Read in తెలుగు / ಕನ್ನಡ / தமிழ் / देवनागरी / English (IAST)
ஶ்ரீ வஸிஷ்ட² உவாச ।
அத² வர்ஷஸஹஸ்ரேண தாம் பிதாமஹ ஆயயௌ ।
தா³ருணம் ஹி தப꞉ ஸித்³த்⁴யை விஷாக்³நிரபி ஶீதள꞉ ॥ 1 ॥
மநஸைவ ப்ரணம்யைநம் ஸா ததை²வ ஸ்தி²தா ஸதீ ।
கோ வர꞉ க்ஷுச்ச²மாயா(அ)லமிதி சிந்தாந்விதா(அ)ப⁴வத் ॥ 2 ॥
ஆ ஸ்ம்ருதம் ப்ரார்த²யிஷ்யே(அ)ஹம் வரமேகமிமம் விபு⁴ம் ।
அநாயஸீ சாயஸீ ச ஸ்யாமஹம் ஜீவஸூசிகா ॥ 3 ॥
அஸ்யோக்த்யா த்³விவிதா⁴ ஸூசிர்பூ⁴த்வா லக்ஷ்யா விஶாம்யஹம் ।
ப்ராணிநாம் ஸஹ ஸர்வேஷாம் ஹ்ருத³யம் ஸுரபி⁴ர்யதா² ॥ 4 ॥
யதா²பி⁴மதமேதேந க்³ரஸேயம் ஸகலம் ஜக³த் ।
க்ரமேண க்ஷுத்³விநாஶாய க்ஷுத்³விநாஶ꞉ பரம் ஸுக²ம் ॥ 5 ॥
இதி ஸஞ்சிந்தயந்தீம் தாமுவாச கமலாலய꞉ ।
அந்யாத்³ருஶ்யாஸ்ததா² த்³ருஷ்ட்வா ஸ்தநிதாப்⁴ரரவோபமம் ॥ 6 ॥
ப்³ரஹ்மோவாச ।
புத்ரி கர்கடிகே ரக்ஷ꞉குலஶைலாப்⁴ரமாலிகே ।
உத்திஷ்ட² த்வம் து துஷ்டோ(அ)ஸ்மி க்³ருஹாணாபி⁴மதம் வரம் ॥ 7 ॥
கர்கட்யுவாச ।
ப⁴க³வந் பூ⁴தப⁴வ்யேஶ ஸ்யாமஹம் ஜீவஸூசிகா ।
அநாயஸீ சாயஸீ ச விதே⁴(அ)ர்பயஸி சேத்³வரம் ॥ 8 ॥
ஶ்ரீவஸிஷ்ட² உவாச ।
ஏவமஸ்த்விதி தாமுக்த்வா புநராஹ பிதாமஹ꞉ ।
ஸூசிகா ஸோபஸர்கா³ த்வம் ப⁴விஷ்யஸி விஷூசிகா ॥ 9 ॥
ஸூக்ஷ்மயா மாயயா ஸர்வலோகஹிம்ஸாம் கரிஷ்யஸி ।
து³ர்போ⁴ஜநா து³ராரம்பா⁴ மூர்கா² து³꞉ஸ்தி²தயஶ்ச யே ॥ 10 ॥
து³ர்தே³ஶவாஸிநோ து³ஷ்டாஸ்தேஷாம் ஹிம்ஸாம் கரிஷ்யஸி ।
ப்ரவிஶ்யா(ஆ)ஹ்ருத³யம் ப்ராணை꞉ பத்³மப்லீஹாதி³ பா³த⁴நாத் ॥ 11 ॥
வாதலேகா²த்மிகா வ்யாதி⁴ர்ப⁴விஷ்யஸி விஷூசிகா ।
ஸகு³ணம் விகு³ணம் சைவ ஜநமாஸாத³யிஷ்யஸி ॥ 12 ॥
கு³ணாந்விதசிகித்ஸார்த²ம் மந்த்ரோ(அ)யம் து மயோச்யதே ।
ப்³ரஹ்மோவாச ।
ஹிமத்³ரேருத்தரே பார்ஶ்வே கர்கடீ நாம ராக்ஷஸீ ॥ 13 ॥
விஷூசிகா(அ)பி⁴தா⁴நா ஸா நாம்நாப்யந்யாயபா³தி⁴கா ।
தஸ்யா மந்த்ர꞉ ।
ஓம் ஹ்ரீம் ஹ்ராம் ரீம் ராம் விஷ்ணுஶக்தயே நம꞉ ।
ஓம் நமோ ப⁴க³வதி விஷ்ணுஶக்திமேநாம் ஓம் ஹர ஹர நய நய பச பச மத² மத²
உத்ஸாத³ய உத்ஸாத³ய தூ³ரே குரு ஸ்வாஹா ஹிமவந்தம் க³ச்ச² ஜீவ ஸ꞉ ஸ꞉ ஸ꞉ சந்த்³ரமண்ட³ல க³தோ(அ)ஸி ஸ்வாஹா ।
இதி மந்த்ரீ மஹாமந்த்ரம் ந்யஸ்ய வாமகரோத³ரே ।
மார்ஜயேதா³துராகாரம் தேந ஹஸ்தேந ஸம்யுத꞉ ॥ 14 ॥
ஹிமஶைலாபி⁴முக்²யேந வித்³ருதாம் தாம் விசிந்தயேத் ।
கர்கடீ கர்கஶாக்ரந்தா³ம் மந்த்ரமுத்³க³ரமர்தி³தாம் ॥ 15 ॥
ஆதுரம் சிந்தயேச்சந்த்³ரே ரஸாயநஹ்ருதி³ஸ்தி²தம் ।
அஜராமரணம் யுக்தம் முக்தம் ஸர்வாதி⁴விப்⁴ரமை꞉ ॥ 16 ॥
ஸாத⁴கோ ஹி ஶுசிர்பூ⁴த்வா ஸ்வாசாந்த꞉ ஸுஸமாஹித꞉ ।
க்ரமேணாநேந ஸகலாம் ப்ரோச்சி²நத்தி விஷூசிகாம் ॥ 17 ॥
இதி க³க³நக³தஸ்த்ரிலோகநாத²꞉
க³க³நக³ஸித்³த⁴க்³ருஹீத ஸித்³த⁴மந்த்ர꞉ ।
க³த உபக³தஶக்ரவந்த்³யமாநோ
நிஜபுரமக்ஷயமாயமுஜ்ஜ்வலஶ்ரீ꞉ ॥ 18 ॥
இத்யார்ஷே ஶ்ரீவாஸிஷ்ட²மஹாராமாயணே வால்மீகீயே உத்பத்திப்ரகரணே விஷூசிகாமந்த்ர கத²நம் நாம ஏகோநஸப்ததிதமஸ்ஸர்க³꞉ ॥
ஶ்ரீ த⁴ன்வந்தரீ மஹாமந்த்ரம் >>
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
