Read in తెలుగు / ಕನ್ನಡ / தமிழ் / देवनागरी / English (IAST)
॥ வஜ்ரத³ம்ஷ்ட்ரவத⁴꞉ ॥
ப³லஸ்ய ச நிகா⁴தேந அங்க³த³ஸ்ய ஜயேந ச ।
ராக்ஷஸ꞉ க்ரோத⁴மாவிஷ்டோ வஜ்ரத³ம்ஷ்ட்ரோ மஹாப³ல꞉ ॥ 1 ॥
ஸ விஸ்பா²ர்ய த⁴நுர்கோ⁴ரம் ஶக்ராஶநிஸமஸ்வநம் ।
வாநராணாமநீகாநி ப்ராகிரச்ச²ரவ்ருஷ்டிபி⁴꞉ ॥ 2 ॥
ராக்ஷஸாஶ்சாபி முக்²யாஸ்தே ரதே²ஷு ஸமவஸ்தி²தா꞉ ।
நாநாப்ரஹரணா꞉ ஶூரா꞉ ப்ராயுத்⁴யந்த ததா³ ரணே ॥ 3 ॥
வாநராணாம் து ஶூரா யே ஸர்வே தே ப்லவக³ர்ஷபா⁴꞉ ।
ஆயுத்⁴யந்த ஶிலாஹஸ்தா꞉ ஸமவேதா꞉ ஸமந்தத꞉ ॥ 4 ॥
தத்ராயுத⁴ஸஹஸ்ராணி தஸ்மிந்நாயோத⁴நே ப்⁴ருஶம் ।
ராக்ஷஸா கபிமுக்²யேஷு பாதயாம்ஶ்சக்ரிரே ததா³ ॥ 5 ॥
வாநராஶ்சாபி ரக்ஷஸ்ஸு கி³ரீந்வ்ருக்ஷாந்மஹாஶிலா꞉ ।
ப்ரவீரா꞉ பாதயாமாஸுர்மத்தவாரணஸந்நிபா⁴꞉ ॥ 6 ॥
ஶூராணாம் யுத்⁴யமாநாநாம் ஸமரேஷ்வநிவர்திநாம் ।
தத்³ராக்ஷஸக³ணாநாம் ச ஸுயுத்³த⁴ம் ஸமவர்தத ॥ 7 ॥
ப்ரபி⁴ந்நஶிரஸ꞉ கேசித்³பி⁴ந்நை꞉ பாதை³ஶ்ச பா³ஹுபி⁴꞉ ।
ஶஸ்த்ரைரர்பிததே³ஹாஸ்து ருதி⁴ரேண ஸமுக்ஷிதா꞉ ॥ 8 ॥
ஹரயோ ராக்ஷஸாஶ்சைவ ஶேரதே கா³ம் ஸமாஶ்ரிதா꞉ ।
கங்கக்³ருத்⁴ரப³லைராட்⁴யா கோ³மாயுக³ணஸங்குலா꞉ ॥ 9 ॥
கப³ந்தா⁴நி ஸமுத்பேதுர்பீ⁴ரூணாம் பீ⁴ஷணாநி வை ।
பு⁴ஜபாணிஶிரஶ்சி²ந்நாஶ்சி²ந்நகாயாஶ்ச பூ⁴தலே ॥ 10 ॥
வாநரா ராக்ஷஸாஶ்சாபி நிபேதுஸ்தத்ர வை ரணே ।
ததோ வாநரஸைந்யேந ஹந்யமாநம் நிஶாசரம் ॥ 11 ॥
ப்ராப⁴ஜ்யத ப³லம் ஸர்வம் வஜ்ரத³ம்ஷ்ட்ரஸ்ய பஶ்யத꞉ ।
ராக்ஷஸாந்ப⁴யவித்ரஸ்தாந்ஹந்யமாநாந் ப்லவங்க³மை꞉ ॥ 12 ॥
த்³ருஷ்ட்வா ஸ ரோஷதாம்ராக்ஷோ வஜ்ரத³ம்ஷ்ட்ர꞉ ப்ரதாபவாந் ।
ப்ரவிவேஶ த⁴நுஷ்பாணிஸ்த்ராஸயந்ஹரிவாஹிநீம் ॥ 13 ॥
ஶரைர்விதா³ரயாமாஸ கங்கபத்ரைரஜிஹ்மகை³꞉ ।
பி³பே⁴த³ வாநராம்ஸ்தத்ர ஸப்தாஷ்டௌ நவ பஞ்ச ச ॥ 14 ॥
விவ்யாத⁴ பரமக்ருத்³தோ⁴ வஜ்ரத³ம்ஷ்ட்ர꞉ ப்ரதாபவாந் ।
த்ரஸ்தா꞉ ஸர்வே ஹரிக³ணா꞉ ஶரை꞉ ஸங்க்ருத்ததே³ஹிந꞉ ॥ 15 ॥ [கந்த⁴ரா꞉]
அங்க³த³ம் ஸம்ப்ரதா⁴வந்தி ப்ரஜாபதிமிவ ப்ரஜா꞉ ।
ததோ ஹரிக³ணாந்ப⁴க்³நாந்த்³ருஷ்ட்வா வாலிஸுதஸ்ததா³ ॥ 16 ॥
க்ரோதே⁴ந வஜ்ரத³ம்ஷ்ட்ரம் தமுதீ³க்ஷந்தமுதை³க்ஷத ।
வஜ்ரத³ம்ஷ்ட்ரோங்க³த³ஶ்சோபௌ⁴ ஸங்க³தௌ ஹரிராக்ஷஸௌ ॥ 17 ॥
சேரது꞉ பரமக்ருத்³தௌ⁴ ஹரிமத்தக³ஜாவிவ ।
தத꞉ ஶரஸஹஸ்ரேண வாலிபுத்ரம் மஹாப³ல꞉ ॥ 18 ॥
ஜகா⁴ந மர்மதே³ஶேஷு மாதங்க³மிவ தோமரை꞉ ।
ருதி⁴ரோக்ஷிதஸர்வாங்கோ³ வாலிஸூநுர்மஹாப³ல꞉ ॥ 19 ॥
சிக்ஷேப வஜ்ரத³ம்ஷ்ட்ராய வ்ருக்ஷம் பீ⁴மபராக்ரம꞉ ।
த்³ருஷ்ட்வா பதந்தம் தம் வ்ருக்ஷமஸம்ப்⁴ராந்தஶ்ச ராக்ஷஸ꞉ ॥ 20 ॥
சிச்சே²த³ ப³ஹுதா⁴ ஸோ(அ)பி நிக்ருத்த꞉ பதிதோ பு⁴வி ।
தம் த்³ருஷ்ட்வா வஜ்ரத³ம்ஷ்ட்ரஸ்ய விக்ரமம் ப்லவக³ர்ஷப⁴꞉ ॥ 21 ॥
ப்ரக்³ருஹ்ய விபுலம் ஶைலம் சிக்ஷேப ச நநாத³ ச ।
ஸமாபதந்தம் தம் த்³ருஷ்ட்வா ரதா²தா³ப்லுத்ய வீர்யவாந் ॥ 22 ॥
க³தா³பாணிரஸம்ப்⁴ராந்த꞉ ப்ருதி²வ்யாம் ஸமதிஷ்ட²த ।
ஸாங்க³தே³ந க³தா³(ஆ)க்ஷிப்தா க³த்வா து ரணமூர்த⁴நி ॥ 23 ॥
ஸ சக்ரகூப³ரம் ஸாஶ்வம் ப்ரமமாத² ரத²ம் ததா³ ।
ததோ(அ)ந்யம் கி³ரிமாக்ஷிப்ய விபுலம் த்³ருமபூ⁴ஷிதம் ॥ 24 ॥
வஜ்ரத³ம்ஷ்ட்ரஸ்ய ஶிரஸி பாதயாமாஸ ஸோங்க³த³꞉ ।
அப⁴வச்சோ²ணிதோத்³கா³ரீ வஜ்ரத³ம்ஷ்ட்ர꞉ ஸ மூர்சி²த꞉ ॥ 25 ॥
முஹூர்தமப⁴வந்மூடோ⁴ க³தா³மாலிங்க்³ய நி꞉ஶ்வஸந் ।
ஸ லப்³த⁴ஸஞ்ஜ்ஞோ க³த³யா வாலிபுத்ரமவஸ்தி²தம் ॥ 26 ॥
ஜகா⁴ந பரமக்ருத்³தோ⁴ வக்ஷோதே³ஶே நிஶாசர꞉ ।
க³தா³ம் த்யக்த்வா ததஸ்தத்ர முஷ்டியுத்³த⁴மவர்தத ॥ 27 ॥
அந்யோந்யம் ஜக்⁴நதுஸ்தத்ர தாவுபௌ⁴ ஹரிராக்ஷஸௌ ।
ருதி⁴ரோத்³கா³ரிணௌ தௌ து ப்ரஹரைர்ஜநிதஶ்ரமௌ ॥ 28 ॥
ப³பூ⁴வது꞉ ஸுவிக்ராந்தாவங்கா³ரகபு³தா⁴விவ ।
தத꞉ பரமதேஜஸ்வீ அங்க³த³꞉ கபிகுஞ்ஜர꞉ ॥ 29 ॥
உத்பாட்ய வ்ருக்ஷம் ஸ்தி²தவாந்ப³ஹுபுஷ்பப²லாந்விதம் ।
ஜக்³ராஹ சார்ஷப⁴ம் சர்ம க²ட்³க³ம் ச விபுலம் ஶுப⁴ம் ॥ 30 ॥
கிங்கிணீஜாலஸஞ்ச²ந்நம் சர்மணா ச பரிஷ்க்ருதம் ।
[* வஜ்ரத³ம்ஷ்ட்ரோ(அ)த² ஜக்³ராஹ ஸோங்க³தோ³(அ)ப்யஸி சர்மணீ । *]
விசித்ராம்ஶ்சேரதுர்மார்கா³ந்ருஷிதௌ கபிராக்ஷஸௌ ॥ 31 ॥
ஜக்⁴நதுஶ்ச ததா³(அ)ந்யோந்யம் நிர்த³யம் ஜயகாங்க்ஷிணௌ ।
வ்ரணை꞉ ஸாஸ்ரைரஶோபே⁴தாம் புஷ்பிதாவிவ கிம்ஶுகௌ ॥ 32 ॥
யுத்⁴யமாநௌ பரிஶ்ராந்தௌ ஜாநுப்⁴யாமவநீம் க³தௌ ।
நிமேஷாந்தரமாத்ரேண அங்க³த³꞉ கபிகுஞ்ஜர꞉ ॥ 33 ॥
உத³திஷ்ட²த தீ³ப்தாக்ஷோ த³ண்டா³ஹத இவோரக³꞉ ।
நிர்மலேந ஸுதௌ⁴தேந க²ட்³கே³நாஸ்ய மஹச்சி²ர꞉ ॥ 34 ॥
ஜகா⁴ந வஜ்ரத³ம்ஷ்ட்ரஸ்ய வாலிஸூநுர்மஹாப³ல꞉ ।
ருதி⁴ரோக்ஷிதகா³த்ரஸ்ய ப³பூ⁴வ பதிதம் த்³விதா⁴ ॥ 35 ॥
ஸ ரோஷபரிவ்ருத்தாக்ஷம் ஶுப⁴ம் க²ட்³க³ஹதம் ஶிர꞉ ।
வஜ்ரத³ம்ஷ்ட்ரம் ஹதம் த்³ருஷ்ட்வா ராக்ஷஸா ப⁴யமோஹிதா꞉ ॥ 36 ॥
த்ரஸ்தா꞉ ப்ரத்யபதம்ˮல்லங்காம் வத்⁴யமாநா꞉ ப்லவங்க³மை꞉ ।
விஷண்ணவத³நா தீ³நா ஹ்ரியா கிஞ்சித³வாங்முகா²꞉ ॥ 37 ॥
நிஹத்ய தம் வஜ்ரத⁴ரப்ரபா⁴வ꞉
ஸ வாலிஸூநு꞉ கபிஸைந்யமத்⁴யே ।
ஜகா³ம ஹர்ஷம் மஹிதோ மஹாப³ல꞉
ஸஹஸ்ரநேத்ரஸ்த்ரித³ஶைரிவாவ்ருத꞉ ॥ 38 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ சது꞉பஞ்சாஶ꞉ ஸர்க³꞉ ॥ 54 ॥
யுத்³த⁴காண்ட³ பஞ்சபஞ்சாஶ꞉ ஸர்க³꞉ (55) >>
ஸம்பூர்ண வால்மீகி ராமாயணே யுத்³த⁴காண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
