Read in తెలుగు / ಕನ್ನಡ / தமிழ் / देवनागरी / English (IAST)
॥ வாநரபர்யவஸ்தா²பநம் ॥
ஸ லங்க⁴யித்வா ப்ராகாரம் கி³ரிகூடோபமோ மஹாந் ।
நிர்யயௌ நக³ராத்தூர்ணம் கும்ப⁴கர்ணோ மஹாப³ல꞉ ॥ 1 ॥
ஸ நநாத³ மஹாநாத³ம் ஸமுத்³ரமபி⁴நாத³யந் ।
ஜநயந்நிவ நிர்கா⁴தாந்வித⁴மந்நிவ பர்வதாந் ॥ 2 ॥
தமவத்⁴யம் மக⁴வதா யமேந வருணேந வா ।
ப்ரேக்ஷ்ய பீ⁴மாக்ஷமாயாந்தம் வாநரா விப்ரது³த்³ருவு꞉ ॥ 3 ॥
தாம்ஸ்து விப்ரத்³ருதாந்த்³ருஷ்ட்வா வாலிபுத்ரோ(அ)ங்க³தோ³(அ)ப்³ரவீத் ।
ளம் நீலம் க³வாக்ஷம் ச குமுத³ம் ச மஹாப³லம் ॥ 4 ॥
ஆத்மாநமத்ர விஸ்ம்ருத்ய வீர்யாண்யபி⁴ஜநாநி ச ।
க்வ க³ச்ச²த ப⁴யத்ரஸ்தா꞉ ப்ராக்ருதா ஹரயோ யதா² ॥ 5 ॥
ஸாது⁴ ஸௌம்யா நிவர்தத்⁴வம் கிம் ப்ராணாந்பரிரக்ஷத² ।
நாலம் யுத்³தா⁴ய வை ரக்ஷோ மஹதீயம் விபீ⁴ஷிகா ॥ 6 ॥
மஹதீமுத்தி²தாமேநாம் ராக்ஷஸாநாம் விபீ⁴ஷிகாம் ।
விக்ரமாத்³வித⁴மிஷ்யாமோ நிவர்தத்⁴வம் ப்லவங்க³மா꞉ ॥ 7 ॥
க்ருச்ச்²ரேண து ஸமாஶ்வஸ்ய ஸங்க³ம்ய ச ததஸ்தத꞉ ।
வ்ருக்ஷாத்³ரிஹஸ்தா ஹரய꞉ ஸம்ப்ரதஸ்தூ² ரணாஜிரம் ॥ 8 ॥
தே நிவ்ருத்ய து ஸங்க்ருத்³தா⁴꞉ கும்ப⁴கர்ணம் வநௌகஸ꞉ ।
நிஜக்⁴நு꞉ பரமக்ருத்³தா⁴꞉ ஸமதா³ இவ குஞ்ஜரா꞉ ॥ 9 ॥
ப்ராம்ஶுபி⁴ர்கி³ரிஶ்ருங்கை³ஶ்ச ஶிலாபி⁴ஶ்ச மஹாப³ல꞉ ।
பாத³பை꞉ புஷ்பிதாக்³ரைஶ்ச ஹந்யமாநோ ந கம்பதே ॥ 10 ॥
தஸ்ய கா³த்ரேஷு பதிதா பி⁴த்³யந்தே ஶதஶ꞉ ஶிலா꞉ ।
பாத³பா꞉ புஷ்பிதாக்³ராஶ்ச ப⁴க்³நா꞉ பேதுர்மஹீதலே ॥ 11 ॥
ஸோ(அ)பி ஸைந்யாநி ஸங்க்ருத்³தோ⁴ வாநராணாம் மஹௌஜஸாம் ।
மமந்த² பரமாயத்தோ வநாந்யக்³நிரிவோத்தி²த꞉ ॥ 12 ॥
லோஹிதார்த்³ராஸ்து ப³ஹவ꞉ ஶேரதே வாநரர்ஷபா⁴꞉ ।
நிரஸ்தா꞉ பதிதா பூ⁴மௌ தாம்ரபுஷ்பா இவ த்³ருமா꞉ ॥ 13 ॥
லங்க⁴யந்த꞉ ப்ரதா⁴வந்தோ வாநரா நாவளோகயந் ।
கேசித்ஸமுத்³ரே பதிதா꞉ கேசித்³க³க³நமாஶ்ரிதா꞉ ॥ 14 ॥
வத்⁴யமாநாஸ்து தே வீரா ராக்ஷஸேந ப³லீயஸா ।
ஸாக³ரம் யேந தே தீர்ணா꞉ பதா² தேந ப்ரது³த்³ருவு꞉ ॥ 15 ॥
தே ஸ்த²லாநி ததா² நிம்நம் விஷண்ணவத³நா ப⁴யாத் ।
ருக்ஷா வ்ருக்ஷாந்ஸமாரூடா⁴꞉ கேசித்பர்வதமாஶ்ரிதா꞉ ॥ 16 ॥
மமஜ்ஜுரர்ணவே கேசித்³கு³ஹா꞉ கேசித்ஸமாஶ்ரிதா꞉ ।
நிஷேது³꞉ ப்லவகா³꞉ கேசித்கேசிந்நைவாவதஸ்தி²ரே ॥ 17 ॥
கேசித்³பூ⁴மௌ நிபதிதா꞉ கேசித்ஸுப்தா ம்ருதா இவ ।
தாந்ஸமீக்ஷ்யாங்க³தோ³ ப⁴க்³நாந்வாநராநித³மப்³ரவீத் ॥ 18 ॥
அவதிஷ்ட²த யுத்⁴யாமோ நிவர்தத்⁴வம் ப்லவங்க³மா꞉ ।
ப⁴க்³நாநாம் வோ ந பஶ்யாமி பரிக³ம்ய மஹீமிமாம் ॥ 19 ॥
ஸ்தா²நம் ஸர்வே நிவர்தத்⁴வம் கிம் ப்ராணாந்பரிரக்ஷத² ।
நிராயுதா⁴நாம் த்³ரவதாமஸங்க³க³திபௌருஷா꞉ ॥ 20 ॥
தா³ரா ஹ்யபஹஸிஷ்யந்தி ஸ வை கா⁴தஸ்து ஜீவிநாம் ।
குலேஷு ஜாதா꞉ ஸர்வே ஸ்ம விஸ்தீர்ணேஷு மஹத்ஸு ச ॥ 21 ॥
க்வ க³ச்ச²த² ப⁴யத்ரஸ்தா ஹரய꞉ ப்ராக்ருதா யதா² ।
அநார்யா꞉ க²லு யத்³பீ⁴தாஸ்த்யக்த்வா வீர்யம் ப்ரதா⁴வத ॥ 22 ॥
விகத்த²நாநி வோ யாநி ததா³ வை ஜநஸம்ஸதி³ ।
தாநி வ꞉ க்வ நு யாதாநி ஸோத³க்³ராணி மஹாந்தி ச ॥ 23 ॥
பீ⁴ருப்ரவாதா³꞉ ஶ்ரூயந்தே யஸ்து ஜீவிதி தி⁴க்க்ருத꞉ ।
மார்க³꞉ ஸத்புருஷைர்ஜுஷ்ட꞉ ஸேவ்யதாம் த்யஜ்யதாம் ப⁴யம் ॥ 24 ॥
ஶயாமஹே(அ)த² நிஹதா꞉ ப்ருதி²வ்யாமள்பஜீவிதா꞉ ।
து³ஷ்ப்ராபம் ப்³ரஹ்மலோகம் வா ப்ராப்நுமோ யுதி⁴ ஸூதி³தா꞉ ॥ 25 ॥
ஸம்ப்ராப்நுயாம꞉ கீர்திம் வா நிஹத்வா ஶத்ருமாஹவே ।
ஜீவிதம் வீரளோகஸ்ய மோக்ஷ்யாமோ வஸு வாநரா꞉ ॥ 26 ॥
ந கும்ப⁴கர்ண꞉ காகுத்ஸ்த²ம் த்³ருஷ்ட்வா ஜீவந்க³மிஷ்யதி ।
தீ³ப்யமாநமிவாஸாத்³ய பதங்கோ³ ஜ்வலநம் யதா² ॥ 27 ॥
பலாயநேந சோத்³தி³ஷ்டா꞉ ப்ராணாந்ரக்ஷாமஹே வயம் ।
ஏகேந ப³ஹவோ ப⁴க்³நா யஶோ நாஶம் க³மிஷ்யதி ॥ 28 ॥
ஏவம் ப்³ருவாணம் தம் ஶூரமங்க³த³ம் கநகாங்க³த³ம் ।
த்³ரவமாணாஸ்ததோ வாக்யமூசு꞉ ஶூரவிக³ர்ஹிதம் ॥ 29 ॥
க்ருதம் ந꞉ கத³நம் கோ⁴ரம் கும்ப⁴கர்ணேந ரக்ஷஸா ।
ந ஸ்தா²நகாலோ க³ச்சா²மோ த³யிதம் ஜீவிதம் ஹி ந꞉ ॥ 30 ॥
ஏதாவது³க்த்வா வசநம் ஸர்வே தே பே⁴ஜிரே தி³ஶ꞉ ।
பீ⁴மம் பீ⁴மாக்ஷமாயாந்தம் த்³ருஷ்ட்வா வாநரயூத²பா꞉ ॥ 31 ॥
த்³ரவமாணாஸ்து தே வீரா அங்க³தே³ந வலீமுகா²꞉ ।
ஸாந்த்வைஶ்சைவாநுமாநைஶ்ச தத꞉ ஸர்வே நிவர்திதா꞉ ॥ 32 ॥
ப்ரஹர்ஷமுபநீதாஶ்ச வாலிபுத்ரேண தீ⁴மதா ।
ஆஜ்ஞாப்ரதீக்ஷாஸ்தஸ்து²ஶ்ச ஸர்வே வாநரயூத²பா꞉ ॥ 33 ॥
ருஷப⁴ஶரப⁴மைந்த³தூ⁴ம்ரநீலா꞉
குமுத³ஸுஷேணக³வாக்ஷரம்ப⁴தாரா꞉ ।
த்³விவித³பநஸவாயுபுத்ரமுக்²யா꞉
த்வரிததராபி⁴முக²ம் ரணம் ப்ரயாதா꞉ ॥ 34 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஷட்ஷஷ்டிதம꞉ ஸர்க³꞉ ॥ 66 ॥
ஸம்பூர்ண வால்மீகி ராமாயணே யுத்³த⁴காண்ட³ பார்க்க.
పైరసీ ప్రకటన : నాగేంద్రాస్ న్యూ గొల్లపూడి వీరాస్వామి సన్ మరియు శ్రీఆదిపూడి వెంకటశివసాయిరామ్ గారు కలిసి మా రెండు పుస్తకాలను ("శ్రీ వారాహీ స్తోత్రనిధి" మరియు "శ్రీ శ్యామలా స్తోత్రనిధి") ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.