Read in తెలుగు / ಕನ್ನಡ / தமிழ் / देवनागरी / English (IAST)
க³ளத்³தா³நக³ண்ட³ம் மிலத்³ப்⁴ருங்க³ஷண்ட³ம்
சலச்சாருஶுண்ட³ம் ஜக³த்த்ராணஶௌண்ட³ம் ।
கநத்³த³ந்தகாண்ட³ம் விபத்³ப⁴ங்க³சண்ட³ம்
ஶிவப்ரேமபிண்ட³ம் ப⁴ஜே வக்ரதுண்ட³ம் ॥ 1 ॥
அநாத்³யந்தமாத்³யம் பரம் தத்த்வமர்த²ம்
சிதா³காரமேகம் துரீயம் த்வமேயம் ।
ஹரிப்³ரஹ்மம்ருக்³யம் பரப்³ரஹ்மரூபம்
மநோவாக³தீதம் மஹ꞉ஶைவமீடே³ ॥ 2 ॥
ஸ்வஶக்த்யாதி³ஶக்த்யந்தஸிம்ஹாஸநஸ்த²ம்
மநோஹாரிஸர்வாங்க³ரத்நோருபூ⁴ஷம் ।
ஜடாஹீந்து³க³ங்கா³ஸ்தி²ஶம்யாகமௌளிம்
பராஶக்திமித்ரம் நும꞉ பஞ்சவக்த்ரம் ॥ 3 ॥
ஶிவேஶாநதத்பூருஷாகோ⁴ரவாமா-
-தி³பி⁴꞉ பஞ்சபி⁴ர்ஹ்ருந்முகை²꞉ ஷட்³பி⁴ரங்கை³꞉ ।
அநௌபம்ய ஷட்த்ரிம்ஶதம் தத்த்வவித்³யா-
-மதீதம் பரம் த்வாம் கத²ம் வேத்தி கோ வா ॥ 4 ॥
ப்ரவாளப்ரவாஹப்ரபா⁴ஶோணமர்த⁴ம்
மருத்வந்மணிஶ்ரீமஹ꞉ஶ்யாமமர்த⁴ம் ।
கு³ணஸ்யூதமேதத்³வபு꞉ ஶைவமந்த꞉
ஸ்மராமி ஸ்மராபத்திஸம்பத்திஹேதும் ॥ 5 ॥
ஸ்வஸேவாஸமாயாததே³வாஸுரேந்த்³ரா-
-நமந்மௌளிமந்தா³ரமாலாபி⁴ஷக்தம் ।
நமஸ்யாமி ஶம்போ⁴ பதா³ம்போ⁴ருஹம் தே
ப⁴வாம்போ⁴தி⁴போதம் ப⁴வாநீவிபா⁴வ்யம் ॥ 6 ॥
ஜக³ந்நாத² மந்நாத² கௌ³ரீஸநாத²
ப்ரபந்நாநுகம்பிந்விபந்நார்திஹாரின் ।
மஹ꞉ஸ்தோமமூர்தே ஸமஸ்தைகப³ந்தோ⁴
நமஸ்தே நமஸ்தே புநஸ்தே நமோ(அ)ஸ்து ॥ 7 ॥
விரூபாக்ஷ விஶ்வேஶ விஶ்வாதி³தே³வ
த்ரயீமூல ஶம்போ⁴ ஶிவ த்ர்யம்ப³க த்வம் ।
ப்ரஸீத³ ஸ்மர த்ராஹி பஶ்யாவமுக்த்யை
க்ஷமாம் ப்ராப்நுஹி த்ர்யக்ஷ மாம் ரக்ஷ மோதா³த் ॥ 8 ॥
மஹாதே³வ தே³வேஶ தே³வாதி³தே³வ
ஸ்மராரே புராரே யமாரே ஹரேதி ।
ப்³ருவாண꞉ ஸ்மரிஷ்யாமி ப⁴க்த்யா ப⁴வந்தம்
ததோ மே த³யாஶீல தே³வ ப்ரஸீத³ ॥ 9 ॥
த்வத³ந்ய꞉ ஶரண்ய꞉ ப்ரபந்நஸ்ய நேதி
ப்ரஸீத³ ஸ்மரந்நேவ ஹந்யாஸ்து தை³ந்யம் ।
ந சேத்தே ப⁴வேத்³ப⁴க்தவாத்ஸல்யஹாநி-
-ஸ்ததோ மே த³யாளோ ஸதா³ ஸந்நிதே⁴ஹி ॥ 10 ॥
அயம் தா³நகாலஸ்த்வஹம் தா³நபாத்ரம்
ப⁴வாநேவ தா³தா த்வத³ந்யம் ந யாசே ।
ப⁴வத்³ப⁴க்திமேவ ஸ்தி²ராம் தே³ஹி மஹ்யம்
க்ருபாஶீல ஶம்போ⁴ க்ருதார்தோ²(அ)ஸ்மி தஸ்மாத் ॥ 11 ॥
பஶும் வேத்ஸி சேந்மாம் தமேவாதி⁴ரூட⁴꞉
கலங்கீதி வா மூர்த்⁴நி த⁴த்ஸே தமேவ ।
த்³விஜிஹ்வ꞉ புந꞉ ஸோ(அ)பி தே கண்ட²பூ⁴ஷா
த்வத³ங்கீ³க்ருதா꞉ ஶர்வ ஸர்வே(அ)பி த⁴ந்யா꞉ ॥ 12 ॥
ந ஶக்நோமி கர்தும் பரத்³ரோஹலேஶம்
கத²ம் ப்ரீயஸே த்வம் ந ஜாநே கி³ரீஶ ।
ததா²ஹி ப்ரஸந்நோ(அ)ஸி கஸ்யாபி காந்தா-
-ஸுதத்³ரோஹிணோ வா பித்ருத்³ரோஹிணோ வா ॥ 13 ॥
ஸ்துதிம் த்⁴யாநமர்சாம் யதா²வத்³விதா⁴தும்
ப⁴ஜந்நப்யஜாநந்மஹேஶாவளம்பே³ ।
த்ரஸந்தம் ஸுதம் த்ராதுமக்³ரே ம்ருகண்டோ³-
-ர்யமப்ராணநிர்வாபணம் த்வத்பதா³ப்³ஜம் ॥ 14 ॥
ஶிரோத்³ருஷ்டிஹ்ருத்³ரோக³ஶூலப்ரமேஹ-
-ஜ்வரார்ஶோஜராயக்ஷ்மஹிக்காவிஷார்தான் ।
த்வமாத்³யோ பி⁴ஷக்³பே⁴ஷஜம் ப⁴ஸ்ம ஶம்போ⁴
த்வமுல்லாக⁴யாஸ்மாந்வபுர்லாக⁴வாய ॥ 15 ॥
த³ரித்³ரோ(அ)ஸ்ம்யப⁴த்³ரோ(அ)ஸ்மி ப⁴க்³நோ(அ)ஸ்மி தூ³யே
விஷண்ணோ(அ)ஸ்மி ஸந்நோ(அ)ஸ்மி கி²ந்நோ(அ)ஸ்மி சாஹம் ।
ப⁴வாந்ப்ராணிநாமந்தராத்மாஸி ஶம்போ⁴
மமாதி⁴ம் ந வேத்ஸி ப்ரபோ⁴ ரக்ஷ மாம் த்வம் ॥ 16 ॥
த்வத³க்ஷ்ணோ꞉ கடாக்ஷ꞉ பதேத்த்ர்யக்ஷ யத்ர
க்ஷணம் க்ஷ்மா ச லக்ஷ்மீ꞉ ஸ்வயம் தம் வ்ருணாதே ।
கிரீடஸ்பு²ரச்சாமரச்ச²த்ரமாலா-
-கலாசீக³ஜக்ஷௌமபூ⁴ஷாவிஶேஷை꞉ ॥ 17 ॥
ப⁴வாந்யை ப⁴வாயாபி மாத்ரே ச பித்ரே
ம்ருடா³ந்யை ம்ருடா³யாப்யக⁴க்⁴ந்யை மக²க்⁴நே ।
ஶிவாங்க்³யை ஶிவாங்கா³ய குர்ம꞉ ஶிவாயை
ஶிவாயாம்பி³காயை நமஸ்த்ர்யம்ப³காய ॥ 18 ॥
ப⁴வத்³கௌ³ரவம் மல்லகு⁴த்வம் விதி³த்வா
ப்ரபோ⁴ ரக்ஷ காருண்யத்³ருஷ்ட்யாநுக³ம் மாம் ।
ஶிவாத்மாநுபா⁴வஸ்துதாவக்ஷமோ(அ)ஹம்
ஸ்வஶக்த்யா க்ருதம் மே(அ)பராத⁴ம் க்ஷமஸ்வ ॥ 19 ॥
யதா³ கர்ணரந்த்⁴ரம் வ்ரஜேத்காலவாஹ-
-த்³விஷத்கண்ட²க⁴ண்டாக⁴ணாத்காரநாத³꞉ ।
வ்ருஷாதீ⁴ஶமாருஹ்ய தே³வௌபவாஹ்யம்
ததா³ வத்ஸ மா பீ⁴ரிதி ப்ரீணய த்வம் ॥ 20 ॥
யதா³ தா³ருணாபா⁴ஷணா பீ⁴ஷணா மே
ப⁴விஷ்யந்த்யுபாந்தே க்ருதாந்தஸ்ய தூ³தா꞉ ।
ததா³ மந்மநஸ்த்வத்பதா³ம்போ⁴ருஹஸ்த²ம்
கத²ம் நிஶ்சலம் ஸ்யாந்நமஸ்தே(அ)ஸ்து ஶம்போ⁴ ॥ 21 ॥
யதா³ து³ர்நிவாரவ்யதோ²(அ)ஹம் ஶயாநோ
லுட²ந்நி꞉ஶ்வஸந்நி꞉ஸ்ருதாவ்யக்தவாணி꞉ ।
ததா³ ஜஹ்நுகந்யாஜலாலங்க்ருதம் தே
ஜடாமண்ட³லம் மந்மநோமந்தி³ரம் ஸ்யாத் ॥ 22 ॥
யதா³ புத்ரமித்ராத³யோ மத்ஸகாஶே
ருத³ந்த்யஸ்ய ஹா கீத்³ருஶீயம் த³ஶேதி ।
ததா³ தே³வதே³வேஶ கௌ³ரீஶ ஶம்போ⁴
நமஸ்தே ஶிவாயேத்யஜஸ்ரம் ப்³ரவாணி ॥ 23 ॥
யதா³ பஶ்யதாம் மாமஸௌ வேத்தி நாஸ்மா-
-நயம் ஶ்வாஸ ஏவேதி வாசோ ப⁴வேயு꞉ ।
ததா³ பூ⁴திபூ⁴ஷம் பு⁴ஜங்கா³வநத்³த⁴ம்
புராரே ப⁴வந்தம் ஸ்பு²டம் பா⁴வயேயம் ॥ 24 ॥
யதா³ யாதநாதே³ஹஸந்தே³ஹவாஹீ
ப⁴வேதா³த்மதே³ஹே ந மோஹோ மஹாந்மே ।
ததா³ காஶஶீதாம்ஶுஸங்காஶமீஶ
ஸ்மராரே வபுஸ்தே நமஸ்தே ஸ்மராமி ॥ 25 ॥
யதா³பாரமச்சா²யமஸ்தா²நமத்³பி⁴-
-ர்ஜநைர்வா விஹீநம் க³மிஷ்யாமி மார்க³ம் ।
ததா³ தம் நிருந்த⁴ந்க்ருதாந்தஸ்ய மார்க³ம்
மஹாதே³வ மஹ்யம் மநோஜ்ஞம் ப்ரயச்ச² ॥ 26 ॥
யதா³ ரௌரவாதி³ ஸ்மரந்நேவ பீ⁴த்யா
வ்ரஜாம்யத்ர மோஹம் மஹாதே³வ கோ⁴ரம் ।
ததா³ மாமஹோ நாத² கஸ்தாரயிஷ்ய-
-த்யநாத²ம் பராதீ⁴நமர்தே⁴ந்து³மௌளே ॥ 27 ॥
யதா³ ஶ்வேதபத்ராயதாலங்க்⁴யஶக்தே꞉
க்ருதாந்தாத்³ப⁴யம் ப⁴க்தவாத்ஸல்யபா⁴வாத் ।
ததா³ பாஹி மாம் பார்வதீவல்லபா⁴ந்யம்
ந பஶ்யாமி பாதாரமேதாத்³ருஶம் மே ॥ 28 ॥
இதா³நீமிதா³நீம் ம்ருதிர்மே ப⁴வித்ரீ-
-த்யஹோ ஸந்ததம் சிந்தயா பீடி³தோ(அ)ஸ்மி ।
கத²ம் நாம மா பூ⁴ந்ம்ருதௌ பீ⁴திரேஷா
நமஸ்தே க³தீநாம் க³தே நீலகண்ட² ॥ 29 ॥
அமர்யாத³மேவாஹமாபா³லவ்ருத்³த⁴ம்
ஹரந்தம் க்ருதாந்தம் ஸமீக்ஷ்யாஸ்மி பீ⁴த꞉ ।
ம்ருதௌ தாவகாங்க்⁴ர்யப்³ஜதி³வ்யப்ரஸாதா³-
-த்³ப⁴வாநீபதே நிர்ப⁴யோ(அ)ஹம் ப⁴வாநி ॥ 30 ॥
ஜராஜந்மக³ர்பா⁴தி⁴வாஸாதி³து³꞉கா²-
-ந்யஸஹ்யாநி ஜஹ்யாம் ஜக³ந்நாத² தே³வ ।
ப⁴வந்தம் விநா மே க³திர்நைவ ஶம்போ⁴
த³யாளோ ந ஜாக³ர்தி கிம் வா த³யா தே ॥ 31 ॥
ஶிவாயேதி ஶப்³தோ³ நம꞉பூர்வ ஏஷ
ஸ்மரந்முக்திக்ருந்ம்ருத்யுஹா தத்த்வவாசீ ।
மஹேஶாந மா கா³ந்மநஸ்தோ வசஸ்த꞉
ஸதா³ மஹ்யமேதத்ப்ரதா³நம் ப்ரயச்ச² ॥ 32 ॥
த்வமப்யம்ப³ மாம் பஶ்ய ஶீதாம்ஶுமௌளி-
-ப்ரியே பே⁴ஷஜம் த்வம் ப⁴வவ்யாதி⁴ஶாந்தௌ ।
ப³ஹுக்லேஶபா⁴ஜம் பதா³ம்போ⁴ஜபோதே
ப⁴வாப்³தௌ⁴ நிமக்³நம் நயஸ்வாத்³ய பாரம் ॥ 33 ॥
அநுத்³யல்லலாடாக்ஷிவஹ்நிப்ரரோஹை-
-ரவாமஸ்பு²ரச்சாருவாமோருஶோபை⁴꞉ ।
அநங்க³ப்⁴ரமத்³போ⁴கி³பூ⁴ஷாவிஶேஷை-
-ரசந்த்³ரார்த⁴சூடை³ரளம் தை³வதைர்ந꞉ ॥ 34 ॥
அகண்டே²கலங்காத³நங்கே³பு⁴ஜங்கா³-
-த³பாணௌகபாலாத³பா²லேநலாக்ஷாத் ।
அமௌளௌஶஶாங்காத³வாமேகளத்ரா-
-த³ஹம் தே³வமந்யம் ந மந்யே ந மந்யே ॥ 35 ॥
மஹாதே³வ ஶம்போ⁴ கி³ரீஶ த்ரிஶூலிம்-
-ஸ்த்வயீத³ம் ஸமஸ்தம் விபா⁴தீதி யஸ்மாத் ।
ஶிவாத³ந்யதா² தை³வதம் நாபி⁴ஜாநே
ஶிவோ(அ)ஹம் ஶிவோ(அ)ஹம் ஶிவோ(அ)ஹம் ஶிவோ(அ)ஹம் ॥ 36 ॥
யதோ(அ)ஜாயதேத³ம் ப்ரபஞ்சம் விசித்ரம்
ஸ்தி²திம் யாதி யஸ்மிந்யதே³காந்தமந்தே ।
ஸ கர்மாதி³ஹீந꞉ ஸ்வயஞ்ஜ்யோதிராத்மா
ஶிவோ(அ)ஹம் ஶிவோ(அ)ஹம் ஶிவோ(அ)ஹம் ஶிவோ(அ)ஹம் ॥ 37 ॥
கிரீடே நிஶேஶோ லலாடே ஹுதாஶோ
பு⁴ஜே போ⁴கி³ராஜோ க³ளே காளிமா ச ।
தநௌ காமிநீ யஸ்ய தத்துல்யதே³வம்
ந ஜாநே ந ஜாநே ந ஜாநே ந ஜாநே ॥ 38 ॥
அநேந ஸ்தவேநாத³ராத³ம்பி³கேஶம்
பராம் ப⁴க்திமாஸாத்³ய யம் யே நமந்தி ।
ம்ருதௌ நிர்ப⁴யாஸ்தே ஜநாஸ்தம் ப⁴ஜந்தே
ஹ்ருத³ம்போ⁴ஜமத்⁴யே ஸதா³ஸீநமீஶம் ॥ 39 ॥
பு⁴ஜங்க³ப்ரியாகல்ப ஶம்போ⁴ மயைவம்
பு⁴ஜங்க³ப்ரயாதேந வ்ருத்தேந க்லுப்தம் ।
நர꞉ ஸ்தோத்ரமேதத்படி²த்வோருப⁴க்த்யா
ஸுபுத்ராயுராரோக்³யமைஶ்வர்யமேதி ॥ 40 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶிவ பு⁴ஜங்க³ம் ।
மேலும் ஶ்ரீ ஶிவ ஸ்தோத்திரங்கள் பார்க்க.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
