Ayodhya Kanda Sarga 79 – அயோத்⁴யாகாண்ட³ ஏகோநாஶீதிதம꞉ ஸர்க³꞉ (79)

॥ ஸசிவப்ரார்த²நாப்ரதிஷேத⁴꞉ ॥

தத꞉ ப்ரபா⁴தஸமயே தி³வஸே ச சதுர்த³ஶே ।
ஸமேத்ய ராஜகர்தார꞉ ப⁴ரதம் வாக்யமப்³ருவந் ॥ 1 ॥

க³தர்த³ஶரத²꞉ ஸ்வர்க³ம் யோ நோ கு³ருதர꞉ கு³ரு꞉ ।
ராமம் ப்ரவ்ராஜ்ய வை ஜ்யேஷ்ட²ம் லக்ஷ்மணம் ச மஹாப³லம் ॥ 2 ॥

த்வமத்³ய ப⁴வ நோ ராஜா ராஜபுத்ர மஹாயஶ꞉ ।
ஸங்க³த்யா நாபராத்⁴நோதி ராஜ்யமேதத³நாயகம் ॥ 3 ॥

ஆபி⁴ஷேசநிகம் ஸர்வமித³மாதா³ய ராக⁴வ ।
ப்ரதீக்ஷதே த்வாம் ஸ்வஜந꞉ ஶ்ரேணயஶ்ச ந்ருபாத்மஜ ॥ 4 ॥

ராஜ்யம் க்³ருஹாண ப⁴ரத பித்ருபைதாமஹம் மஹத் ।
அபி⁴ஷேசய சாத்மாநம் பாஹி சாஸ்மாந்நரர்ஷப⁴ ॥ 5 ॥

[* ஏவமுக்த꞉ ஶுப⁴ம் வாக்யம் த்³யுதிமாந் ஸத்ய வாக்சு²சி꞉ ।*]
ஆபி⁴ஷேசநிகம் பா⁴ண்ட³ம் க்ருத்வா ஸர்வம் ப்ரத³க்ஷிணம் ।
ப⁴ரதஸ்தம் ஜநம் ஸர்வம் ப்ரத்யுவாச த்⁴ருதவ்ரத꞉ ॥ 6 ॥

ஜ்யேஷ்ட²ஸ்ய ராஜதா நித்யமுசிதா ஹி குலஸ்ய ந꞉ ।
நைவம் ப⁴வந்த꞉ மாம் வக்துமர்ஹந்தி குஶலா ஜநா꞉ ॥ 7 ॥

ராம꞉ பூர்வோ ஹி நோ ப்⁴ராதா ப⁴விஷ்யதி மஹீபதி꞉ ।
அஹம் த்வரண்யே வத்ஸ்யாமி வர்ஷாணி நவ பஞ்ச ச ॥ 8 ॥

யுஜ்யதாம் மஹதீ ஸேநா சதுரங்க³ மஹாப³லா ।
ஆநயிஷ்யாம்யஹம் ஜ்யேஷ்ட²ம் ப்⁴ராதரம் ராக⁴வம் வநாத் ॥ 9 ॥

ஆபி⁴ஷேசநிகம் சைவ ஸர்வமேதது³பஸ்க்ருதம் ।
புர꞉ க்ருத்ய க³மிஷ்யாமி ராமஹேதோர்வநம் ப்ரதி ॥ 10 ॥

தத்ரைவ தம் நரவ்யாக்⁴ரமபி⁴ஷிச்ய புரஸ்க்ருதம் ।
ஆநேஷ்யாமி து வை ராமம் ஹவ்யவாஹமிவாத்⁴வராத் ॥ 11 ॥

ந ஸகாமாம் கரிஷ்யாமி ஸ்வாமிமாம் மாத்ருக³ந்தி⁴நீம் ।
வநே வத்ஸ்யாம்யஹம் து³ர்கே³ ராம꞉ ராஜா ப⁴விஷ்யதி ॥ 12 ॥

க்ரியதாம் ஶில்பிபி⁴꞉ பந்தா²꞉ ஸமாநி விஷமாணி ச ।
ரக்ஷிணஶ்சாநுஸம்யாந்து பதி² து³ர்க³ விசாரகா꞉ ॥ 13 ॥

ஏவம் ஸம்பா⁴ஷமாணம் தம் ராமஹேதோர்ந்ருபாத்மஜம் ।
ப்ரத்யுவாச ஜநஸ்ஸர்வ꞉ ஶ்ரீமத்³வாக்யமநுத்தமம் ॥ 14 ॥

ஏவம் தே பா⁴ஷமாணஸ்ய பத்³மா ஶ்ரீருபதிஷ்ட²தாம் ।
யஸ்த்வம் ஜ்யேஷ்டே² ந்ருபஸுதே ப்ருதி²வீம் தா³துமிச்ச²ஸி ॥ 15 ॥

அநுத்தமம் தத்³வசநம் ந்ருபாத்மஜ
ப்ரபா⁴ஷிதம் ஸம்ஶ்ரவணே நிஶம்ய ச ।
ப்ரஹர்ஷஜாஸ்தம் ப்ரதி பா³ஷ்பபி³ந்த³வோ
நிபேதுரார்யாநநநேத்ர ஸம்ப⁴வா꞉ ॥ 16 ॥

ஊசுஸ்தே வசநமித³ம் நிஶம்ய ஹ்ருஷ்டா꞉
ஸாமாத்யா꞉ ஸபரிஷதோ³ வியாதஶோகா꞉ ।
பந்தா²நம் நரவர ப⁴க்திமாந் ஜநஶ்ச
வ்யாதி³ஷ்டாஸ்தவ வசநாச்ச ஶில்பிவர்க³꞉ ॥ 17 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஏகோநாஶீதிதம꞉ ஸர்க³꞉ ॥ 79 ॥

அயோத்⁴யாகாண்ட³ அஶீதிதம꞉ ஸர்க³꞉ (80) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.