Read in తెలుగు / ಕನ್ನಡ / தமிழ் / देवनागरी / English (IAST)
hēmādriśikharākāraṁ śuddhasphaṭikasannibham |
pūrṇacandranibhaṁ dēvaṁ dvibhujaṁ vāmanaṁ smarēt || 1 ||
padmāsanasthaṁ dēvēśaṁ candramaṇḍalamadhyagam |
jvalatkālānalaprakhyaṁ taḍitkōṭisamaprabham || 2 ||
sūryakōṭipratīkāśaṁ candrakōṭisuśītalam |
candramaṇḍalamadhyasthaṁ viṣṇumacyutamavyayam || 3 ||
śrīvatsakaustubhōraskaṁ divyaratnavibhūṣitam |
pītāmbaramudārāṅgaṁ vanamālāvibhūṣitam || 4 ||
sundaraṁ puṇḍarīkākṣaṁ kirīṭēna virājitam |
ṣōḍaśastrīparivr̥tamapsarōgaṇasēvitam || 5 ||
r̥gyajuḥ sāmātharvādyairgīyamānaṁ janārdanam |
caturmukhādyairdēvēśaiḥ stōtrārādhanatatparaiḥ || 6 ||
sanakādyairmunigaṇaiḥ stūyamānamaharniśam |
triyambakō mahādēvō nr̥tyatē yasya sannidhau || 7 ||
dadhimiśrānnakavalaṁ rukmapātraṁ ca dakṣiṇē |
karē tu cintayēdvāmē pīyūṣamamalaṁ sudhīḥ || 8 ||
sādhakānāṁ prayacchantamannapānamanuttamam |
brāhmē muhūrtē cōtthāya dhyāyēddēvamadhōkṣajam || 9 ||
atisuvimalagātraṁ rukmapātrasthamannaṁ
sulalitadadhikhaṇḍaṁ pāṇinā dakṣiṇēna |
kalaśamamr̥tapūrṇaṁ vāmahastē dadhānaṁ
tarati sakaladuḥkhādvāmanaṁ bhāvayēdyaḥ || 10 ||
kṣīramannamannadātā labhēdannāda ēva ca |
purastādannamāpnōti punarāvartivarjitam |
āyurārōgyamaiśvaryaṁ labhatē cānnasampadaḥ || 11 ||
idaṁ stōtraṁ paṭhēdyastu prātaḥkālē dvijōttamaḥ |
aklēśādannasiddhyarthaṁ jñānasiddhyarthamēva ca || 12 ||
abhraśyāmaḥ śubhrayajñōpavītī
satkaupīnaḥ pītakr̥ṣṇājinaśrīḥ
chatrī daṇḍī puṇḍarīkāyatākṣaḥ
pāyāddēvō vāmanō brahmacārī || 13 ||
ajinadaṇḍakamaṇḍalumēkhalā-
-rucirapāvanavāmanamūrtayē |
mitajagattritayāya jitārayē
nigamavākpaṭavē vaṭavē namaḥ || 14 ||
śrībhūmisahitaṁ divyaṁ muktāmaṇivibhūṣitam |
namāmi vāmanaṁ viṣṇuṁ bhuktimuktiphalapradam || 15 ||
vāmanō buddhidātā ca dravyasthō vāmanaḥ smr̥taḥ |
vāmanastārakōbhābhyāṁ vāmanāya namō namaḥ || 16 ||
iti śrīvāmanapurāṇē śrī dadhivāmana stōtram |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
