Read in తెలుగు / ಕನ್ನಡ / தமிழ் / देवनागरी / English (IAST)
dēvā ūcuḥ |
hr̥ṣīkēśa mahābāhō bhagavan madhusūdana |
namastē dēvadēvēśa sarvadaityavināśaka || 1 ||
matsyarūpāya tē viṣṇō vēdānnītavatē namaḥ |
satyavratēna sadrājñā pralayābdhivihāriṇē || 2 ||
kurvāṇānāṁ surāṇāṁ ca manthanāyōdyamaṁ bhr̥śam |
bibhratē mandaragiriṁ kūrmarūpāya tē namaḥ || 3 ||
namastē bhagavannātha kratavē sūkarātmanē |
vasundharāṁ janādhārāṁ mūrdhatō bibhratē namaḥ || 4 ||
vāmanāya namastubhyamupēndrākhyāya viṣṇavē |
viprarūpēṇa daityēndraṁ baliṁ chalayatē vibhō || 5 ||
namaḥ paraśurāmāya kṣatraniḥkṣatrakāriṇē |
māturhitakr̥tē tubhyaṁ kupitāyāsatāṁ druhē || 6 ||
rāmāya lōkarāmāya maryādāpuruṣāya tē |
rāvaṇāntakarāyāśu sītāyāḥ patayē namaḥ || 7 ||
namastē jñānagūḍhāya kr̥ṣṇāya paramātmanē |
rādhāvihāraśīlāya nānālīlākarāya ca || 8 ||
namastē gūḍhadēhāya vēdanindākarāya ca |
yōgācāryāya jaināya bauddharūpāya māpatē || 9 ||
namastē kalkirūpāya mlēcchānāmantakāriṇē |
anantaśaktirūpāya saddharmasthāpanāya ca || 10 ||
namastē kapilarūpāya dēvahūtyai mahātmanē |
vadatē sāṅkhyayōgaṁ ca sāṅkhyācāryāya vai prabhō || 11 ||
namaḥ paramahaṁsāya jñānaṁ saṁvadatē param |
vidhātrē jñānarūpāya yēnātmā samprasīdati || 12 ||
vēdavyāsāya vēdānāṁ vibhāgaṁ kurvatē namaḥ |
hitāya sarvalōkānāṁ purāṇaracanāya ca || 13 ||
ēvaṁ matsyāditanubhirbhaktakāryōdyatāya tē |
sargasthitidhvaṁsakartrē namastē brahmaṇē prabhō || 14 ||
ārtihantrē svadāsānāṁ sukhadāya śubhāya ca |
pītāmbarāya harayē tārkṣyayānāya tē namaḥ |
sarvakriyāyaikakartrē śaraṇyāya namō namaḥ || 15 ||
daityasantāpitāmartyaduḥkhādidhvaṁsavajraka |
śēṣatalpaśayāyārkacandranētrāya tē namaḥ || 16 ||
kr̥pāsindhō ramānātha pāhi naḥ śaraṇāgatān |
jalandharēṇa dēvāśca svargāt sarvē nirākr̥tāḥ || 17 ||
sūryō nissāritaḥ sthānāccandrō vahnistathaiva ca |
pātālānnāgarājaśca dharmarājō nirākr̥taḥ || 18 ||
vicaranti yathā martyāḥ śōbhantē naiva tē surāḥ |
śaraṇaṁ tē vayaṁ prāptā vadhastasya vicintyatām || 19 ||
iti śrīśivapurāṇē rudrasaṁhitāyāṁ yuddhakhaṇḍē ṣōḍaśō:’dhyāyē sarvadēva kr̥ta śrī viṣṇu stōtram ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
