Read in తెలుగు / ಕನ್ನಡ / தமிழ் / देवनागरी / English (IAST)
ஆத்³யம் ரங்க³மிதி ப்ரோக்தம் விமாநம் ரங்க³ஸஞ்ஜ்ஞிதம் ।
ஶ்ரீமுஷ்ணம் வேங்கடாத்³ரிம் ச ஸாலக்³ராமம் ச நைமிஶம் ॥
தோயாத்³ரிம் புஷ்கரம் சைவ நரநாராயணாஶ்ரமம் ।
அஷ்டௌ மே மூர்தய꞉ ஸந்தி ஸ்வயம்வ்யக்தா மஹீதலே ॥
ஶ்ரீஸூத உவாச ।
ஶ்ரீருத்³ரமுக²நிர்ணீதமுராரிகு³ணஸத்கதா² ।
ஸந்துஷ்டா பார்வதீ ப்ராஹ ஶங்கரம் லோகஶங்கரம் ॥ 1 ॥
ஶ்ரீபார்வத்யுவாச ।
ஶ்ரீமுஷ்ணேஶஸ்ய மாஹாத்ம்யம் வராஹஸ்ய மஹாத்மந꞉ ।
ஶ்ருத்வா த்ருப்திர்ந மே ஜாதா மந꞉ கௌதூஹலாயதே ।
ஶ்ரோதும் தத்³தே³வமாஹாத்ம்யம் தஸ்மாத்³வர்ணய மே புந꞉ ॥ 2 ॥
ஶ்ரீஶங்கர உவாச ।
ஶ்ருணு தே³வி ப்ரவக்ஷ்யாமி ஶ்ரீமுஷ்ணேஶஸ்ய வைப⁴வம் ।
யஸ்ய ஶ்ரவணமாத்ரேண மஹாபாபை꞉ ப்ரமுச்யதே ।
ஸர்வேஷாமேவ தீர்தா²நாம் தீர்த²ராஜோ(அ)பி⁴தீ⁴யதே ॥ 3 ॥
நித்யபுஷ்கரிணீ நாம்நீ ஶ்ரீமுஷ்ணே யா ச வர்ததே ।
ஜாதா ஶ்ரமாபஹா புண்யா வராஹஶ்ரமவாரிணா ॥ 4 ॥
விஷ்ணோரங்கு³ஷ்ட²ஸம்ஸ்பர்ஶாத் புண்யதா³ க²லு ஜாஹ்நவீ ।
விஷ்ணோ꞉ ஸர்வாங்க³ஸம்பூ⁴தா நித்யபுஷ்கரிணீ ஶுபா⁴ ॥ 5 ॥
மஹாநதீ³ ஸஹஸ்ரேண நித்யதா³ ஸங்க³தா ஶுபா⁴ ।
ஸக்ருத் ஸ்நாத்வா விமுக்தாக⁴꞉ ஸத்³யோ யாதி ஹரே꞉ பத³ம் ॥ 6 ॥
தஸ்யா ஆக்³நேயபா⁴கே³ து அஶ்வத்த²ச்சா²யயோத³கே ।
ஸ்நாநம் க்ருத்வா பிப்பலஸ்ய க்ருத்வா சாபி ப்ரத³க்ஷிணம் ॥ 7 ॥
த்³ருஷ்ட்வா ஶ்வேதவராஹம் ச மாஸமேகம் நயேத்³யதி³ ।
காலம்ருத்யும் விநிர்ஜித்ய ஶ்ரியா பரமயா யுத꞉ ॥ 8 ॥
ஆதி⁴வ்யாதி⁴விநிர்முக்தோ க்³ரஹபீடா³விவர்ஜித꞉ ।
பு⁴க்த்வா போ⁴கா³நநேகாம்ஶ்ச மோக்ஷமந்தே வ்ரஜேத் த்⁴ருவம் ॥ 9 ॥
அஶ்வத்த²மூலே(அ)ர்கவாரே நித்யபுஷ்கரிணீதடே ।
வராஹகவசம் ஜப்த்வா ஶதவாரம் ஜிதேந்த்³ரிய꞉ ॥ 10 ॥
க்ஷயாபஸ்மாரகுஷ்டா²த்³யை꞉ மஹாரோகை³꞉ ப்ரமுச்யதே ।
வராஹகவசம் யஸ்து ப்ரத்யஹம் பட²தே யதி³ ॥ 11 ॥
ஶத்ருபீடா³விநிர்முக்தோ பூ⁴பதித்வமவாப்நுயாத் ।
லிகி²த்வா தா⁴ரயேத்³யஸ்து பா³ஹுமூலே க³ளே(அ)த² வா ॥ 12 ॥
பூ⁴தப்ரேதபிஶாசாத்³யா꞉ யக்ஷக³ந்த⁴ர்வராக்ஷஸா꞉ ।
ஶத்ரவோ கோ⁴ரகர்மாணோ யே சாந்யே விஷஜந்தவ꞉ ।
நஷ்டத³ர்பா விநஶ்யந்தி வித்³ரவந்தி தி³ஶோ த³ஶ ॥ 13 ॥
ஶ்ரீபார்வத்யுவாச ।
தத்³ப்³ரூஹி கவசம் மஹ்யம் யேந கு³ப்தோ ஜக³த்த்ரயே ।
ஸஞ்சரேத்³தே³வவந்மர்த்ய꞉ ஸர்வஶத்ருவிபீ⁴ஷண꞉ ।
யேநாப்நோதி ச ஸாம்ராஜ்யம் தந்மே ப்³ரூஹி ஸதா³ஶிவ ॥ 14 ॥
ஶ்ரீஶங்கர உவாச ।
ஶ்ருணு கல்யாணி வக்ஷ்யாமி வாராஹகவசம் ஶுப⁴ம் ।
யேந கு³ப்தோ லபே⁴ந்மர்த்யோ விஜயம் ஸர்வஸம்பத³ம் ॥ 15 ॥
அங்க³ரக்ஷாகரம் புண்யம் மஹாபாதகநாஶநம் ।
ஸர்வரோக³ப்ரஶமநம் ஸர்வது³ர்க்³ரஹநாஶநம் ॥ 16 ॥
விஷாபி⁴சாரக்ருத்யாதி³ஶத்ருபீடா³நிவாரணம் ।
நோக்தம் கஸ்யாபி பூர்வம் ஹி கோ³ப்யாத்³கோ³ப்யதரம் யத꞉ ॥ 17 ॥
வராஹேண புரா ப்ரோக்தம் மஹ்யம் ச பரமேஷ்டி²நே ।
யுத்³தே⁴ஷு ஜயத³ம் தே³வி ஶத்ருபீடா³நிவாரணம் ॥ 18 ॥
வராஹகவசாத்³கு³ப்தோ நா(அ)ஶுப⁴ம் லப⁴தே நர꞉ ।
வராஹகவசஸ்யாஸ்ய ருஷிர்ப்³ரஹ்மா ப்ரகீர்தித꞉ ॥ 19 ॥
ச²ந்தோ³(அ)நுஷ்டுப் ததா² தே³வோ வராஹோ பூ⁴பரிக்³ரஹ꞉ ।
ப்ரக்ஷால்ய பாதௌ³ பாணீ ச ஸம்யகா³சம்ய வாரிணா ॥ 20 ॥
க்ருதஸ்வாங்க³கரந்யாஸ꞉ ஸபவித்ர உத³ங்முக²꞉ ।
ஓம் பூ⁴ர்ப⁴வ꞉ ஸுவரிதி நமோ பூ⁴பதயே(அ)பி ச ॥ 21 ॥
நமோ ப⁴க³வதே பஶ்சாத் வராஹாய நமஸ்ததா² ।
ஏவம் ஷட³ங்க³ம் ந்யாஸம் ச ந்யஸேத³ங்கு³ளிஷு க்ரமாத் ॥ 22 ॥
நம꞉ ஶ்வேதவராஹாய மஹாகோலாய பூ⁴பதே ।
யஜ்ஞாங்கா³ய ஶுபா⁴ங்கா³ய ஸர்வஜ்ஞாய பராத்மநே ॥ 23 ॥
ஸ்ரவதுண்டா³ய தீ⁴ராய பரப்³ரஹ்மஸ்வரூபிணே ।
வக்ரத³ம்ஷ்ட்ராய நித்யாய நமோ(அ)ந்தைர்நாமபி⁴꞉ க்ரமாத் ॥ 24 ॥
அங்கு³ளீஷு ந்யஸேத்³வித்³வாந் கரப்ருஷ்ட²தலேஷ்வபி ।
த்⁴யாத்வா ஶ்வேதவராஹம் ச பஶ்சாந்மந்த்ரமுதீ³ரயேத் ॥ 25 ॥
த்⁴யாநம் –
ஓம் । ஶ்வேதம் வராஹவபுஷம் க்ஷிதிமுத்³த⁴ரந்தம்
ஶங்கா⁴ரிஸர்வவரதா³(அ)ப⁴யயுக்தபா³ஹும் ।
த்⁴யாயேந்நிஜைஶ்ச தநுபி⁴꞉ ஸகலைருபேதம்
பூர்ணம் விபு⁴ம் ஸகலவாஞ்சி²தஸித்³த⁴யே(அ)ஜம் ॥ 26 ॥
கவசம் –
வராஹ꞉ பூர்வத꞉ பாது த³க்ஷிணே த³ண்ட³காந்தக꞉ ।
ஹிரண்யாக்ஷஹர꞉ பாது பஶ்சிமே க³த³யா யுத꞉ ॥ 27 ॥
உத்தரே பூ⁴மிஹ்ருத் பாது அத⁴ஸ்தாத்³வாயுவாஹந꞉ ।
ஊர்த்⁴வம் பாது ஹ்ருஷீகேஶோ தி³க்³விதி³க்ஷு க³தா³த⁴ர꞉ ॥ 28 ॥
ப்ராத꞉ பாது ப்ரஜாநாத²꞉ கல்பக்ருத் ஸங்க³மே(அ)வது ।
மத்⁴யாஹ்நே வஜ்ரகேஶஸ்து ஸாயாஹ்நே ஸர்வபூஜித꞉ ॥ 29 ॥
ப்ரதோ³ஷே பாது பத்³மாக்ஷோ ராத்ரௌ ராஜீவலோசந꞉ ।
நிஶீந்த்³ரக³ர்வஹா பாது பாதூஷ꞉ பரமேஶ்வர꞉ ॥ 30 ॥
அடவ்யாமக்³ரஜ꞉ பாது க³மநே க³ருடா³ஸந꞉ ।
ஸ்த²லே பாது மஹாதேஜா꞉ ஜலே பாத்வவநீபதி꞉ ॥ 31 ॥
க்³ருஹே பாது க்³ருஹாத்⁴யக்ஷ꞉ பத்³மநாப⁴꞉ புரோ(அ)வது ।
ஜி²ல்லிகாவரத³꞉ பாது ஸ்வக்³ராமே கருணாகர꞉ ॥ 32 ॥
ரணாக்³ரே தை³த்யஹா பாது விஷமே பாது சக்ரப்⁴ருத் ।
ரோகே³ஷு வைத்³யராஜஸ்து கோலோ வ்யாதி⁴ஷு ரக்ஷது ॥ 33 ॥
தாபத்ரயாத் தபோமூர்தி꞉ கர்மபாஶாச்ச விஶ்வக்ருத் ।
க்லேஶகாலேஷு ஸர்வேஷு பாது பத்³மாபதிர்விபு⁴꞉ ॥ 34 ॥
ஹிரண்யக³ர்ப⁴ஸம்ஸ்துத்ய꞉ பாதௌ³ பாது நிரந்தரம் ।
கு³ள்பௌ² கு³ணாகர꞉ பாது ஜங்கே⁴ பாது ஜநார்த³ந꞉ ॥ 35 ॥
ஜாநூ ச ஜயக்ருத் பாது பாதூரூ புருஷோத்தம꞉ ।
ரக்தாக்ஷோ ஜக⁴நே பாது கடிம் விஶ்வம்ப⁴ரோ(அ)வது ॥ 36 ॥
பார்ஶ்வே பாது ஸுராத்⁴யக்ஷ꞉ பாது குக்ஷிம் பராத்பர꞉ ।
நாபி⁴ம் ப்³ரஹ்மபிதா பாது ஹ்ருத³யம் ஹ்ருத³யேஶ்வர꞉ ॥ 37 ॥
மஹாத³ம்ஷ்ட்ர꞉ ஸ்தநௌ பாது கண்ட²ம் பாது விமுக்தித³꞉ ।
ப்ரப⁴ஞ்ஜநபதிர்பா³ஹூ கரௌ காமபிதா(அ)வது ॥ 38 ॥
ஹஸ்தௌ ஹம்ஸபதி꞉ பாது பாது ஸர்வாங்கு³ளீர்ஹரி꞉ ।
ஸர்வாங்க³ஶ்சிபு³கம் பாது பாத்வோஷ்டௌ² காலநேமிஹா ॥ 39 ॥
முக²ம் து மது⁴ஹா பாது த³ந்தாந் தா³மோத³ரோ(அ)வது ।
நாஸிகாமவ்யய꞉ பாது நேத்ரே ஸூர்யேந்து³ளோசந꞉ ॥ 40 ॥
பா²லம் கர்மப²லாத்⁴யக்ஷ꞉ பாது கர்ணௌ மஹாரத²꞉ ।
ஶேஷஶாயீ ஶிர꞉ பாது கேஶாந் பாது நிராமய꞉ ॥ 41 ॥
ஸர்வாங்க³ம் பாது ஸர்வேஶ꞉ ஸதா³ பாது ஸதீஶ்வர꞉ ।
இதீத³ம் கவசம் புண்யம் வராஹஸ்ய மஹாத்மந꞉ ॥ 42 ॥
ய꞉ படே²த் ஶ்ருணுயாத்³வாபி தஸ்ய ம்ருத்யுர்விநஶ்யதி ।
தம் நமஸ்யந்தி பூ⁴தாநி பீ⁴தா꞉ ஸாஞ்ஜலிபாணய꞉ ॥ 43 ॥
ராஜத³ஸ்யுப⁴யம் நாஸ்தி ராஜ்யப்⁴ரம்ஶோ ந ஜாயதே ।
யந்நாமஸ்மரணாத்³பீ⁴தா꞉ பூ⁴தவேதாலராக்ஷஸா꞉ ॥ 44 ॥
மஹாரோகா³ஶ்ச நஶ்யந்தி ஸத்யம் ஸத்யம் வதா³ம்யஹம் ।
கண்டே² து கவசம் ப³த்³த்⁴வா வந்த்⁴யா புத்ரவதீ ப⁴வேத் ॥ 45 ॥
ஶத்ருஸைந்யக்ஷயப்ராப்தி꞉ து³꞉க²ப்ரஶமநம் ததா² ।
உத்பாதது³ர்நிமித்தாதி³ஸூசிதாரிஷ்டநாஶநம் ॥ 46 ॥
ப்³ரஹ்மவித்³யாப்ரபோ³த⁴ம் ச லப⁴தே நாத்ர ஸம்ஶய꞉ ।
த்⁴ருத்வேத³ம் கவசம் புண்யம் மாந்தா⁴தா பரவீரஹா ॥ 47 ॥
ஜித்வா து ஶாம்ப³ரீம் மாயாம் தை³த்யேந்த்³ராநவதீ⁴த் க்ஷணாத் ।
கவசேநாவ்ருதோ பூ⁴த்வா தே³வேந்த்³ரோ(அ)பி ஸுராரிஹா ॥ 48 ॥
பூ⁴ம்யோபதி³ஷ்டகவசதா⁴ரணாந்நரகோ(அ)பி ச ।
ஸர்வாவத்⁴யோ ஜயீ பூ⁴த்வா மஹதீம் கீர்திமாப்தவாந் ॥ 49 ॥
அஶ்வத்த²மூலே(அ)ர்கவாரே நித்ய புஷ்கரிணீதடே ।
வராஹகவசம் ஜப்த்வா ஶதவாரம் படே²த்³யதி³ ॥ 50 ॥
அபூர்வராஜ்யஸம்ப்ராப்திம் நஷ்டஸ்ய புநராக³மம் ।
லப⁴தே நாத்ர ஸந்தே³ஹ꞉ ஸத்யமேதந்மயோதி³தம் ॥ 51 ॥
ஜப்த்வா வராஹமந்த்ரம் து லக்ஷமேகம் நிரந்தரம் ।
த³ஶாம்ஶம் தர்பணம் ஹோமம் பாயஸேந க்⁴ருதேந ச ॥ 52 ॥
குர்வந் த்ரிகாலஸந்த்⁴யாஸு கவசேநாவ்ருதோ யதி³ ।
பூ⁴மண்ட³லாதி⁴பத்யம் ச லப⁴தே நாத்ர ஸம்ஶய꞉ ॥ 53 ॥
இத³முக்தம் மயா தே³வி கோ³பநீயம் து³ராத்மநாம் ।
வராஹகவசம் புண்யம் ஸம்ஸாரார்ணவதாரகம் ॥ 54 ॥
மஹாபாதககோடிக்⁴நம் பு⁴க்திமுக்திப²லப்ரத³ம் ।
வாச்யம் புத்ராய ஶிஷ்யாய ஸத்³வ்ருதாய ஸுதீ⁴மதே ॥ 55 ॥
ஶ்ரீஸூத உவாச ।
இதி பத்யுர்வச꞉ ஶ்ருத்வா தே³வீ ஸந்துஷ்டமாநஸா ।
விநாயககு³ஹௌ புத்ரௌ ப்ரபேதே³ த்³வௌ ஸுரார்சிதௌ ॥ 56 ॥
கவசஸ்ய ப்ரபா⁴வேந லோகமாதா ச பார்வதீ ।
ய இத³ம் ஶ்ருணுயாந்நித்யம் யோ வா பட²தி நித்யஶ꞉ ।
ஸ முக்த꞉ ஸர்வபாபேப்⁴யோ விஷ்ணுலோகே மஹீயதே ॥ 57 ॥
இதி ஶ்ரீ வராஹ கவசம் ।
மேலும் ஶ்ரீ விஷ்ணு ஸ்தோத்திரங்கள் பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
