Read in తెలుగు / ಕನ್ನಡ / தமிழ் / देवनागरी / English (IAST)
అథ శివసఙ్కల్పాః ||
యేనే॒దం భూ॒తం భువ॑నం భవి॒ష్యత్ పరి॑గృహీతమ॒మృతే॑న॒ సర్వ”మ్ |
యేన॑ య॒జ్ఞస్తా॑యతే స॒ప్తహో॑తా॒ తన్మే॒ మన॑: శి॒వస॑ఙ్క॒ల్పమ॑స్తు || ౧
// (శు.య.వే.౩౪-౪, ఋ.వే.ఖి.౪-౧౧-౬) యేన, ఇదం, భూతం, భువనం, భవిష్యత్, పరి-గృహీతం, అమృతేన, సర్వం, యేన, యజ్ఞః, తాయతే, సప్తహోతః, తత్, మే, మనః, శివసంకల్పం, అస్తు //
యేన॒ కర్మా॑ణి ప్ర॒చర॑న్తి॒ ధీరా॒ యతో॑ వా॒చా మన॑సా॒ చారు॒యన్తి॑ |
యత్సమ్మి॑త॒o మన॑: స॒ఞ్చర॑న్తి॒ ప్రా॒ణిన॒స్తన్మే॒ మన॑: శి॒వస॑ఙ్క॒ల్పమ॑స్తు || ౨
// యేన, కర్మాణి, ప్రచరన్తి, ధీరాః, యతో, వాచా, మనసా, చారుయన్తి, యత్, సమ్మితం, మనః, సంచరన్తి, ప్రాణినః, తత్, మే, మనః, శివసంకల్పం, అస్తు //
యేన॒ కర్మా”ణ్య॒పసో॑ మనీ॒షిణో॑ య॒జ్ఞే శృ॑ణ్వన్తి వి॒దథే॑షు॒ ధీరా”: |
యద॑పూ॒ర్వం యక్ష॒మన్త॑: ప్ర॒జానా॒o తన్మే॒ మన॑: శి॒వస॑ఙ్క॒ల్పమ॑స్తు || ౩
// యేన, కర్మాణి, అపసో, మనీషిణో, యజ్ఞే, శృణ్వన్తి, విదథేషు, ధీరాః, యత్, అపూర్వం, యక్షమన్తం, ప్రజానాం, తత్, మే, మనః, శివసంకల్పం, అస్తు //
యత్ప్ర॒జ్ఞాన॑ము॒త చేతో॒ ధృతి॑శ్చ॒ యజ్జ్యోతి॑ర॒న్తర॒మృత॑o ప్ర॒జాసు॑ |
యస్మా॒న్న ఋ॒తే కిం చ॒ న కర్మ॑ క్రి॒యతే॒ తన్మే॒ మన॑: శి॒వస॑ఙ్క॒ల్పమ॑స్తు || ౪
// యత్, ప్ర-జ్ఞానం, ఉత, చేతో, ధృతిః, చ, యత్, జ్యోతిః, అన్తః, అమృతం, ప్రజాసు, యస్మాన్, న, ఋతే, కిం, చ, న, కర్మ, క్రియతే, తత్, మే, మనః, శివసంకల్పం, అస్తు //
సు॒షా॒ర॒థిరశ్వా॑నివ॒ యన్మ॑ను॒ష్యా”న్నేనీ॒యతే॑ఽభీ॒శుభి॑ర్వా॒జిన॑ ఇవ |
హృ॒త్ప్ర॒తి॒ష్ఠం యదచ॑ర॒o జవి॑ష్ఠ॒o తన్మే॒ మన॑: శి॒వస॑ఙ్క॒ల్పమ॑స్తు || ౫
// (శు.య.వే.౩౪-౬, ఋ.వే.ఖి.౪-౧౧-౬) సు-సారథిః, అశ్వాన్, ఇవ, యత్, మనుష్యాన్, నేనీయతే, అభీశు-భిః, వాజినః, ఇవ, హృత్-ప్రతిష్ఠం, యత్, అజితం, జవిష్ఠం, తత్, మే, మనః, శివసంకల్పం, అస్తు //
యస్మి॒న్నృచ॒: సామ॒ యజూగ్॑oషి॒ యస్మి॒న్ ప్రతి॑ష్ఠితా రథనా॒భావి॑వా॒రాః |
యస్మిగ్గ్॑శ్చి॒త్తగ్ం సర్వ॒మోత॑o ప్ర॒జానా॒o తన్మే॒ మన॑: శి॒వస॑ఙ్క॒ల్పమ॑స్తు || ౬
// (శు.య.వే.౩౪-౫, ఋ.వే.ఖి.౪-౧౧-౫) యస్మిన్, ఋచః, సామ, యజూంషి, యస్మిన్, ప్రతిష్ఠితా, రథనాభౌ, ఇవ, అరాః, యస్మిన్, చిత్తం, సర్వం, ఆ-ఉతం, ప్ర-జనాం, తత్, మే, మనః, శివసంకల్పం, అస్తు //
యదత్ర॑ ష॒ష్ఠం త్రి॒శతగ్॑o సు॒వీర్య॑o య॒జ్ఞస్య॑ గు॒హ్యం నవ॑నావ॒ మాయ్య”మ్ |
దశ॑ పఞ్చ త్రి॒గ్॒oశత॒o యత్ప॑ర॒o తన్మే॒ మన॑: శి॒వస॑ఙ్క॒ల్పమ॑స్తు || ౭
// యత్, అత్ర, షష్ఠం, త్రిశతం, సు-వీర్యం, యజ్ఞస్య, గుహ్యం, నవ-నావ, మాయ్యం, దశ, పఞ్చ, త్రింశతం, యత్, పరం, తత్, మే, మనః, శివసంకల్పం, అస్తు //
యజ్జాగ్ర॑తో దూ॒రము॒దైతి॒ సర్వ॒o తథ్సు॒ప్తస్య॑ తథై॒వైతి॑ |
దూ॒ర॒o గ॒మం జ్యోతి॑షా॒o జ్యోతి॒రేక॒o తన్మే॒ మన॑: శి॒వస॑ఙ్క॒ల్పమ॑స్తు || ౮
// యత్, జాగ్రతః, దూరం, ఉత్-ఐతి, దైవం, తత్, ఊం, సుప్తస్య, తథా, ఏవ, ఏతి, దూరం-గమం, జ్యోతిషాం, జ్యోతిః ఏకం, తత్, మే, మనః, శివసంకల్పం, అస్తు //
యేనే॒దం విశ్వ॒o జగ॑తో బ॒భూవ॑ యే దే॒వాపి॑ మహ॒తో జా॒తవే॑దాః |
తదే॒వాగ్నిస్తద్వా॒యుస్తత్సూర్య॒స్తదు॑చ॒న్ద్రమా॒స్తన్మే॒ మన॑: శి॒వస॑ఙ్క॒ల్పమ॑స్తు || ౯
// యేన, ఇదం, విశ్వం, జగతః, బభూవ, యే, దేవా, అపి, మహతో, జాతవేదాః, తత్, ఏవ, అగ్నిః, తత్, వాయుః, తత్, సూర్యః, తత్, ?, చన్ద్రమాః, తత్, మే, మనః, శివసంకల్పం, అస్తు //
యేన॒ ద్యౌః పృ॑థి॒వీ చా॒న్తరి॑క్షం చ॒ యే పర్వ॑తాః ప్ర॒దిశో॒ దిశ॑శ్చ |
యేనే॒దం జగ॒ద్వ్యాప్త॑o ప్ర॒జానా॒o తన్మే॒ మన॑: శి॒వస॑ఙ్క॒ల్పమ॑స్తు || ౧౦
// యేన, ద్యౌః, పృథివీ, చ, అన్తరిక్షం, చ, యే, పర్వతాః, ప్ర-దిశో, దిశః, చ, యేన, ఇదం, జగత్, వ్యాప్తం, ప్రజానాం, తత్, మే, మనః, శివసంకల్పం, అస్తు //
యే మ॑నో॒ హృద॑య॒o యే చ॑ దే॒వా యే ది॒వ్యా ఆపో॒ యే సూ”ర్యర॒శ్మిః |
యే శ్రోత్రే॒ చక్షు॑షీ స॒ఞ్చర॑న్త॒o తన్మే॒ మన॑: శి॒వస॑ఙ్క॒ల్పమ॑స్తు || ౧౧
// యే, మనః, హృదయం, యే, చ, దేవా, యే, దివ్యా, ఆపః, యే, సూర్య-రశ్మిః, యే, శ్రోత్రే, చక్షుషీ, సంచరన్తం, తత్, మే, మనః, శివసంకల్పం, అస్తు //
అచి॑న్త్య॒o చాప్ర॑మేయ॒o చ॒ వ్య॒క్తా॒వ్యక్త॑పర॒o చ య॑త్ |
సూక్ష్మా”త్సూక్ష్మత॑రం జ్ఞే॒య॒o తన్మే॒ మన॑: శి॒వస॑ఙ్క॒ల్పమ॑స్తు || ౧౨
// అ-చిన్త్యం, చ, అ-ప్రమేయం, చ, వ్యక్త, అ-వ్యక్త, పరం, చ, యత్, సూక్ష్మాత్, సూక్ష్మతరం, జ్ఞేయం, తత్, మే, మనః, శివసంకల్పం, అస్తు //
ఏకా॑ చ ద॒శ శ॒తం చ॑ స॒హస్ర॑o చా॒యుత॑o చ ని॒యుత॑o చ ప్ర॒యుత॒o చార్బు॑దం చ॒ న్య॑ర్బుదం చ॒ తన్మే॒ మన॑: శి॒వస॑ఙ్క॒ల్పమ॑స్తు || ౧౩
// ఏకా, చ, దశ, శతం, చ, సహస్రం, చ, అయుతం, చ, నియుతం, చ, ప్రయుతం, చ, అర్బుదం, చ, న్యర్బుదం, చ, తత్, మే, మనః, శివసంకల్పం, అస్తు //
యే ప॑ఞ్చ ప॒ఞ్చాద॒శ శ॒తగ్॑o స॒హస్ర॑మ॒యుత॒o న్య॑ర్బుదం చ |
తే అ॑గ్ని చి॒త్తేష్ట॑కా॒స్తాగ్ం శరీ॑ర॒o తన్మే॒ మన॑: శి॒వస॑ఙ్క॒ల్పమ॑స్తు || ౧౪
// యే, పఞ్చ, పఞ్చాదశ, శతం, సహస్రం, అయుతం, న్యర్బుదం, చ, తే, అగ్నిః, చిత్త, ఇష్టకాః, తాం, శరీరం, తత్, మే, మనః, శివసంకల్పం, అస్తు //
వేదా॒హమే॒తం పురు॑షం మ॒హాన్త॑మాది॒త్యవ॑ర్ణ॒o తమ॑స॒: పర॑స్తాత్ |
యస్య॒ యోని॒o పరి॒పశ్య॑న్తి॒ ధీరా॒స్తన్మే॒ మన॑: శి॒వస॑ఙ్క॒ల్పమ॑స్తు || ౧౫
// వేదాహమేతం, పురుషం, మహాన్, తం, ఆదిత్యవర్ణం, తమసః, పరః, తాత్, యస్య, యోనిం, పరి-పశ్యన్తి, ధీరాః, తత్, మే, మనః, శివసంకల్పం, అస్తు //
యస్యై॒తం ధీరా”: పు॒నన్తి॑ క॒వయో” బ్ర॒హ్మాణ॑మే॒తం త్వా॑ వృణుత॒మిన్దు”మ్ |
స్థా॒వ॒రం జఙ్గ॑మ॒o ద్యౌరా॑కా॒శం తన్మే॒ మన॑: శి॒వస॑ఙ్క॒ల్పమ॑స్తు || ౧౬
// యస్య, ఏతం, ధీరాః, పునన్తి, కవయః, బ్రహ్మాణం, ఏతం, త్వా, వృణుతం, ఇన్దుం, స్థావరం, జఙ్గమం, ద్యౌః, ఆకాశం, తత్, మే, మనః, శివసంకల్పం, అస్తు //
పరా”త్ప॒రత॑రం చై॒వ॒ త॒త్పరా”చ్చైవ॒ యత్ప॑రమ్ |
యత్పరా॒త్పర॑తో జ్ఞే॒య॒o తన్మే॒ మన॑: శి॒వస॑ఙ్క॒ల్పమ॑స్తు || ౧౭
// పరాత్, పరతరం, చ, ఇవ, తత్, పరాత్, చ, ఇవ, యత్, పరం, యత్, పరాత్, పరతః, జ్ఞేయం, తత్, మే, మనః, శివసంకల్పం, అస్తు //
పరా”త్ప॒రత॑రం బ్ర॒హ్మ॒ త॒త్పరా”త్పర॒తో హరి॑: |
యత్పరా॒త్పర॑తోఽధీ॒శ॒o తన్మే॒ మన॑: శి॒వస॑ఙ్క॒ల్పమ॑స్తు || ౧౮
// పరాత్, పరతరం, బ్రహ్మ, తత్, పరాత్, పరతః, హరిః, యత్, పరాత్, పరతః, అధీశం, తత్, మే, మనః, శివసంకల్పం, అస్తు //
యా వేదాదిషు॑ గాయ॒త్రీ స॒ర్వవ్యా॑పీ మహే॒శ్వ॑రీ |
ఋగ్య॑జు॒: సామా॑థర్వై॒శ్చ॒ తన్మే॒ మన॑: శి॒వస॑ఙ్క॒ల్పమ॑స్తు || ౧౯
// యా, వేదాదిషు, గాయత్రీ, సర్వ-వ్యాపీ, మహేశ్వరీ, ఋక్, యజుః, సామ, అథర్వైః, చ, తత్, మే, మనః, శివసంకల్పం, అస్తు //
యో వై॑ దే॒వం మ॑హాదే॒వ॒o ప్ర॒యత॑: ప్రణ॒వః శుచి॑: |
యః సర్వే॑ సర్వ॑వేదా॒శ్చ తన్మే॒ మన॑: శి॒వస॑ఙ్క॒ల్పమ॑స్తు || ౨౦
// యః, వై, దేవం, మహా-దేవం, ప్రయతః, ప్రణవః, శుచిః, యః, సర్వే, సర్వ-వేదాః, చ, తత్, మే, మనః, శివసంకల్పం, అస్తు //
ప్రయ॑త॒: ప్రణ॑వోంకా॒ర॒o ప్ర॒ణవ॑o పురు॒షోత్త॑మమ్ |
ఓంకార॒o ప్రణ॑వాత్మా॒న॒o తన్మే॒ మన॑: శి॒వస॑ఙ్క॒ల్పమ॑స్తు || ౨౧
// ప్ర-యతః, ప్రణవ, ఓంకారం, ప్రణవం, పురుష-ఉత్తమం, ఓంకారం, ప్రణవ-ఆత్మానం, తత్, మే, మనః, శివసంకల్పం, అస్తు //
యోఽసౌ॑ స॒ర్వేషు॑ వేదే॒షు॒ పఠ్యతే” హ్యయ॒మీశ్వ॑రః |
అ॒కా॒యో నిర్గు॑ణో హ్యా॒త్మా॒ తన్మే॒ మన॑: శి॒వస॑ఙ్క॒ల్పమ॑స్తు || ౨౨
// యః, అసౌ, సర్వేషు, వేదేషు, పఠ్యతే, హి, అయం, ఈశ్వరః, అకాయో, నిర్గుణో, హి, ఆత్మా, తత్, మే, మనః, శివసంకల్పం, అస్తు //
గోభి॒ర్జుష్ట॒o ధనే॑న॒ హ్యాయు॑షా చ॒ బలే॑న చ |
ప్ర॒జయా॑ ప॒శుభి॑: పుష్కరా॒క్షం తన్మే॒ మన॑: శి॒వస॑ఙ్క॒ల్పమ॑స్తు || ౨౩
// గోభిః, జుష్టం, ధనేన, హి, ఆయుషా, చ, బలేన, చ, ప్రజయా, పశుభిః, పుష్కర-అక్షం, తత్, మే, మనః, శివసంకల్పం, అస్తు //
త్ర్య॑మ్బకం యజామహే సుగ॒న్ధిం పు॑ష్టి॒వర్ధ॑నమ్ |
ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మాఽమృతా॒త్తన్మే॒ మన॑: శి॒వస॑ఙ్క॒ల్పమ॑స్తు || ౨౪
// త్రి, అమ్బకం, యజామహే, సుగన్ధిం, పుష్టి-వర్ధనం, ఉర్వారుకం, ఇవ, బన్ధనాత్, మృత్యోః, ముక్షీయ, మా, అమృతాత్, తత్, మే, మనః, శివసంకల్పం, అస్తు //
కైలా॑స॒శిఖ॑రే ర॒మ్యే॒ శ॒ఙ్కర॑స్య శి॒వాల॑యే |
దే॒వతా”స్తత్ర॑ మోద॒న్తి॒ తన్మే॒ మన॑: శి॒వస॑ఙ్క॒ల్పమ॑స్తు || ౨౫
// కైలాస-శిఖరే, రమ్యే, శఙ్కరస్య, శివాలయే, దేవతాః, తత్ర, మోదన్తి, తత్, మే, మనః, శివసంకల్పం, అస్తు //
కైలా॑స॒శిఖ॑రావా॒సా హి॒మవ॑ద్గిరి॒సంస్థి॑తమ్ | [కన్య॑యా]
నీ॒ల॒క॒ణ్ఠం త్రి॑ణేత్ర॒o చ॒ తన్మే॒ మన॑: శి॒వస॑ఙ్క॒ల్పమ॑స్తు || ౨౬
// కైలాస-శిఖర-ఆవాస, హిమవత్, గిరి-సంస్థితం, నీల-కణ్ఠం, త్రి-నేత్రం, చ, తత్, మే, మనః, శివసంకల్పం, అస్తు //
వి॒శ్వత॑శ్చక్షురు॒త వి॒శ్వతో॑ ముఖో వి॒శ్వతో॑ హస్త ఉ॒త వి॒శ్వత॑స్పాత్ |
సం బా॒హుభ్యా॒o నమ॑తి॒ సంపత॑త్రై॒ర్ద్యావా॑పృథి॒వీ జ॒నయ॑న్దే॒వ ఏక॒స్తన్మే॒ మన॑: శి॒వస॑ఙ్క॒ల్పమ॑స్తు || ౨౭
// విశ్వతః, చక్షుః, ఉత, విశ్వతః, ముఖః, విశ్వతః, హస్త, ఉత, విశ్వతః, పాత్, సం, బాహుభ్యాం, నమతి, సమ్పతత్, త్రైః, ద్యావా, పృథివీ, జనయన్, దేవా, ఏకః, తత్, మే, మనః, శివసంకల్పం, అస్తు //
చ॒తురో॑ వే॒దాన॑ధీయీ॒త॒ స॒ర్వశా”స్త్రమ॒యం విదు॑: |
ఇతి॑హా॒స పు॑రాణా॒నా॒o తన్మే॒ మన॑: శి॒వస॑ఙ్క॒ల్పమ॑స్తు || ౨౮
// చతురః, వేదాన్, అధీయీత, సర్వ-శాస్త్రమయం, విదుః, ఇతిహాస, పురాణానాం, తత్, మే, మనః, శివసంకల్పం, అస్తు //
మా నో॑ మ॒హాన్త॑ము॒త మా నో॑ అర్భ॒కం మా న॒ ఉక్ష॑న్తము॒త మా న॑ ఉక్షి॒తమ్ |
మానో॑ఽవధీః పి॒తర॒o మోతమా॒తర॑o ప్రి॒యామాన॑స్త॒నువో॑ రుద్ర రీరిష॒స్తన్మే॒ మన॑: శి॒వస॑ఙ్క॒ల్పమ॑స్తు || ౨౯
// మా, నః, మహాన్తం, ఉత, మా, నః, అర్భకం, మా, నః, ఉక్షన్తం, ఉత, మా, నః, ఉక్షితం, మా, నః, వధీః, పితరం, మా, ఉత, మాతరం, ప్రియాః, మా, నః, తనువః, రుద్ర, రీరిషః, తత్, మే, మనః, శివసంకల్పం, అస్తు //
మాన॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః |
వీ॒రాన్మానో॑ రుద్ర భామి॒తో వ॑ధీర్హ॒విష్మ॑న్తో॒ నమ॑సా విధేమతే॒ తన్మే॒ మన॑: శి॒వస॑ఙ్క॒ల్పమ॑స్తు || ౩౦
// మా, నః, తోకే, తనయే, మా, నః, ఆయుషి, మా, నః, గోషు, మా, నః, అశ్వేషు, రీరిషః, వీరాన్, మా, నః, రుద్ర, భామితః, వధీః, హవిష్మన్తః, నమసా, విధేమ, తే, తత్, మే, మనః, శివసంకల్పం, అస్తు //
ఋ॒తగ్ం స॒త్యం ప॑రం బ్ర॒హ్మ॒ పు॒రుష॑o కృష్ణ॒పిఙ్గ॑లమ్ |
ఊ॒ర్ధ్వరే॑తం వి॑రూపా॒క్ష॒o వి॒శ్వరూ॑పాయ॒ వై నమో॒ నమ॒స్తన్మే॒ మన॑: శి॒వస॑ఙ్క॒ల్పమ॑స్తు || ౩౧
// ఋతం, సత్యం, పరం, బ్రహ్మ, పురుషం, కృష్ణ-పిఙ్గలం, ఊర్ధ్వం, ఏతం, విరూప-అక్షం, విశ్వ-రూపాయ, వై, నమః, నమః, తత్, మే, మనః, శివసంకల్పం, అస్తు //
కద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే |
వో॒చేమ॒ శన్త॑మగ్ం హృ॒దే |
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ తన్మే॒ మన॑: శి॒వస॑ఙ్క॒ల్పమ॑స్తు || ౩౨
// కత్, రుద్రాయ, ప్ర-చేతసే, మీఢుః-తమాయ, తవ్యసే, వః, చేమ, శం-తమం, హృదే, సర్వః, హి, ఏషః, రుద్రః, తస్మై, రుద్రాయ, నమః, అస్తు, తత్, మే, మనః, శివసంకల్పం, అస్తు //
బ్రహ్మ॑జజ్ఞా॒నం ప్ర॑థ॒మం పు॒రస్తా॒ద్విసీ॑మ॒తః సు॒రుచో॑ వే॒న ఆ॑వః |
స బు॒ధ్నియా॑ ఉప॒మా అ॑స్య వి॒ష్ఠాః స॒తశ్చ॒ యోని॒మస॑తశ్చ॒ వివ॒స్తన్మే॒ మన॑: శి॒వస॑ఙ్క॒ల్పమ॑స్తు || ౩౩
// బ్రహ్మజత్, జ్ఞానం, ప్రథమం, పురస్తాత్, వి-సీమతః, సు-రుచో, వ, ఏన, ఆవః, స, బుధ్నియా, ఉపమా, అస్య, విష్ఠాః, సతః, చ, యోనిం, అ-సతః, చ, వివః, తత్, మే, మనః, శివసంకల్పం, అస్తు //
యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ |
య ఈశే॑ అ॒స్య ద్వి॒పద॒శ్చతు॑ష్పద॒: కస్మై॑ దే॒వాయ॑ హ॒విషా॑ విధేమ॒ తన్మే॒ మన॑: శి॒వస॑ఙ్క॒ల్పమ॑స్తు || ౩౪
// (తై.సం.౪-౧-౮.౩౨) యః, ప్ర-అనతః, ని-మిషతః, మహి-త్వా, ఏకః, ఇత్, రాజా, జగత్ః, బభూవ, యః, ఈశే, అస్య, ద్వి-పదః, చతుః-పదః, కస్మై, దేవాయ, హవిషా, విధేమ, తత్, మే, మనః, శివసంకల్పం, అస్తు //
య ఆ”త్మ॒దా బ॑ల॒దా యస్య॒ విశ్వ॑ ఉ॒పాస॑తే ప్ర॒శిష॒o యస్య॑ దే॒వాః |
యస్య॑ ఛా॒యాఽమృత॒o యస్య॑ మృ॒త్యుః కస్మై॑ దే॒వాయ॑ హ॒విషా॑ విధేమ॒ తన్మే॒ మన॑: శి॒వస॑ఙ్క॒ల్పమ॑స్తు || ౩౫
// (తై.సం.౪-౧-౮.౩౨) యః, ఆత్మ-దాః, బల-దాః, యస్త, విశ్వే, ఉప-ఆసతే, ప్ర-శిషం, యస్య, దేవాః, యస్య, ఛాయా, అమృతం, యస్య, మృత్యుః, కస్మై, దేవాయ, హవిషా, విధేమ, తత్, మే, మనః, శివసంకల్పం, అస్తు //
గ॒న్ధ॒ద్వా॒రాం దు॑రాధ॒ర్షా॒o ని॒త్యపు॑ష్టాం కరీ॒షిణీ”మ్ |
ఈ॒శ్వరీగ్॑o సర్వ॑భూతా॒నా॒o తామి॒హోప॑హ్వయే॒ శ్రియ॒o తన్మే॒ మన॑: శి॒వస॑ఙ్క॒ల్పమ॑స్తు || ౩౬
//గన్ధద్వారాం, దురాధర్షం, నిత్య-పుష్టాం, కరీషిణీం, ఈశ్వరీం, సర్వ-భూతానం, తాం, ఇహ, ఉపహ్వయే, శ్రియం, తత్, మే, మనః, శివసంకల్పం, అస్తు //
యో రు॒ద్రో అ॒గ్నౌ యో అ॒ప్సు య ఓష॑ధీషు॒ యో రు॒ద్రో విశ్వా॒ భువ॑నాఽఽవి॒వేశ॒ తస్మై॑ రు॒ద్రాయ॒ నమో॑ అస్తు॒ తన్మే॒ మన॑: శి॒వస॑ఙ్క॒ల్పమ॑స్తు || ౩౭
// (తై.సం. ౫-౫-౯-౩) యః, రుద్రః, అగ్నౌ, యః, అప్సు, యః, ఓషధీషు, యః, రుద్రః, విశ్వా, ఆవివేశ, తస్మై, రుద్రాయ, నమో, అస్తు, తత్, మే, మనః, శివసంకల్పం, అస్తు //
నమకం చమ॑కం చై॒వ॒ పు॒రుషసూ”క్తం చ॒ యద్వి॑దుః |
మ॒హా॒దే॒వం చ॑ తత్తు॒ల్య॒o తన్మే॒ మన॑: శి॒వస॑ఙ్క॒ల్పమ॑స్తు || ౩౮
// నమకం, చమకం, చ, ఏవ, పురుషసూక్తం, చ, యత్, విదుః, మహాదేవం, చ తత్, తుల్యం, తత్, మే, మనః, శివసంకల్పం, అస్తు //
య ఇదగ్ం శివ॑సఙ్క॒ల్ప॒గ్ం స॒దా ధ్యా॑యన్తి॒ బ్రాహ్మ॑ణాః |
తే పర॑o మోక్షం గ॑మిష్య॒న్తి॒ తన్మే॒ మన॑: శి॒వస॑ఙ్క॒ల్పమ॑స్తు || ౩౯
// య, ఇదం, శివసంకల్పం, సదా, ధ్యాయన్తి, బ్రాహ్మణాః, తే, పరం, మోక్షం, గమిష్యన్తి, తత్, మే, మనః, శివసంకల్పం, అస్తు //
ఓం నమో భగవతే॑ రుద్రా॒య | శివసంకల్పగ్ం హృదయాయ నమః ||
సంపూర్ణ మహాన్యాస సూచిక చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
సూపర్ గా ఉంది