Read in తెలుగు / ಕನ್ನಡ / தமிழ் / देवनागरी / English (IAST)
ōṁ bhadraṁ karṇēbhiḥ śr̥ṇuyāma dēvāḥ | bhadraṁ paśyēmākṣabhiryajatrāḥ | sthirairaṅgaistuṣṭuvāgṁ sastanūbhiḥ | vyaśēma dēvahitaṁ yadāyuḥ | svasti na indrō vr̥ddhaśravāḥ | svasti naḥ pūṣā viśvavēdāḥ | svasti nastārkṣyō ariṣṭanēmiḥ | svasti nō br̥haspatirdadhātu | ōṁ śāntiḥ śāntiḥ śāntiḥ ||
– prathamakhaṇḍaḥ –
ōm || satyakṣētrē brahmā nārāyaṇaṁ mahāsāmrājyaṁ kiṁ tārakaṁ tannō brūhi bhagavannityuktaḥ satyānandacidātmakaṁ sāttvikaṁ māmakaṁ dhāmōpāsvētyāha | sadā dattō:’hamasmīti pratyētatsaṁvadanti yēna tē saṁsāriṇō bhavanti | nārāyaṇēnaivaṁ vivakṣitō brahmā viśvarūpadharaṁ viṣṇuṁ nārāyaṇaṁ dattātrēyaṁ dhyātvā sadvadati || 1 ||
damiti haṁsaḥ | dāmiti dīrghaṁ tadbījaṁ nāma bījastham | dāmityēkākṣaraṁ bhavati | tadētat tārakaṁ bhavati | tadēvōpāsitavyaṁ vijñēyaṁ garbhāditāraṇam | gāyatrī chandaḥ | sadāśiva r̥ṣiḥ | dattātrēyō dēvatā | vaṭabījasthamiva dattabījasthaṁ sarvaṁ jagat | ētadēvākṣaraṁ vyākhyātam || 2 ||
ṣaḍakṣarī –
vyākhyāsyē ṣaḍakṣaram | ōmiti prathamam | śrīmiti dvitīyam | hrīmiti tr̥tīyam | klīmiti caturtham | glaumiti pañcamam | drāmiti ṣaṣṭham | ṣaḍakṣarō:’yaṁ bhavati | sarvasampadvr̥ddhikarī bhavati | yōgānubhavō bhavati | gāyatrī chandaḥ | sadāśiva r̥ṣiḥ | dattātrēyō dēvatā | ōṁ śrīṁ hrīṁ klīṁ glauṁ drāṁ iti ṣaḍakṣarō:’yaṁ bhavati || 3 ||
aṣṭākṣarī –
dramityuktvā drāmityuktvā vā dattātrēyāya nama ityaṣṭākṣaraḥ | dattātrēyāyēti satyānandacidātmakam | nama iti pūrṇānandakavigraham | gāyatrī chandaḥ | sadāśiva r̥ṣiḥ | dattātrēyō dēvatā | dattātrēyāyēti kīlakam | tadēva bījam | namaḥ śaktirbhavati || 4 ||
dvādaśākṣarī –
ōmiti prathamam | āmiti dvitīyam | hrīmiti tr̥tīyam | krōmiti caturtham | ēhīti tadēva vadēt | dattātrēyēti svāhēti mantrarājō:’yaṁ dvādaśākṣaraḥ | jagatī chandaḥ | sadāśiva r̥ṣiḥ | dattātrēyō dēvatā | ōmiti bījam | svāhēti śaktiḥ | sambuddhiriti kīlakam | dramiti hr̥dayē | hrīṁ klīmiti śīrṣē | ēhīti śikhāyām | dattēti kavacē | ātrēyēti cakṣuṣi | svāhētyastrē | tanmayō bhavati | ya ēvaṁ vēda || 5 ||
ṣōḍaśākṣarī –
ṣōḍaśākṣaraṁ vyākhyāsyē | prāṇaṁ dēyam | mānaṁ dēyam | cakṣurdēyam | śrōtraṁ dēyam | ṣaḍdaśaśiraśchinatti | ṣōḍaśākṣaramantrō na dēyō bhavati | atisēvāparabhaktaguṇavacchiṣyāya vadēt | ōmiti prathamaṁ bhavati | aimiti dvitīyam | krōmiti tr̥tīyam | klīmiti caturtham | klūmiti pañcamam | hrāmiti ṣaṣṭham | hrīmiti saptamam | hrūmityaṣṭamam | sauriti navamam | dattātrēyāyēti caturdaśam | svāhēti ṣōḍaśam | gāyatrī chandaḥ | sadāśiva r̥ṣiḥ | dattātrēyō dēvatā | ōṁ bījam | svāhā śaktiḥ | caturthyantaṁ kīlakam | ōmiti hr̥dayē | klāṁ klīṁ klūmiti śikhāyām | sauriti kavacē | caturthyantaṁ cakṣuṣi | svāhētyastrē | yō nityamadhīyānaḥ saccidānanda sukhī mōkṣī bhavati | saurityantē śrīvaiṣṇava ityucyatē | tajjāpī viṣṇurūpī bhavati || 6 ||
anuṣṭup –
anuṣṭup chandō vyākhyāsyē | sarvatra sambuddhirimānītyucyantē | dattātrēya harē kr̥ṣṇa unmattānandadāyaka | digambara munē bālapiśāca jñānasāgara | ityupaniṣat | anuṣṭup chandaḥ | sadāśiva r̥ṣiḥ | dattātrēyō dēvatā | dattātrēyēti hr̥dayē | harē kr̥ṣṇēti śīrṣē | unmattānandēti śikhāyām | dāyaka muna iti kavacē | digambarēti cakṣuṣi | piśāca jñānasāgarētyastrē | ānuṣṭubhō:’yaṁ mayādhītaḥ | abrahmajanmadōṣāśca praṇaśyanti | sarvōpakārī mōkṣī bhavati | ya ēvaṁ vēdētyupaniṣat || 7 ||
|| iti prathamaḥ khaṇḍaḥ || 1 ||
– dvitīya khaṇḍaḥ –
ōmiti vyāharēt | ōṁ namō bhagavatē dattātrēyāya smaraṇamātrasantuṣṭāya mahābhayanivāraṇāya mahājñānapradāya cidānandātmanē bālōnmattapiśācavēṣāyēti mahāyōginē:’vadhūtāyēti anasūyānandavardhanāyātriputrāyēti sarvakāmaphalapradāya ōmiti vyāharēt | bhavabandhamōcanāyēti hrīmiti vyāharēt | sakalavibhūtidāyēti krōmiti vyāharēt | sādhyākarṣaṇāyēti sauriti vyāharēt | sarvamanaḥkṣōbhaṇāyēti śrīmiti vyāharēt | mahōmiti vyāharēt | cirañjīvinē vaṣaḍiti vyāharēt | vaśīkuru vaśīkuru vauṣaḍiti vyāharēt | ākarṣayākarṣaya humiti vyāharēt | vidvēṣaya vidvēṣaya phaḍiti vyāharēt | uccāṭayōccāṭaya ṭha ṭhēti vyāharēt | stambhaya stambhaya kha khēti vyāharēt | māraya māraya namaḥ sampannāya namaḥ sampannāya svāhā pōṣaya pōṣaya paramantra parayantra paratantrāṁśchindhi cchindhi grahānnivāraya nivāraya vyādhīnnivāraya nivāraya duḥkhaṁ haraya haraya dāridryaṁ vidrāvaya vidrāvaya dēhaṁ pōṣaya pōṣaya cittaṁ tōṣaya tōṣayēti sarvamantra sarvayantra sarvatantra sarvapallavasvarūpāyēti ōṁ namaḥ śivāyētyupaniṣat ||
|| iti dvitīyaḥ khaṇḍaḥ || 2 ||
– tr̥tīya khaṇḍaḥ –
ya ēvaṁ vēda | anuṣṭup chandaḥ | sadāśiva r̥ṣiḥ | dattātrēyō dēvatā | ōmiti bījam | svāhēti śaktiḥ | drāmiti kīlakam | aṣṭamūrtyaṣṭamantrā bhavanti | yō nityamadhītē vāyvagnisōmādityabrahmaviṣṇurudraiḥ pūtō bhavati | gāyatryāḥ śatasahasraṁ japtō bhavati | mahārudraśatasahasrajāpī bhavati | praṇavāyutakōṭijaptō bhavati | śatapūrvāñchatāparān punāti | sa paṅktipāvanō bhavati | brahmahatyādipātakairmuktō bhavati | gōhatyādipātakairmuktō bhavati | tulāpuruṣādidānaiḥ prapāpānataḥ pūtō bhavati | aśēṣapāpānmuktō bhavati | abhakṣyabhakṣyapāpairmuktō bhavati | sarvamantrayōgapārīṇō bhavati | sa ēva brāhmaṇō bhavati | tasmācchiṣyaṁ bhaktaṁ pratigr̥hṇīyāt | sō:’nantaphalamaśnutē | sa jīvanmuktō bhavatītyāha bhagavānnārāyaṇō brahmāṇamityupaniṣat ||
|| iti tr̥tīyaḥ khaṇḍaḥ || 3 ||
ōṁ bhadraṁ karṇēbhiḥ śr̥ṇuyāma dēvāḥ | bhadraṁ paśyēmākṣabhiryajatrāḥ | sthirairaṅgaistuṣṭuvāgṁ sastanūbhiḥ | vyaśēma dēvahitaṁ yadāyuḥ | svasti na indrō vr̥ddhaśravāḥ | svasti naḥ pūṣā viśvavēdāḥ | svasti nastārkṣyō ariṣṭanēmiḥ | svasti nō br̥haspatirdadhātu | ōṁ śāntiḥ śāntiḥ śāntiḥ ||
iti śrī dattātrēyōpaniṣat ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
