Read in తెలుగు / ಕನ್ನಡ / தமிழ் / देवनागरी / English (IAST)
namō viriñcaviṣṇvīśabhēdēna paramātmanē |
sargasaṁsthitisaṁhāravyāvr̥ttivyaktavr̥ttayē || 1 ||
namaścaturdhā prōdbhūtabhūtabhūtātmanē bhuvaḥ |
bhūribhārārtisaṁhartrē bhūtanāthāya śūlinē || 2 ||
viśvagrāsāya vilasatkālakūṭaviṣāśinē |
tatkalaṅkāṅkitagrīvanīlakaṇṭhāya tē namaḥ || 3 ||
namō lalāṭanayanaprōllasatkr̥ṣṇavartmanē |
dhvastasmaranirastādhiyōgidhyātāya śambhavē || 4 ||
namō dēhārdhakāntāya dagdhadakṣādhvarāya ca |
caturvargēṣvabhīṣṭārthadāyinē māyinē:’ṇavē || 5 ||
sthūlāya mūlabhūtāya śūladāritavidviṣē |
kālahantrē namaścandrakhaṇḍamaṇḍitamaulayē || 6 ||
vivāsasē kapardāntarbhrāntāhisaridindavē |
dēvadaityāsurēndrāṇāṁ maulighr̥ṣṭāṅghrayē namaḥ || 7 ||
bhasmābhyaktāya bhaktānāṁ bhuktimuktipradāyinē |
vyaktāvyaktasvarūpāya śaṅkarāya namō namaḥ || 8 ||
namō:’ndhakāntakaripavē puradviṣē
namō:’stu tē dviradavarāhabhēdinē |
viṣōllasatphaṇikulabaddhamūrtayē
namaḥ sadā vr̥ṣavaravāhanāya tē || 9 ||
viyanmaruddhutavahavārvasundharā
makhēśaravyamr̥tamayūkhamūrtayē |
namaḥ sadā narakabhayāvabhēdinē
bhavēha nō bhavabhayabhaṅgakr̥dvibhō || 10 ||
iti śrīmacchaṅkarabhagavataḥ kr̥tau prapañcasārē pañcaviṁśaḥ paṭalē śrī rudra stavanam |
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
