Read in తెలుగు / ಕನ್ನಡ / தமிழ் / देवनागरी / English (IAST)
(ధన్యవాదః – శ్రీ పీ.వీ.ఆర్.నరసింహా రావు మహోదయః)
జ్యోతీశ దేవ భువనత్రయ మూలశక్తే
గోనాథ భాసుర సురాదిభిరీడ్యమాన |
నౄణాంశ్చ వీర్యవరదాయక ఆదిదేవ
ఆదిత్య వేద్య మమ దేహి కరావలంబమ్ || ౧ ||
నక్షత్రనాథ సుమనోహర శీతలాంశో
శ్రీభార్గవీప్రియసహోదర శ్వేతమూర్తే |
క్షీరాబ్ధిజాత రజనీకర చారుశీల
శ్రీమచ్ఛశాంక మమ దేహి కరావలంబమ్ || ౨ ||
రుద్రాత్మజాత బుధపూజిత రౌద్రమూర్తే
బ్రహ్మణ్య మంగళ ధరాత్మజ బుద్ధిశాలిన్ |
రోగార్తిహార ఋణమోచక బుద్ధిదాయిన్
శ్రీభూమిజాత మమ దేహి కరావలంబమ్ || ౩ ||
సోమాత్మజాత సురసేవిత సౌమ్యమూర్తే
నారాయణప్రియ మనోహర దివ్యకీర్తే |
ధీపాటవప్రద సుపండిత చారుభాషిన్
శ్రీసౌమ్యదేవ మమ దేహి కరావలంబమ్ || ౪ ||
వేదాంతధీతిపరిషిక్త బుధాదివేద్య
బ్రహ్మాదివందిత గురో సురసేవితాంఘ్రే |
యోగీశ బ్రహ్మగుణభూషిత విశ్వయోనే
వాగీశ దేవ మమ దేహి కరావలంబమ్ || ౫ ||
ఉల్లాసదాయక కవే భృగువంశజాత
లక్ష్మీసహోదర కళాత్మక భాగ్యదాయిన్ |
కామాదిరాగకర దైత్యగురో సుశీల
శ్రీశుక్రదేవ మమ దేహి కరావలంబమ్ || ౬ ||
ద్వేషైషణారహిత శాశ్వత కాలరూప
ఛాయాసునందన యమాగ్రజ క్రూరచేష్ట |
కష్టాద్యనిష్టకర ధీవర మందగామిన్
మార్తాండజాత మమ దేహి కరావలంబమ్ || ౭ ||
మార్తాండపూర్ణశశిమర్దక రౌద్రవేష
సర్పాధినాథ సురభీకర దైత్యజన్మ |
గోమేధికాభరణభాసిత భక్తిదాయిన్
శ్రీరాహుదేవ మమ దేహి కరావలంబమ్ || ౮ ||
ఆదిత్యసోమపరిపీడక చిత్రవర్ణ
హే సింహికాతనయ వీర భుజంగనాథ |
మందస్య ముఖ్యసఖ ధీవర ముక్తిదాయిన్
శ్రీకేతుదేవ మమ దేహి కరావలంబమ్ || ౯ ||
మార్తాండ చంద్ర కుజ సౌమ్య బృహస్పతీనాం
శుక్రస్య భాస్కరసుతస్య చ రాహుమూర్తేః |
కేతోశ్చ యః పఠతి భూరి కరావలంబ-
-స్తోత్రం స యాతు సకలాంశ్చ మనోరథారాన్ || ౧౦ ||
ఇతి శ్రీనరసింహరావ్ శర్మ కృత నవగ్రహ కరావలంబ స్తోత్రమ్ |
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
