇāsya nakṣatramālā stōtram |
See more śrī śiva stotras for chanting. See more śrī dakṣiṇāmūrti stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
