Read in తెలుగు / ಕನ್ನಡ / தமிழ் / देवनागरी / English (IAST)
asya śrīsaptamukhavīrahanumatkavaca stōtramantrasya, nārada r̥ṣiḥ, anuṣṭup chandaḥ, śrīsaptamukhīkapiḥ paramātmā dēvatā, hrāṁ bījaṁ, hrīṁ śaktiḥ, hrūṁ kīlakaṁ, mama sarvābhīṣṭasiddhyarthē japē viniyōgaḥ ||
karanyāsaḥ –
ōṁ hrāṁ aṅguṣṭhābhyāṁ namaḥ |
ōṁ hrīṁ tarjanībhyāṁ namaḥ |
ōṁ hrūṁ madhyamābhyāṁ namaḥ |
ōṁ hraiṁ anāmikābhyāṁ namaḥ |
ōṁ hrauṁ kaniṣṭhikābhyāṁ namaḥ |
ōṁ hraḥ karatalakarapr̥ṣṭhābhyāṁ namaḥ ||
aṅganyāsaḥ –
ōṁ hrāṁ hr̥dayāya namaḥ |
ōṁ hrīṁ śirasē svāhā |
ōṁ hrūṁ śikhāyai vaṣaṭ |
ōṁ hraiṁ kavacāya hum |
ōṁ hrauṁ nētratrayāya vauṣaṭ |
ōṁ hraḥ astrāya phaṭ ||
dhyānam –
vandēvānarasiṁhasarparipuvārāhāśvagōmānuṣairyuktaṁ
saptamukhaiḥ karairdrumagiriṁ cakraṁ gadāṁ khēṭakam |
khaṭvāṅgaṁ halamaṅkuśaṁ phaṇisudhākumbhau śarābjābhayān
śūlaṁ saptaśikhaṁ dadhānamamaraiḥ sēvyaṁ kapiṁ kāmadam ||
brahmōvāca |
saptaśīrṣṇaḥ pravakṣyāmi kavacaṁ sarvasiddhidam |
japtvā hanumatō nityaṁ sarvapāpaiḥ pramucyatē || 1 ||
saptasvargapatiḥ pāyācchikhāṁ mē mārutātmajaḥ |
saptamūrdhā śirō:’vyānmē saptārcirbhāladēśakam || 2 ||
triḥsaptanētrō nētrē:’vyāt saptasvaragatiḥ śrutī |
nāsāṁ saptapadārthō:’vyānmukhaṁ saptamukhō:’vatu || 3 ||
saptajihvastu rasanāṁ radān saptahayō:’vatu |
saptacchadō hariḥ pātu kaṇṭhaṁ bāhū giristhitaḥ || 4 ||
karau caturdaśakarō bhūdharō:’vyānmamāṅgulīḥ |
saptarṣidhyātō hr̥dayamudaraṁ kukṣisāgaraḥ || 5 ||
saptadvīpapatiścittaṁ saptavyāhr̥tirūpavān |
kaṭiṁ mē saptasaṁsthārthadāyakaḥ sakthinī mama || 6 ||
saptagrahasvarūpī mē jānunī jaṅghayōstathā |
saptadhānyapriyaḥ pādau saptapātāladhārakaḥ || 7 ||
paśūn dhanaṁ ca dhānyaṁ ca lakṣmīṁ lakṣmīpradō:’vatu |
dārān putrāṁśca kanyāśca kuṭumbaṁ viśvapālakaḥ || 8 ||
anuktasthānamapi mē pāyādvāyusutaḥ sadā |
caurēbhyō vyāladaṁṣṭribhyaḥ śr̥ṅgibhyō bhūtarākṣasāt || 9 ||
daityēbhyō:’pyatha yakṣēbhyō brahmarākṣasajādbhayāt |
daṁṣṭrākarālavadanō hanumān māṁ sadā:’vatu || 10 ||
paraśastramantrayantratantrāgnijalavidyutaḥ |
rudrāṁśaḥ śatrusaṅgrāmāt sarvāvasthāsu sarvabhr̥t || 11 ||
ōṁ namō bhagavatē saptavadanāya ādya kapimukhāya vīrahanumatē sarvaśatrusaṁhāraṇāya ṭhaṇṭhaṇṭhaṇṭhaṇṭhaṇṭhaṇṭhaṁ ōṁ namaḥ svāhā || 12 ||
ōṁ namō bhagavatē saptavadanāya dvitīya nārasiṁhāsyāya atyugratējōvapuṣē bhīṣaṇāya bhayanāśanāya haṁhaṁhaṁhaṁhaṁhaṁhaṁ ōṁ namaḥ svāhā || 13 ||
ōṁ namō bhagavatē saptavadanāya tr̥tīya garuḍavaktrāya vajradaṁṣṭrāya mahābalāya sarvarōgavināśāya maṁmaṁmaṁmaṁmaṁmaṁmaṁ ōṁ namaḥ svāhā || 14 ||
ōṁ namō bhagavatē saptavadanāya caturtha krōḍatuṇḍāya saumitrirakṣakāya putrādyabhivr̥ddhikarāya laṁlaṁlaṁlaṁlaṁlaṁlaṁ ōṁ namaḥ svāhā || 15 ||
ōṁ namō bhagavatē saptavadanāya pañcama aśvavadanāya rudramūrtayē sarvavaśīkaraṇāya sarvāgamasvarūpāya ruṁruṁruṁruṁruṁruṁruṁ ōṁ namaḥ svāhā || 16 ||
ōṁ namō bhagavatē saptavadanāya ṣaṣṭha gōmukhāya sūryasvarūpāya sarvarōgaharāya muktidātrē ōṁōṁōṁōṁōṁōṁōṁ ōṁ namaḥ svāhā || 17 ||
ōṁ namō bhagavatē saptavadanāya saptama mānuṣamukhāya rudrāvatārāya añjanīsutāya sakaladigyaśōvistārakāya vajradēhāya sugrīvasāhyakarāya udadhilaṅghanāya sītāśuddhikarāya laṅkādahanāya anēkarākṣasāntakāya rāmānandadāyakāya anēkaparvatōtpāṭakāya sētubandhakāya kapisainyanāyakāya rāvaṇāntakāya brahmacaryāśramiṇē kaupīnabrahmasūtradhārakāya rāmahr̥dayāya sarvaduṣṭagrahanivāraṇāya, śākinī ḍākinī vētāla brahmarākṣasa bhairavagraha yakṣagraha piśācagraha brahmagraha kṣatriyagraha vaiśyagraha śūdragrahāntyajagraha mlēcchagraha sarpagrahōccāṭakāya, mama sarvakāryasādhakāya sarvaśatrusaṁhārakāya siṁhavyāghrādi duṣṭasatvākarṣakāya ēkāhikādi vividhajvaracchēdakāya parayantramantratantranāśakāya sarvavyādhinikr̥ntakāya sarpādi sarvasthāvarajaṅgamaviṣastambhanakarāya sarvarājabhaya cōrabhaya agnibhaya praśamanāya ādhyātmikādhidaivikādhibhautika tāpatrayanivāraṇāya sarvavidyā sarvasampat sarvapuruṣārthadāyakāya asādhyakāryasādhakāya sarvavarapradāya sarvābhīṣṭakarāya ōṁ hrāṁ hrīṁ hrūṁ hraiṁ hrauṁ hraḥ ōṁ namaḥ svāhā || 18 ||
ya idaṁ kavacaṁ nityaṁ saptāsyasya hanūmataḥ |
trisandhyaṁ japatē nityaṁ sarvaśatruvināśanam || 19 ||
putrapautrapradaṁ sarvaṁ sampadrājyapradaṁ param |
sarvarōgaharaṁ cāyuḥkīrtidaṁ puṇyavardhanam || 20 ||
rājānaṁ sa vaśaṁ nītvā trailōkyavijayī bhavēt |
idaṁ hi paramaṁ gōpyaṁ dēyaṁ bhaktiyutāya ca |
na dēyaṁ bhaktihīnāya datvā sa nirayaṁ vrajēt || 21 ||
nāmānisarvāṇyapavargadāni
rūpāṇi viśvāni ca yasya santi |
karmāṇi dēvairapi durghaṭāni
taṁ mārutiṁ saptamukhaṁ prapadyē || 22 ||
iti śrīsudarśanasaṁhitāyāṁ śrī saptamukha hanumat kavacam ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
