Read in తెలుగు / ಕನ್ನಡ / தமிழ் / देवनागरी / English (IAST)
॥ மார்க³ஸம்ஸ்கார꞉ ॥
அத² பூ⁴மி ப்ரதே³ஶஜ்ஞா꞉ ஸூத்ரகர்மவிஶாரதா³꞉ ।
ஸ்வகர்மாபி⁴ரதா꞉ ஶூரா꞉ க²நகா யந்த்ரகாஸ்ததா² ॥ 1 ॥
கர்மாந்திகா꞉ ஸ்த²பதய꞉ புருஷா யந்த்ரகோவிதா³꞉ ।
ததா² வர்த⁴கயஶ்சைவ மார்கி³ணோ வ்ருக்ஷதக்ஷகா꞉ ॥ 2 ॥
கூபகாரா꞉ ஸுதா⁴காரா꞉ வம்ஶகர்மக்ருதஸ்ததா² ।
ஸமர்தா² யே ச த்³ரஷ்டார꞉ புரதஸ்தே ப்ரதஸ்தி²ரே ॥ 3 ॥
ஸ து ஹர்ஷாத்தமுத்³தே³ஶம் ஜநௌகோ⁴ விபுல꞉ ப்ரயாந் ।
அஶோப⁴த மஹாவேக³꞉ ஸமுத்³ர இவ பர்வணி ॥ 4 ॥
தே ஸ்வவாரம் ஸமாஸ்தா²ய வர்த்மகர்மணி கோவிதா³꞉ ।
கரணை꞉ விவிதோ⁴பேதை꞉ புரஸ்தாத்ஸம்ப்ரதஸ்தி²ரே ॥ 5 ॥
லதாவள்லீஶ்ச கு³ள்மாம்ஶ்ச ஸ்தா²ணூநஶ்மந ஏவ ச ।
ஜநாஸ்தே சக்ரிரே மார்க³ம் சிந்த³ந்த꞉ விவிதா⁴ந் த்³ருமாந் ॥ 6 ॥
அவ்ருக்ஷேஷு ச தே³ஶேஷு கேசித்³வ்ருக்ஷாநரோபயந் ।
கேசித்குடா²ரைஷ்டங்கைஶ்ச தா³த்ரைஶ்சி²ந்த³ந் க்வசித் க்வசித் ॥ 7 ॥
அபரே வீரணஸ்தம்பா³ந் ப³லிநோ ப³லவத்தரா꞉ ।
வித⁴மந்தி ஸ்ம து³ர்கா³ணி ஸ்த²லாநி ச ததஸ்தத꞉ ॥ 8 ॥
அபரே(அ)பூரயந்கூபாந் பாம்ஸுபி⁴꞉ ஶ்வப்⁴ரமாயதம் ।
நிம்நபா⁴கா³ம்ஸ்தத꞉ கேசித் ஸமாம்ஶ்சக்ரு꞉ ஸமந்தத꞉ ॥ 9 ॥
ப³ப³ந்து⁴ர்ப³ந்த⁴நீயாம்ஶ்ச க்ஷோத்³யாந் ஸஞ்சுக்ஷுது³ஸ்ததா³ ।
பி³பி⁴து³ர்பே⁴த³நீயாம்ஶ்ச தாம்ஸ்தாந்தே³ஶாந்நராஸ்ததா³ ॥ 10 ॥
அசிரேணைவ காலேந பரிவாஹாந்ப³ஹூத³காந் ।
சக்ருர்ப³ஹு விதா⁴காராந் ஸாக³ரப்ரதிமாந்ப³ஹூந் ॥ 11 ॥
நிர்ஜலேஷு ச தே³ஶேஷு கா²நயாமாஸுருத்தமாந் ।
உத³பாநாந்ப³ஹுவிதா⁴ந் வேதி³காபரிமண்டி³தாந் ॥ 12 ॥
ஸஸுதா⁴குட்டிமதல꞉ ப்ரபுஷ்பிதமஹீருஹ꞉ ।
மத்தோத்³கு⁴ஷ்ட த்³விஜக³ண꞉ பதாகாபி⁴ரளங்க்ருத꞉ ॥ 13 ॥
சந்த³நோத³கஸம்ஸிக்தர்நாநா குஸுமபூ⁴ஷித꞉ ।
ப³ஹ்வஶோப⁴த ஸேநாயா꞉ பந்தா²꞉ ஸுரபதோ²பம꞉ ॥ 14 ॥
ஆஜ்ஞாப்யாத² யதா²(அ)ஜ்ஞப்தி யுக்தாஸ்தே(அ)தி⁴க்ருதா நரா꞉ ।
ரமணீயேஷு தே³ஶேஷு ப³ஹுஸ்வாது³ப²லேஷு ச ॥ 15 ॥
யோ நிவேஶஸ்த்வபி⁴ப்ரேத꞉ ப⁴ரதஸ்ய மஹாத்மந꞉ ।
பூ⁴யஸ்தம் ஶோப⁴யாமாஸு꞉ பூ⁴ஷாபி⁴ர்பூ⁴ஷணோபமம் ॥ 16 ॥
நக்ஷத்ரேஷு ப்ரஶஸ்தேஷு முஹூர்தேஷு ச தத்³வித³꞉ ।
நிவேஶாந் ஸ்தா²பயாமாஸுர்ப⁴ரதஸ்ய மஹாத்மந꞉ ॥ 17 ॥
ப³ஹுபாம்ஸுசயாஶ்சாபி பரிகா²பரிவாரிதா꞉ ।
தந்த்ரேந்த்³ர கீலப்ரதிமா꞉ ப்ரதோலீவரஶோபி⁴தா꞉ ॥ 18 ॥
ப்ராஸாத³ மாலாவிததா꞉ ஸௌத⁴ப்ராகார ஸம்வ்ருதா꞉ ।
பதாகா ஶோபி⁴தா꞉ ஸர்வே ஸுநிர்மித மஹாபதா²꞉ ॥ 19 ॥
விஸர்பத்³பி⁴ரிவாகாஶே விடங்காக்³ரவிமாநகை꞉ ।
ஸமுச்ச்ரிதைர்நிவேஶாஸ்தே ப³பு⁴꞉ ஶக்ரபுரோபமா꞉ ॥ 20 ॥
ஜாஹ்நவீம் து ஸமாஸாத்³ய விவித⁴த்³ருமகாநநாம் ।
ஶீதளாமலபாநீயாம் மஹாமீநஸமாகுலாம் ॥ 21 ॥
ஸசந்த்³ரதாராக³ணமண்டி³தம் யதா²
நப⁴꞉ க்ஷபாயாமமலம் விராஜதே ।
நரேந்த்³ரமார்க³ஸ்ஸ ததா² வ்யராஜத
க்ரமேண ரம்ய꞉ ஶுப⁴ஶில்பிநிர்மித꞉ ॥ 22 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ அஶீதிதம꞉ ஸர்க³꞉ ॥ 80 ॥
அயோத்⁴யாகாண்ட³ ஏகாஶீதிதம꞉ ஸர்க³꞉ (81) >>
ஸம்பூர்ண வால்மீகி ராமாயணே அயோத்⁴யகாண்ட³ பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
