Read in తెలుగు / ಕನ್ನಡ / தமிழ் / देवनागरी / English (IAST)
jayādhīśa jayājēya jaya viśvagurō harē |
janmamr̥tyujarātīta jayānanta jayācyuta || 1 ||
jayājita jayāśēṣa jayāvyaktasthitē jaya |
paramārthārtha sarvajña jñānajñēyārthaniḥsr̥ta || 2 ||
jayāśēṣa jagatsākṣin jagatkarturjagadgurō |
jagatō:’jagadantēśa sthitau pālayatē jaya || 3 ||
jayākhila jayāśēṣa jaya sarvahr̥disthita |
jayādimadhyāntamaya sarvajñānamayōttama || 4 ||
mumukṣubhiranirdēśya nityahr̥ṣṭa jayēśvara |
yōgibhirmuktikāmaistu damādiguṇabhūṣaṇa || 5 ||
jayātisūkṣma durjñēya jaya sthūla jaganmaya |
jaya sūkṣmātisūkṣma tvaṁ jayānindriya sēndriya || 6 ||
jaya svamāyāyōgastha śēṣabhōga jayākṣara |
jayaikadaṁṣṭraprāntēna samuddhr̥tavasundhara || 7 ||
nr̥kēsarin surārātivakṣaḥsthalavidāraṇa |
sāmprataṁ jaya viśvātman māyāvāmana kēśava || 8 ||
nijamāyāparicchinna jagaddhātarjanārdana |
jayācintya jayānēkasvarūpaikavidha prabhō || 9 ||
vardhasva vardhitānēkavikāraprakr̥tē harē |
tvayyēṣā jagatāmīśē saṁsthitā dharmapaddhatiḥ || 10 ||
na tvāmahaṁ na cēśānō nēndrādyāstridaśā harē |
jñātumīśā na munayaḥ sanakādyā na yōginaḥ || 11 ||
tvaṁ māyāpaṭasaṁvītō jagatyatra jagatpatē |
kastvāṁ vētsyati sarvēśa tvatprasādaṁ vinā naraḥ || 12 ||
tvamēvārādhitō yasya prasādasumukhaḥ prabhō |
sa ēva kēvalaṁ dēvaṁ vētti tvāṁ nētarō janaḥ || 13 ||
tadīśvarēśvarēśāna vibhō vardhasva bhāvana |
prabhavāyāsya viśvasya viśvātman pr̥thulōcana || 14 ||
iti śrīvāmanapurāṇē triṁśattamō:’dhyāyē brahma kr̥ta śrī vāmana stōtram |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
