Sri Bala Makaranda Stava – ஶ்ரீ பா³லா மகரந்த³ ஸ்தவ꞉

ஶ்ரீருத்³ர உவாச ।
ஶ்ருணு தே³வி ப்ரவக்ஷ்யாமி மகரந்த³ஸ்தவம் ஶுப⁴ம் ।
கோ³ப்யாத்³கோ³ப்யதரம் கோ³ப்யம் மஹாகௌதூஹலம் பரம் ॥ 1 ॥

பா³லாயா꞉ பரமேஶாந்யா꞉ ஸ்தோத்ரசூடா³மணி꞉ ஶிவே ।
மகரந்த³ஸ்ய ஸ்தோத்ரஸ்ய ருஷிர்நாரத³ஸஞ்ஜ்ஞக꞉ ॥ 2 ॥

ச²ந்தோ³(அ)நுஷ்டுபுதா³க்²யாதம் ஶ்ரீபா³லா தே³வதா ஸ்ம்ருதா ।
ஐம் பீ³ஜம் ஶக்தி꞉ ஸௌ꞉ ப்ரோக்தம் கீலகம் க்லீம் ததை²வ ச ॥ 3 ॥

போ⁴க³மோக்ஷஸ்ய ஸித்³த்⁴யர்தே² விநியோக³꞉ ப்ரகீர்தித꞉ ।
நமஸ்தே(அ)ஸ்து பராம் ஶக்திம் நமஸ்தே ப⁴க்தவத்ஸலே ॥ 4 ॥

நமஸ்தே(அ)ஸ்து கு³ணாதீதாம் பா³லாம் ஸித்³தி⁴ப்ரதா³ம்பி³காம் ।
ப⁴வது³꞉கா²ப்³தி⁴தரணீம் பரம் நிர்வாணதா³யிநீம் ॥ 5 ॥

த⁴நதா³ம் ஜ்ஞாநதா³ம் ஸத்யாம் ஶ்ரீபா³லாம் ப்ரணமாம்யஹம் ।
ஸித்³தி⁴ப்ரதா³ம் ஜ்ஞாநரூபாம் சதுர்வர்க³ப²லப்ரதா³ம் ॥ 6 ॥

ஆதி⁴வ்யாதி⁴ஹராம் வந்தே³ ஶ்ரீபா³லாம் பரமேஶ்வரீம் ।
ஐங்காரரூபிணீம் ப⁴த்³ராம் க்லீங்காரகு³ணஸம்ப⁴வாம் ॥ 7 ॥

ஸௌ꞉காரரூபரூபேஶீம் பா³லாம் பா³லார்கஸந்நிபா⁴ம் ।
ஊர்த்⁴வாம்நாயேஶ்வரீம் தே³வீம் ரக்தாம் ரக்தவிளேபநாம் ॥ 8 ॥

ரக்தவஸ்த்ரத⁴ராம் ஸௌம்யாம் ஶ்ரீபா³லாம் ப்ரணமாம்யஹம் ।
ராஜராஜேஶ்வரீம் தே³வீம் ரஜோகு³ணாத்மிகாம் ப⁴ஜே ॥ 9 ॥

ப்³ரஹ்மவித்³யாம் மஹாமாயாம் த்ரிகு³ணாத்மகரூபிணீம் ।
பஞ்சப்ரேதாஸநஸ்தா²ம் ச பஞ்சமகாரப⁴க்ஷகாம் ॥ 10 ॥

பஞ்சபூ⁴தாத்மிகாம் சைவ நமஸ்தே கருணாமயீம் ।
ஸர்வது³꞉க²ஹராம் தி³வ்யாம் ஸர்வஸௌக்²யப்ரதா³யிநீம் ॥ 11 ॥

ஸித்³தி⁴தா³ம் மோக்ஷதா³ம் ப⁴த்³ராம் ஶ்ரீபா³லாம் பா⁴வயாம்யஹம் ।
நமஸ்தஸ்யை மஹாதே³வ்யை தே³வதே³வேஶ்வரி பரே ॥ 12 ॥

ஸர்வோபத்³ரவநாஶிந்யை பா³லாயை ஸததம் நம꞉ ।
கு³ஹ்யாத்³கு³ஹ்யதராம் கு³ப்தாம் கு³ஹ்யேஶீம் தே³வபூஜிதாம் ॥ 13 ॥

ஹரமௌளிஸ்தி²தாம் தே³வீம் பா³லாம் வாக்ஸித்³தி⁴தா³ம் ஶிவாம் ।
வ்ரணஹாம் ஸோமதிலகாம் ஸோமபாநரதாம் பராம் ॥ 14 ॥

ஸோமஸூர்யாக்³நிநேத்ராம் ச வந்தே³(அ)ஹம் ஹரவல்லபா⁴ம் ।
அசிந்த்யாகாரரூபாக்²யாம் ஓங்காராக்ஷரரூபிணீம் ॥ 15 ॥

த்ரிகாலஸந்த்⁴யாரூபாக்²யாம் ப⁴ஜாமி ப⁴க்ததாரிணீம் ।
கீர்திதா³ம் யோக³தா³ம் ராதா³ம் ஸௌக்²யநிர்வாணதா³ம் ததா² ॥ 16 ॥

மந்த்ரஸித்³தி⁴ப்ரதா³மீடே³ ஸ்ருஷ்டிஸ்தி²த்யந்தகாரிணீம் ।
நமஸ்துப்⁴யம் ஜக³த்³தா⁴த்ரி ஜக³த்தாரிணி சாம்பி³கே ॥ 17 ॥

ஸர்வவ்ருத்³தி⁴ப்ரதே³ தே³வி ஶ்ரீவித்³யாயை நமோ(அ)ஸ்து தே ।
த³யாரூப்யை நமஸ்தே(அ)ஸ்து க்ருபாரூப்யை நமோ(அ)ஸ்து தே ॥ 18 ॥

ஶாந்திரூப்யை நமஸ்தே(அ)ஸ்து த⁴ர்மரூப்யை நமோ நம꞉ ।
பூர்ணப்³ரஹ்மஸ்வரூபிண்யை நமஸ்தே(அ)ஸ்து நமோ நம꞉ ॥ 19 ॥

ஜ்ஞாநார்ணவாயை ஸர்வாயை நமஸ்தே(அ)ஸ்து நமோ நம꞉ ।
பூதாத்மாயை பராத்மாயை மஹாத்மாயை நமோ நம꞉ ॥ 20 ॥

ஆதா⁴ரகுண்ட³லீதே³வ்யை பூ⁴யோ பூ⁴யோ நமாம்யஹம் ।
ஷட்சக்ரபே⁴தி³நீ பூர்ணா ஷடா³ம்நாயேஶ்வரீ பரா ॥ 21 ॥

பராபராத்மிகா ஸித்³தா⁴ ஶ்ரீபா³லா ஶரணம் மம ।
இத³ம் ஶ்ரீமகரந்தா³க்²யம் ஸ்தோத்ரம் ஸர்வாக³மோக்தகம் ॥ 22 ॥

ஸ்தோத்ரராஜமித³ம் தே³வி தா⁴ரய த்வம் குலேஶ்வரி ।
புண்யம் யஶஸ்யமாயுஷ்யம் தே³வாநாமபி து³ர்லப⁴ம் ।
பாட²மாத்ரேண தே³வேஶி ஸர்வாரிஷ்டம் விநஶ்யதி ॥ 23 ॥

இதி ஶ்ரீருத்³ரயாமளே ஶ்ரீ பா³லா மகரந்த³ ஸ்தவ꞉ ।

Did you see any mistake/variation in the content above? Click here to report mistakes and corrections in Stotranidhi content.