Ayodhya Kanda Sarga 107 – அயோத்⁴யாகாண்ட³ ஸப்தோத்தரஶததம꞉ ஸர்க³꞉ (107)


॥ ராமப்ரதிவசநம் ॥

புநரேவம் ப்³ருவாணம் தம் ப⁴ரதம் லக்ஷ்மணாக்³ரஜ꞉ ।
ப்ரத்யுவாச தத꞉ ஶ்ரீமாந் ஜ்ஞாதிமத்⁴யே(அ)பி⁴ஸத்க்ருத꞉ ॥ 1 ॥

உபபந்நமித³ம் வாக்யம் யத்த்வமேவமபா⁴ஷதா²꞉ ।
ஜாத꞉ புத்ரோ த³ஶரதா²த் கைகேய்யாம் ராஜஸத்தமாத் ॥ 2 ॥

புரா ப்⁴ராத꞉ பிதா ந꞉ ஸ மாதரம் தே ஸமுத்³வஹந் ।
மாதாமஹே ஸமாஶ்ரௌஷீத்³ராஜ்யஶுல்கமநுத்தமம் ॥ 3 ॥

தை³வாஸுரே ச ஸங்க்³ராமே ஜநந்யை தவ பார்தி²வ꞉ ।
ஸம்ப்ரஹ்ருஷ்டோ த³தௌ³ ராஜா வரமாராதி⁴த꞉ ப்ரபு⁴꞉ ॥ 4 ॥

தத꞉ ஸா ஸம்ப்ரதிஶ்ராவ்ய தவ மாதா யஶஸ்விநீ ।
அயாசத நரஶ்ரேஷ்ட²ம் த்³வௌ வரௌ வரவர்ணிநீ ॥ 5 ॥

தவ ராஜ்யம் நரவ்யாக்⁴ர மம ப்ரவ்ராஜநம் ததா² ।
தௌ ச ராஜா ததா³ தஸ்யை நியுக்த꞉ ப்ரத³தௌ³ வரௌ ॥ 6 ॥

தேந பித்ரா(அ)ஹமப்யத்ர நியுக்த꞉ புருஷர்ஷப⁴ ।
சதுர்த³ஶ வநே வாஸம் வர்ஷாணி வரதா³நிகம் ॥ 7 ॥

ஸோ(அ)ஹம் வநமித³ம் ப்ராப்தோ நிர்ஜநம் லக்ஷ்மணாந்வித꞉ ।
ஸீதயா சாப்ரதித்³வந்த்³வ꞉ ஸத்யவாதே³ ஸ்தி²த꞉ பிது꞉ ॥ 8 ॥

ப⁴வாநபி ததே²த்யேவ பிதரம் ஸத்யவாதி³நம் ।
கர்துமர்ஹதி ராஜேந்த்³ர க்ஷிப்ரமேவாபி⁴ஷேசநாத் ॥ 9 ॥

ருணாந்மோசய ராஜாநம் மத்க்ருதே ப⁴ரதப்ரபு⁴ம் ।
பிதரம் சாபி த⁴ர்மஜ்ஞம் மாதரம் சாபி⁴நந்த³ய ॥ 10 ॥

ஶ்ரூயதே ஹி புரா தாத ஶ்ருதிர்கீ³தா யஶஸ்விநா ।
க³யேந யஜமாநேந க³யேஷ்வேவ பிதந் ப்ரதி ॥ 11 ॥

புந்நாம்நோ நரகாத்³யஸ்மாத் பிதரம் த்ராயதே ஸுத꞉ ।
தஸ்மாத் புத்ர இதி ப்ரோக்த꞉ பித்ரூந் யத்பாதி வா ஸுத꞉ ॥ 12 ॥

ஏஷ்டவ்யா ப³ஹவ꞉ புத்ரா கு³ணவந்தோ ப³ஹுஶ்ருதா꞉ ।
தேஷாம் வை ஸமவேதாநாமபி கஶ்சித்³க³யாம் வ்ரஜேத் ॥ 13 ॥

ஏவம் ராஜர்ஷய꞉ ஸர்வே ப்ரதீதா ராஜநந்த³ந ।
தஸ்மாத் த்ராஹி நரஶ்ரேஷ்ட² பிதரம் நரகாத் ப்ரபோ⁴ ॥ 14 ॥

அயோத்⁴யாம் க³ச்ச² ப⁴ரத ப்ரக்ருதீரநுரஞ்ஜய ।
ஶத்ருக்⁴நஸஹிதோ வீர ஸஹ ஸர்வைர்த்³விஜாதிபி⁴꞉ ॥ 15 ॥

ப்ரவேக்ஷ்யே த³ண்ட³காரண்யமஹமப்யவிளம்ப³யந் ।
ஆப்⁴யாம் து ஸஹிதோ ராஜந் வைதே³ஹ்யா லக்ஷ்மணேந ச ॥ 16 ॥

த்வம் ராஜா ப⁴ரத ப⁴வ ஸ்வயம் நராணாம்
வந்யாநாமஹமபி ராஜராண்ம்ருகா³ணாம் ।
க³ச்ச²த்வம் புரவரமத்³ய ஸம்ப்ரஹ்ருஷ்ட꞉
ஸம்ஹ்ருஷ்டஸ்த்வஹமபி த³ண்ட³காந் ப்ரவேக்ஷ்யே ॥ 17 ॥

சா²யாம் தே தி³நகரபா⁴꞉ ப்ரபா³த⁴மாநம்
வர்ஷத்ரம் ப⁴ரத கரோது மூர்த்⁴நி ஶீதாம் ।
ஏதேஷாமஹமபி காநநத்³ருமாணாம்
சா²யாம் தாமதிஶயிநீம் ஸுகீ² ஶ்ரயிஷ்யே ॥ 18 ॥

ஶத்ருக்⁴ந꞉ குஶலமதிஸ்து தே ஸஹாய꞉
ஸௌமித்ரிர்மம விதி³த꞉ ப்ரதா⁴நமித்ரம் ।
சத்வாரஸ்தநயவரா வயம் நரேந்த்³ரம்
ஸத்யஸ்த²ம் ப⁴ரத சராம மா விஷாத³ம் ॥ 19 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஸப்தோத்தரஶததம꞉ ஸர்க³꞉ ॥ 107 ॥

அயோத்⁴யாகாண்ட³ அஷ்டோத்தரஶததம꞉ ஸர்க³꞉ (108) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక: రాబోయే ఆషాఢ నవరాత్రుల సందర్భంగా "శ్రీ వారాహీ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed